Pergi ke kandungan

Omurice

Mantad Wikipedia

 

Omurice
Omurice topped with ketchup
Alternative namesJapanese Egg Roll Fried Rice
Place of originJapan
Main ingredientsChicken eggs, rice and ketchup optional
VariationsOmu Curry, Omuhayashi (with hayashi rice), Omu-Soba, Tampopo omurice

Omurice toi ko' omu-rice (オムライス, Omu-raisu) nopo nga iso taakanon Jepun [1] i kiharo omelette miampai takano guring om scrambled eggs, om koubasanan nopo nga kinua'an do kicap.[2][3] Taakanon diti nopo nga popular om onsokon kasaii id walai. Orohian o tangaanak do omurice. Asaru koimbulai iti id versi Jepun do taakanon tangaanak, okosama-ranchi (お子様ランチ).[1]

Etimologi

[simbanai | simbanai toud]

Miampai omu om raisu nopo nga naanu mantad pomoroitan Jepun montok hogot Perancis omelette om hogot Inggilis rice,[4] ngaran diti nopo nga poomitan do wasei-eigo (hogot Inggeris winonsoi tulun Jepun).

Sajara

[simbanai | simbanai toud]

Susuyan kokomoi nontodonon do omurice nopo nga mogisuai-suai. Haro iso susuyan di kiboros do nakaharo o omurice ontok kira-kira dohuri abad ko-19[4] id iso restoran Western-style watas Ginza, Tokyo ii lohoon sabaagi Renga-tei, noinspirasi mantad chakin-zushi.[5]

Iso kaagu susuyan kiboros do taakanon diti nopo nga mantad toun 1925 id iso kawagu restoran Western-style –Hokkyokusei, Minami, Osaka – soira songulun mogogonsok nopo nga pinoposimba order songulun pelanggan miampai poposuang takano id omelette.[6]

Kopogisuaian

[simbanai | simbanai toud]

Taakanon diti nopo nga koubasanan haro chikin raisu(ja) (takano manuk: takano di ginuring miampai kicap tomato om manuk) di nolopot miampai lapisan onipis do scrambled eggs. Mogisuai-suai o pamaasiu ginuno montok takano di misuai. Kosoruan nopo, guringon o takano miampai mogisuai-suai daging (koubasanan manuk) toi ko' rapaon, om milo kua'an do stok daging sapi, kicap tambatus, sos demi-glace, sos opurak toi ko' silaon om lado no. Sumoonu, alanan o takano diti miampai mi ginuring (yakisoba) montok papaasil omusoba. Ointutunan o variasi id Okinawa sabaagi omutako, ii kiharo omelette toi ko' takano taco. Susij ginuring om Spam nogi nga duo mantad ko' daging di asaru gunoon id taakanon diti.

Takano Volga nogi nga iso kaagu variasi taakanon diti. Sundung do ingkaa, posurungon iti miampai daging wogok kisalut serbut ruti di ginuring (pork cutlet) id sawat, om kua'an do sos di osima om apakat.[7][8]

  • Models do mogisuai-suai omurice
    Models do mogisuai-suai omurice
  • Suang
    Suang
  • Omurice miampai sos demi-glace.
    Omurice miampai sos demi-glace.
  • Vidiu popotounda do omurice
  • Vidiu mongukab do omurice

Taakanon kopiagal-agal

[simbanai | simbanai toud]
Versi Indonesia, nasi goreng pattaya id Pekanbaru, Sumatra

Haro nogi taakanon di kopiagal i haro id Asia Kabaatan-Kosilahon, loolobi po id Malaysia, Indonesia om Singapura, ii ointutunan sabaagi nasi goreng pattaya. Iti nopo nga takano ginuring miampai haro tontolu ginuring di onipis toi ko' omelet i momolopot toi ko' monompon do taakanon dilo.

Id koubasanan di nointutunan

[simbanai | simbanai toud]

Iso kawo omurice wagu pinointutun montok filem komedi toun 1985 i kiuhu' Tampopo naasil miampai Taimeiken, iso restoran popular id Nihonbashi. Kawo diti nopo nga momoguno tontolu satanga noonsok di poilihon id sakai do takano, om putulon mooi do kasarabak o tontolu om kosompon do takano. Ointutunan kopio o kawo diti gisom dinondo om nokosili piawaian id restoran. Montok mogogonsok id walai, asaru yolo mogonsok omelet onipis gisom oonsok kopio om poilihon id sakai takano om kua'an do sos tambatus.

Omurice homestyle asaru osiliu item pointatap id menu maid café tu kopomogunoon sos tambatus di popomilo diolo momolumis taakanon miampai osonong id sakai mija sabaagi boogian do bontuk pamalayan.

Intangai nogi

[simbanai | simbanai toud]

Ralat Lua: bad argument #2 to 'title.new' (unrecognized namespace name 'Portal').

Sukuon

[simbanai | simbanai toud]
  1. ↑ 1.0 1.1 "Omuraisu (also known as omurice or omu rice, Japanese rice omelet)", JustHungry.com.
  2. ↑ Nishimoto, Miyoko (June 1992). "Beyond Sushi: Japanese Cooking in the Great Home-Style Tradition", Vegetarian Times, No. 178. ISSN 0164-8497.
  3. ↑ Paxton, Norbert (2008). The Rough Guide to Korea, p.249. ISBN 978-1-4053-8420-9.
  4. ↑ 4.0 4.1 Shimbo, Hiroko (2000). The Japanese Kitchen, p.148. ISBN 1-55832-177-2. Ralat maganu:Tag <ref> tidak sah, nama "Kitchen2" digunakan secara berulang dengan kandungan yang berbeza
  5. ↑ Kishi Asako (March 15, 2002). "NIPPONIA No.20: Omuraisu", Web-Japan.org.
  6. ↑ "Omu-rice". Osaka Info (id boros Inggilis). Osaka Convention and Tourism Bureau. Linoyog ontok 27 April 2023.
  7. ↑ "Japanese traditional recipes with "Kamisho Satoimo" from Fukui". WOW U-media. Linoyog ontok Jul 19, 2019.
  8. ↑ "Volga Rice - 【郷土料理ものがたり】". kyoudo-ryouri.com. Linoyog ontok Jul 19, 2019.

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Omurice&oldid=22489"