Nasi lemak
 Sepinggan nasi lemak berlauk sambal kerang. | |
| Course | Hidangan utama, lazimnya untuk sarapan |
|---|---|
| Place of origin | Semenanjung Melayu[1][2][3][4][5] |
| Region or state | Semenanjung Melayu, Brunei,Templat:Perlu rujukan Singapura, utara, selatan dan pantai timur pulau Sumatera |
| Associated cuisine | Malaysia |
| Created by | orang Melayu Semenanjung Malaysia |
| Serving temperature | Suhu bilik atau suhu panas |
| Main ingredients | Beras dimasak dalam santan dengan daun pandan; dihidangkan dengan sambal, ikan bilis goreng, timun, dan pelbagai jenis hidangan sampingan |
Nasi lemak (Malay: ناسي لمقناسي لمق) nopo nga iso taakanon koubasanan merupakan makanan tradisi orang Melayu it haroo id boogian Malaysia, Singapura, Indonesia (loolobi po id Riau, Jambi, om nogi utara, selatan, om pantai timur Sumatera) om Brunei.[6] Taakanon nopo diti nga mantad takano ii minaan onsoko momoguno santan piasau montok momoruhang do roso. Somonu nopo, roun pandan wangi posuangon maamaso takano do onsokon montok momoruhang kosingudan.
Nasi lemak asaru potoundaon miampai telur rebus, sangop, sada bilis ginuring, kasang ginuring om sambal. Mulong po dilo, ontok timpu diti nasi lemak padagangon miampai mogikakawo rinapa nga amu terhad kumaa daging, manuk , sutung, udang, limpa, om tuunduundu sapi.
Kakamot montok momonsoi nasi lemak nogi osonong do oihum. Sabaagi poomitanan roun pandan, layo, sogumau om halba milo oboli mantad kedai runcit toi ko' pasar awam. Ikan bilis om tontolu' milo bolion id pasar raya.
Tadon
[simbanai | simbanai toud]Nasi lemak nopo nga mantad Semenanjung Melayu, guas tadon nopo nga amu noilaan, nga taakanon diti haro no mantad maamaso do timpu Kesultanan Melaka. Haro doti tadon nopo kaka dilo taakanon nga mantad Melaka, Johor, Selangor toi ko' Perak. Haro onom roromu do taakanon diti, ii lohowon do karbohidrat miagal takano, protein miagal tontolu tinanok toi ko' manuk ginuring, kinotuan miagal kangkung toi ko' sangop, kudapan miagal kasang om sada bilis om nogi taakanon toyopos miagal do sambal. Onom komponen diti nopo nga oponsol, nga ii loobi oponsol nopo nga takano mositi do haro roso santan om ii nogi sambal kiroso. Sambal nasi lemak nopo diti noubasanan do mogisusuai om mogirolot-rolot kawo mantad di laid po , haro iri apakat kikuah, haro nogi cair kikuah, haro ii oomis, haro oosin, om haro roso di osulimbang. Iti nopo nga tumanud do koubasanan id suang kaalayan toi ko' sosongulun. Pogun Malaysia nopo nga iso longkod podtuongisan di osiau, sambal nasi lemak ii oomis wonsoyon montok soosongulun di amu kaakan do opodos loolobi po tulun tindapou mantad barat.
Melaka
[simbanai | simbanai toud]Nasi lemak id Melaka nopo nga kiwaa onom elemen miagal do takano, kangkung, tontolu tinanok, sada bilis, kasang om nogi sambal. Nasi lemak Melaka diti nopo nga au momoguno do sangop, nga momoguno do kangkung. Onsokon nogi o sambal miampai okikuah tokuri om au oomis.
Johor
[simbanai | simbanai toud]Nasi lemak id Johor nopo nga haro 6 elemen miagal do takanon, sangop, tontolu tinanok, ikan bilis, kasang om sambal. Tumanud statistik, pananaman sangop bobos togumu id pogun Malaysia nopo nga Johor. Tadon nopo do sangop nga okon ko' mantad Semenanjung Tanah Melayu nga' mantad pogun India. Sambal nopo di gunoon nga sambal tumis ii noubasanan no do tulun Johor mangakan miampai mundok tinanok, mee siput, lempeng om kuui jemput-jemput. Sambal tumis nopo diti nga kiroso miampai osulimbang, haro oonsom, oosin om oomis tokuti. Kawo nopo do sambal id Johor nga sambal udang geragau toyopos, sutung oyopos/okoring, kerang om kupang.
Kedah
[simbanai | simbanai toud]Nasi lemak id Kedah nogi nga haro 6 elemen miagal do takano, tontolu' tinanok, sangop, ikan bilis, dan kasang om sambal. Nasi lemak id Kedah oubasanan kiwotik osilou , sambal kikuah om amu oomis.
Sukuon
[simbanai | simbanai toud]- ↑ "#CNNFood challenge: What's your country's national dish?".
- ↑ "Laksa and nasi lemak among our pride, says Yen Yen". Pinoopi mantad sand̠ad ontok 2018-11-16. Linoyog ontok 2016-07-25.
- ↑ "Nasi lemak - once a farmer's meal, now Malaysia's favourite".
- ↑ "Malaysia's top 40 foods".
- ↑ "Ipoh-Born Ping Coombes Wins MasterChef 2014 By Cooking Nasi Lemak And Wanton Soup".
- ↑ "Nasi lemak". VisitSingapore. Linoyog ontok 5 May 2012.
Nontodonon
[simbanai | simbanai toud]Nasi lemak nopo nga mantad Semenanjung Melayu, au po noilaan hinonggo nontodonon do taakanon diti nga kiharo no maso do Kesultanan Melaka. Doti' do mimang mantad Melaka, Johor, Selangor toi ko' Perak iti taakanon. Taakanon nopo diti nga kiwaa onom elemen ii nopo nga karbohidrat miagal do takanon, protein miagal do tontolu' toi ko' manuk ginuring, kinotuan miagal do kangkung toi ko' sangop om kokorupon miagal do kasang om bilis om nogi bahan basah miagal do sambal. Oponsol o koonom-onom komponen diti nga i bobos toponsol nopo nga takano' nopo nga minog kiroso do santan om nogi roso do sambal. Nakawaya no do asimilasi o sambal nasi lemak diti, haro i apakat o kuah, haro i alanak, haro i oomis, haro i oosin om haro nogi i aadang o roso. Roso diti nopo nga tumanud do korohian do tulun id isoiso kinoyonon toi ko' korohian do tososongulun. Pogun Malaysia diti nopo nga longkod podtuongisan di nokoburu, do dilo, sambal nasi lemak di oomis nopo nga winonsoi montok tulun di au orohian do opodos loolobi po tutumombului barat.
Melaka
[simbanai | simbanai toud]Nasi lemak id Melaka nopo nga kiwaa 6 elemen ii nopo nga takano, kangkung, tontolu tinanok, sada bilis, kasang om sambal. Au momoguno do sangop iti nasi lemak Melaka nga momoguno do kangkung. Sambal di noonsok nopo nga kikuah om au oomis.