Odette Nyiramilimo
Odette Nyiramilimo | |
|---|---|
_(cropped00).jpg) Odette Nyiramilimo ontok toun 2017 | |
| Kinosusuon | 1956 Kinunu, Gisenyi Province[1] |
| Sinikulan | National University of Rwanda |
| Kalaja | physician, politician |
| Toun mimparagat | 1981-dinondo |
| Sawo | Jean-Baptiste Gasasira |
| Tanak | 3 |
Odette Nyiramilimo (nosusu ontok 1956) nopo nga songulun i abaal doid pongusapan om puru pulitik do Rwanda. Nokoumbal isido momuru sabaagi Montiri Pogun montok Hal Ehwal Sosial id suang kerajaan di Paul Kagame mantad Gomot 2000 gisom Gumas 2003, om nosiliu do puru Senat Rwanda mantad 2003 gisom 2008, om sumusuhut nosiliu Pitimungan perundangan Afrika Timur montok iso penggal, mantad 2012 gisom 2017.
Koposion pogulu
[simbanai | simbanai toud]Odette, songulun tinaru Tutsi, nosusu id Kinunu, wilayah Gisenyi ontok toun 1956. isido nopo nga tanak ko-17 mantad 18 mogiobpinai, asil pisasawaan do tapa dau miampai sawo koduo. Ontok di omulok po, nosiliu o paganakan disido do mangsa palangan anti-Tutsi id nombo sinorob o walai diolo. Ogumu puru paganakan dau i nosusu ontok timpu dii, om nogi id suang kaantakan i kaagal-agal ontok otun-toun sumusuhut. Ontok toun 1963, ogumu mamai disido i pinatai.[1]
Kalapas kaantakan dii, songulun tambalut kumaa paganakan di Odette minanahak diolo kad kointutunan Hutu, i pakawasa diolo popotilombus koposion miampai aiso kakasahan tagayo. Sundung do ingkaa, au nakaantob miampai poimpuli o ahal diti do kakasahan kumaa paganakan dii. Miguli-guli, kaampai no ontok toun 1973, nakawaya o paganakan disido kakasahan om panansasana'an, miagal do sinorob kawagu walai diolo.[1]
Pondidikan
[simbanai | simbanai toud]Sundung noonuan do status nokoimagon sabaagi Hutu, gama do populasi Kinunu di okoro, kakal po kasahaon i Odette id sikul gama nontodon disido sabaagi Tutsi. Ontok toun 1968, di 12 o toun, mimpuun isido sumikul id sikulan kiasrama Notre Dame d'Afrique Nyundo. Sumusuhut, gama ponuhuan luguan sikul warga Belgium, pinosoliwan isido miampai piipiro susumikul tondu Tutsi mantad sikul tosiriba.[1][2]
Kalapas dii, sundung do otigas o luguan sikul Belgium di do au monorimo kawagu di Odette, nakalantoi isido monorimo pondidikan id kinoyonon suai om tumounda montok mongoput pinsingilaan id gana pongusapan. Numaan isido uhupai do songulun po kawagu luguan sikul Belgium miampai au poposuang ngaran dau id suang rekod nokoimagon, montok mongilag do osiliu isido do ontokon 9sasaran). Nosiliu i Odette sabaagi susumikul bobos abantug id kalas om notorimo id Universiti Kebangsaan Rwanda id Butare. Ontok toun 1981,nakaawi i Odette do ponginabasan sabaagi songulun dokutul pongusapan mantad universiti dii.[1]
Kalaja
[simbanai | simbanai toud]Mimpuun toun 1982, kumalaja i Odette id lamin pongusapan Kibuye sabaagi pakar sakit puan.[3][2] Sumoonu, pakalajaan disido id lamin pongusapan dii popoimbulai kakasahan kumaa dau om sawo dau mantad upisol porinta, gama do tungkus Tutsi disido om kointalangan antikerajaan i winonsoi dau. Gama diti, pinotingkod i Odette mantad lamin pongusapan Kibuye om kiwaa pogumbalan mamagakom dau, nga songulun tondu hutu miampai ngaran di miagal o nagakom. Pinatai tondu Hutu dii om nokoguli kawagu o kalaja di odette doid lamin pongusapan. ontok timpu diti, sawo dau, i Jean-Baptiste Gasasira, nga nosiliu nogi sasaran do porinta gama pikoruhangan disio miampai songulun Tutsi.[1]
Genosid Rwanda
[simbanai | simbanai toud]Sukuon
[simbanai | simbanai toud]- ↑ 1.0 1.1 1.2 1.3 1.4 1.5 Gourevitch, Philip (September 1, 1999). We Wish to Inform You That Tomorrow We Will Be Killed with Our Families (id boros English). Picador. ISBN 978-0312243357.
{{cite book}}: CS1 maint: unrecognized language (link) - ↑ 2.0 2.1 Agasaro, Jessica (2024-07-20). "Senator Odette Nyiramilimo: The rise of a Physician to regional politics". The New Times (id boros Inggilis). Linoyog ontok 2025-07-09.
- ↑ Ralat maganu:Tag
<ref>tidak sah; tiada teks disediakan bagi rujukan yang bernama:0
Noputan labus
[simbanai | simbanai toud]- Frontline: The Triumph of Evil, Excerpt of program mentioning Nyiramilimo extensively