Ahmad Ikhwan bin Aji (nosusu ontok 17 Madas 1994) toi ko' lobi ointutunan sabaagi Noki K-Clique nopo nga susuminding om mimingkono mantad Kota Kinabalu, Sabah.[1] Isio nogii nga iso mantad puru tinimungan K-Clique.
Nokoimbulai o kabaalan dau maya ababayan Showdown timpu kotolu ontok toun 2012, iso pialaan sayau urban id tinimungan id nombo poinsuang isio doid tinimungan Kitta Move. Sumusuhut, minampayat isio pialaan The Band, iso ababayan mogihum kabaalan suminding om sayau pinosolimbou Astro ontok 2014.
Baino, poinsuang isio doid tinimungan K Clique miampai turu puru suai ii no MK, Tuju, FareedPF, Gnello, SoMean, KDeaf dan NastyNas.
Sinding nopo di noumbalan dau minamarakam miampai di K Clique kaampai no Lane Lain Line, Sah Tu Satu, Memorabilia (popokito di XNADS), Licik, Warna, Mimpi (popokito di Alif), Beg 2 Back, Kamu Okay, Kitta Move, Merais om Pulang (popokito di AJ).
Sinding nopo di pinointutun dau sabaagi susuminding solo nga Gila (miampai Kaka Azraff om Loca B), Poyo (miampai Danial Zaini om Santesh), AEWO (miampai Shiha Zikir), Zoom Zoom Zoom (miampai MK, Gnello, Kidd Santhe om CatFarish) om Hati (miampai AJ om Gnello).
Nokoumbal isio om i K Clique nokosuang id kategori Best Southeast Asian Act doid Anugerah Muzik Eropah MTV 2020, nga ii nopo nakalantoi nga susuminding hip hop Vietnam, Jack.
Sinding dau, Gila miampai Kaka Azraff om Loca B nosiliiu kinoyonon koiso sabaagi id Anugerah Juara Lagu (AJL) Ko-35 i nokoindalan ontok 14 Gomot 2021.
Momoguno isio akaun Instagram @ikhwanlee94 i gisom dinondo nokodimpot lobi 230,000 tutumanud.
