Nulu Datuk

Mount Datuk
Boogian kotonobon do Nulu Datuk, miampai formasi tor sondii i okito sabaagi benjolan id doliwan timpak kabaatan.
Titik bobos akawas
Kinawas	884 m (2,900 ft)
Coordinates	2°33′02.8″N 102°10′58.7″E
Naming
Native name	Gunung Datuk (Malay)
Geografi
Mount Datuk Kinoyonon id Malaysia
Lokasi	Rembau om Kuala Pilah Districts, Negeri Sembilan
Parent range	Titiwangsa Mountains
Takadon
Wayaan bobos ouhan	Tumakad maya Batang Nyamor (kotonobon) toi ko' Tampin (kabaatan)

Nulu Datuk (Malay: Gunung Datuk), ointutunan nogi sabaagi Nulu Rembau, nopo nga nulu hilo id piolitan do Batang Nyamor, Watas Rembau om Johol, Watas Kuala Pilah id Negeri Sembilan, Malaysia. Poinladsong o nulu diti id boogian kabaatan Banjaran Titiwangsa. Miampai kinawas kiikiro 884 m (2,900 ft), nulu nopo diti nga nulu bobos takawas id Watas Rembau.

Toponimi

Nakaanu o nulu diti do ngaran mantad Datuk Perpatih Nan Sebatang, i minomonsoi do Adat Perpatih, ii no undang-undang adat poingimpou sistem matrilineal i gunoon id pogun diti. Tumanud papan koilaan id gakod nulu diti, ontok toun 1372, minapaanjul isio iso pitimungan miampai luguan-luguan kinoyonon id nulu diti montok momili songulun Lembaga wagu, ii no polmolohou montok luguan toisoiso suku, id nombo suku nopo dii nga milo onuan analogi sabaagi iso klan. gama do pionitan dii miampai Datuk Perpatih Nan Sebatang, ointutunan nogi o nulu diti sabaagi Gunung Beradat (rati harfiah nopo nga 'nulu do adat').

Kointalangan

Poinladsong id piolitan do watas Rembau om Watas Kuala Pilah, poinladsong o Nulu Datuk kiikiro 8 km (5 mi) kumaa koibutan kotonobon Nulu Tampin, ii no titik geografi bobos id kabaatan montok Banjaran Titiwangsa. Nulu nopo diti nga timpak bobos akawas id Watas Rembau, om koonom bobos akawas id Negeri Sembilan, miampai kinawas 884 m mantad topong rahat. Nulu Angsi, i 59 m lobi osiriba, poinladsong 21 km (13 mi) id koibutan Nulu Datuk.

Tumimung o tutumakad ngaawi id kinoyonon tor, ii no koulalaho geologi i atalang kopio id nulu dii.

Kagayat nopo kopio id nulu diri nga tor ii no formasi watu mantad bongkah granit tagayo, i poinladsong id kinawas 855 m (2,805 ft).

Podtuongisan

Nulu Datuk nopo nga iso mantad kinoyonon takadon i ointutunan id Negeri Sembilan loolobi id pialatan mogigion pogun diti sondii, Lembah Klang om Melaka. Mantad koimpuunon denai id Batang Nyamor, tumakad o tutumakad ngaawi kumaa hilo kinoyonon tor, id nombo kokito yolo pokitanan panaroma 360° posorili watas Rembau. Suai ko ii, Selat Melaka om Kakadayan Melaka nga okito npgi mantad hiti lolobi soira magadau om osonong o kouyuyuho tawan.

Nulu Datuk nogi nga titik kolimpupuson koibutan montok Denai Trans-Naning, ii no wayaan tumakad miampai 21 km konoruon i mogowit do tutumakad ngaawi do moninganai turu timpak kolimpupuson do Banjaran Titiwangsa om olimpupusan id kabaatan Nulu Tampin.

Galeri

• 
  Negri Titiwangsa poindoros Kampung Gadong, miampai Datuk ri minsawat kumaa kosilahon (ponong wanan do gambal). Okito kumaa id koibutan.
• 
  Nulu Datuk, okito mantad Wayaan Negeri Sembilan N111 ponong id koibutan kumaa Bongek.