Pulou Manukan

For kakadayan tagayo id Filipina, see Manukan, Zamboanga del Norte.

Pulou Manukan

Kopokitanan karahatan do Mamutik, Sulug om Manukan
Geography
Coordinates	5°58′0″N 116°0′0″E
Administration
Malaysia
Pogun	Sabah
Wilayah	Kotonobon
Watas	Kota Kinabalu

Pulou Manukan nopo nga pulou koduo bobos tagayo id Taman Pogun Tunku Abdul Rahman, taman pogun marin di kumoiso id Malaysia. Poinladsong id pogun Sabah, id boogian do Malaysia Kosilahon, au osodu mantad kotogisan Kota Kinabalu om ouhan do rikoton maya do bot.

Manukan nopo nga iso pulou di bobos otutunan kopio montok do mogigion id Kota Kinabalu. Kiwaa piipiro kotogisan id Manukan di bobos osonong kopio id kotogisan kabaatan. Kotogisan bobos tosonong nopo nga id tompok do kosilahon pulou. Rahat id Manukan nopo nga noponu do terumbu karang, i kosudong montok montolop, sumaalom om mangkaau. Mantad limo pulou i mombontuk do Taman Pogun Tunku Abdul Rahman, popotounda o Manukan do koumatan kotombuluyan di poinggulu kopio miampai papahangkum do 20 unit chalet, kelab walai, om piipiro pangakanan om nogi longkod montolop. Koumatan rekreasi nopo nga kohompit no do kulam pangkaahan, padang mimbuul, gelanggang buul tapap om sepak takraw. Koumatan infrastruktur kohompit no do waig, lotirik, loji panyahgaraman, sistom pombontungan, om nogi tolipaun solar. Noponu o pulou diti do susumuni di akapal om kiwaa wayaan montok mindakod.

Terminal Feri Jesselton Point id longkod kakadayan Kota Kinabalu nopo nga terminal feri montok kumaa id pulou-pulou Taman Pogun Tunku Abdul Rahman. Terminal feri diti nogi nga kinoyonon montok do tutumombului di kumaa id Resort Pulou Manukan.

Sajara

Kopokitanan mantad sawat montok Mamutik (gibang ponong sawat), Sulug (wanan ponong sawat) om Manukan (siriba) nopo nga miagal do turos di poungingis.

Pogulu do Timpu Ais, nobontuk o soboogian pulou diti mantad do watu pasir om watu sedimen Banjaran Kroker id gana tagayo. Sundung pia miagal di, lobi kuang sonriong toun pogulu, ais di notonu nopo nga minogoit do koundolihon kumaa rompok rahat om soboogian do gana tagayo nopo nga nooliatan do rahat i nakaanu do minombontuk do pulou-pulou miagal do Pulou Gaya, Sapi, Manukan, Mamutik om Sulug. Bukti dii nopo nga okito mantad do watu pasir i okito id tisan do rahat i mombontuk do piras, gua, sindawang om piolitan di aralom.

Terminal Feri Jesselton Point id longkod kakadayan Kota Kinabalu nopo nga terminal feri montok kumaa id pulou-pulou Taman Pogun Tunku Abdul Rahman (Pulou Gaya, Pulou Sapi, Pulou Manukan, Pulou Mamutik om Pulou Sulug). Terminal feri diti nogi nga kinoyonon montok do tutumombului di kumaa id Resort Pulou Manukan.

Antakan di toun 1974, soboogian tagayo do Pulou Gaya om Pulou Sapi nopo nga nokowarta sabaagi Taman Pogun Tunku Abdul Rahman, popohompit do kinoyonon soginayo 8,990 ekar (36.4 km2). Di toun 1979, noruhangan o taman diti kumaa 12,185 ekar (49.31 km2) miampai kinoruhangon do tolu pulou miinsomok - Pulou Manukan, Pulou Mamutik om Pulou Sulug.

Padsakayan

Padsayakan toponsol kumaa id pulou diti nopo nga miampai do bot tosiau mantad Kota Kinabalu kumaa jeti pulau lobi kuang 20 minit. Bot tosiau nopo nga mamanau mantad Terminal Feri Kota Kinabalu (Terminal Feri Jesselton Point) om porkhidmatan nopo nga poingukab mantad 8.30 kosuabon gisom 4.15 sosodopon.

Tionon

Rakaman dron Resort Pulau Manukan.

Resort tapangkal id pulou diti nopo nga Resort Pulou Manukan i popotounda do todopon. Popotounda nogi o resort diti do duo restoran kohompit no do restoran Perahu, miampai pomilian taakanan songkinoyonon om nogi taakanon labus pogun; om restoran Resort i popotounda do taakanon kosuabon om popotounda do gril montok makan pitangaadau.

Intangai nogi

• Katayadan do pulou id Malaysia