Olsok
Olsok (lit. 'Olaf's Wake'
or 'Olaf's Vigil') nopo nga tadau kabansaan i taandakon ontok 29 Madas id pogun ngaawi do Nordik loolobi id Norway om Faroe Islands, om taandakon nogi id wilayah Härjedalen hilo Sweden om Savonlinna hilo Finland.[1]
Latar likud
[simbanai | simbanai toud]Raja Olaf II Haraldsson do Norway nopo nga hondomon sabaagi Rex perpetuus Norvegiae, i kirati do Raja Norway Pointindohoi. 29 madas nopo nga tadau kinoiduan pogun di Raja Olaf doid Battle of Stiklestad, om kinaantakan nopo dii nga hilo koibutan Nidaros (Trondheim), Norway, ontok toun 1030. kemartiran nopo di King Olaf id Stiklestad nga oponsol kopio kaka id suang kapasarabakan om kopogiratan ugama Kristian pointongkop do Norway. Numaan posiliho santo (dikanonkan) i King Olaf id Nidaros ontok 3 Magus 1031 asil goos di binuruan di Bishop Grimkell.[2][3]
Gisom do Reformasi Lutheran ontok abad ko-16, Olsok nopo nga abaabayan gereja di oponsol id pogun ngaawi do Nordik. Ontok kolimpupuson abad ko-19 om koimpuunon abad ko-20, nokoingkawas kawagu rahi kumaa Olsok, loolobi id Norway. Mangakun o gereja Roman Katolik id Norway do Olsok sabaagi tadau karamyan toponsol pointongkop pogun om momuhondom o Gereja Lutheran Norway do tadau dii loolobi id Nidaros Cathedral om gereja-gereja suai. Mimpuun do kinouliton toun ko-900 do Stiklestad ontok toun 1930, nosiliu o 29 Madas sabaagi tadau kabansaan do kopokiwaran bondira poinhimagon (Olsokdagen) id Norway.[4][5][6] Mantad toun 1954, posolimbahon o The Saint Olav Drama id Stiklestad monikid toun.
Id Faroe Islands, taandakon nogi oÓlavsøka ontok 29 Madas. Ólavsøka nopo nga festival timpu talasu bobos tagayo hilo Faroe Islands om koubasanan nopo nga taandakon solinaid piipiro tadau. Minimpuun o koubasanan diti mantad do nokosuang o kepulauan diti id siriba Norway maso Timpu Pintangaan.[7] Hilo nopo Sweden, nookunan o Olofsmässa ("Olaf's Mass") loolobi id wilayah bagas pinorinta Norway ii no Härjedalen.[8]
Id Finland, taandakon o Pyhän Olavin Päivä ("Tadau St. Olaf") loolobi id Savonlinna, ii no kinoyonon do Olavinlinna ("Istana Olaf"), tu Santo Olaf no o penaung montok kinoyonon dii.[9][10]
Sukuon
[simbanai | simbanai toud]- ↑ "Olsok: a Nordic celebration across beliefs and borders (Baltzersens Ltd)". Pinoopi mantad sand̠ad ontok 2018-03-31. Linoyog ontok 2014-12-27.
- ↑ Olsok og Olsokfeiring i Norge – 29.juli (Aktiv i Oslo AS)
- ↑ "Olsok eller Olavsdagen (Bibelen i Norge)". Pinoopi mantad sand̠ad ontok 2014-12-27. Linoyog ontok 2014-12-27.
- ↑ Norges flagg (regjeringen.no)
- ↑ Olsok (Store norske leksikon)
- ↑ St. Olav's Day (Farlex, Inc.)
- ↑ Ólavsøka (Tórshavnar kommunu)
- ↑ Olofsmässa (Nationalencyklopedin AB)
- ↑ Olavinlinna Castle Events (World Heritage in Finland)
- ↑ Pyhän Olavin päivä 29.7 (Savonlinna)
Toud suai
[simbanai | simbanai toud]- DuBois, Thomas Sanctity in the North: Saints, Lives, and Cults in Medieval Scandinavia (Toronto, 2008) ISBN 978-0802091307
- Lynch, Joseph The Medieval Church: A Brief History (Routledge, 1992) ISBN 978-0582494671
- Myklebust, Morten Olaf Viking & Saint (Norwegian Council for Cultural Affairs, 1997) ISBN 978-82-7876-004-8
- Winroth, Anders The Conversion of Scandinavia: Vikings, Merchants, and Missionaries in the Remaking of Northern Europe (Yale University Press, 2014) ISBN 978-0300205534
- Pulsiano, Phillip (ed), Kirsten Wolf (ed) (1993) Medieval Scandinavia: An Encyclopedia (Routledge, Taylor & Francis Group) ISBN 978-0824047870