Pergi ke kandungan

Puteri Désirée, Baroness Silfverschiöld

Mantad Wikipedia
Puteri Désirée
Baroness Silfverschiöld
Désirée di 2013
BornPrincess Désirée of Sweden
(1938-06-02) 2 Mahas 1938 (umul 87)
Istana Haga, Solna, Sweden
Spouse
​
​
(m. invalid year; died invalid year)​
IssueBaron Carl Silfverschiöld
Baroness Christina-Louise Silfverschiöld
Baroness Hélène Silfverschiöld
Names
Désirée Elisabeth Sibylla Silfverschiöld
HouseBernadotte
FatherPutera Gustaf Adolf, Duke of Västerbotten
MotherPuteri Sibylla of Saxe-Coburg and Gotha

Puteri Désirée, Baroness Silfverschiöld (Désirée Elisabeth Sibylla; nosusu di 2 Mahas 1938) nopo nga surupu paganakan diraja Sweden. Isido nopo nga tanak kotolu di Putera Gustaf Adolf, Duke of Västerbotten, om Puteri Sibylla mantad Saxe-Coburg om Gotha, om taka di Raja Carl XVI Gustaf.

Koposion Pogulu

[simbanai | simbanai toud]

Nosusu i Désirée di 2 Mahas 1938 sabaagi tanak tondu kotolu om tanak di Putera Gustaf Adolf, Duke of Västerbotten (tanak di Putera Mahkota Gustaf Adolf mantad Sweden om tiagak sawo disio, Puteri Margaret of Connaught) om sawo disio, i Puteri Sibylla mantad Saxe-Coburg om Gotha (tanak tondu di Putera Charles Edward, Duke of Saxe-Coburg om Gotha om sawo disio, Puteri Victoria Adelaide of Schleswig-Holstein).

Nopoju (baptis) i Desiree di 30 Mahas 1938 id Gereja Solna id Kakadayan Tagayo Solna id Stockholm, Sweden.[minog do kisukuon] Pinungaranan isido do i Desiree mantad ngaran komolohingan disido, i Ratu Desideria om Sibylla mantad tina disido, i Puteri Sibylla.[minog do kisukuon]

Ginumayo isido id walai paganakan, Istana Haga id labus do Stockholm, miampai tolu tompinai tondu dau; otutunan yolo sabaagi Puteri Haga.

Antakan di Milau 1960, kinoruhang di Désirée o taka disido, i Puteri Birgitta montok tumombului id Amerika Syarikat sabaagi wakil do taki diolo, i Raja Gustaf VI Adolf montok kinouliton ko-50 Yayasan Amerika-Skandinavia. Sabaagi manahak do kapantangan kumaa diolo, pinaajul o iso ababayan montok duo puteri id Hotel Renaissance Blackstone id Chicago do Datuk Bandar Richard Daley.[1]

Pisasawaan om tangaanak

[simbanai | simbanai toud]
Mikoruhang Silfverschiöld kalapas pisasawaan diolo.

Pihabayan di Désirée om i Baron Nils-August Otto Carl Niclas Silfverschiöld, (1934–2017) pinoilo di 18 Momuhau 1963, om minanansawo yolo di 5 Mahas 1964 id Storkyrkan, Stockholm. Gama do pisasawaan okon ko' diraja, natagak o status Duli Yang Teramat Mulia om status disido sabaagi puteri Sweden,[2] nga nonuan do ihsan do raja kumaa di Puteri Désirée, Baroness Silfverschiöld. Id siriba do perlembagaan Sweden maamaso di, isido, sabaagi songulu tondu, om sakag disido nopo nga au milo do mongigit takhta, nga sinimbanan kumaa primogeniture mutlak hak ponimbanan kirontob kumaa sakag tabang disido, i Raja Carl XVI Gustaf.[minog do kisukuon]

Kiwaa tolu tanak di Désirée om sawo disido:

  • Baron Carl Otto Edmund Silfverschiöld (nosusu di 22 Gomot 1965 id Gothenburg), nakasawo di Maria Gunilla Fredriksson (nosusus di 12 Ngiop 1965 id Malmö) di toun 2005 om haro songulun tanak tondu.
  • Baroness Christina Louise Ewa Madeleine Silfverschiöld (nosusu di 29 Manom 1966 id Gothenburg), nakasawo miampai di Baron Hans Louis Gerard de Geer af Finspång (nosusu di 26 Milatok 1963 id Stockholm) di toun 1999 om haro tolu tulun tanak.
  • Baroness Hélène Ingeborg Sibylla Silfverschiöld (nosusu di 20 Manom 1968 id Gothenburg), sabaagi pengapit pengantin maamaso pisasawaan do mamai disido, i Raja Carl XVI Gustaf om taki disido, i Putera Bertil di 1976.[3] Kiwaa songulun tanak kusai disido maya pisasawaan miampai di Fredrik Dieterle.

Kalapas nakasawo, poingion i Désirée id walai paganakan id Istana Koberg om id Istana Gåsevadholm id Halland.[4] Isido nopo nga tina baptis kumaa mononginan disido, i Puteri Mahkota Victoria.

Koposion potilombus

[simbanai | simbanai toud]

Koumbal i Désirée do tumindapou karamayan Gaa' Nobel om ababayan awam diraja miampai kapasiti sampapas rasmi, koumbal do mamakai tirai om kakamot amas sanganu do paganakan diraja.[5] Koumbal nogi isido sumiliu wakil do Sweden montok monorimo Maharaja Jepun, i Maharaja Akihito maamaso nokorikot isio montok tombului pogun di toun 2000.[6] Noiduan isido do sawo di toun 2017.[7]

Di toun 2023, pinosuang i Désirée id Hospital Universiti Sahlgrenska solinaid piipiro tulan gama do meningitis.[8]

Sakag

[simbanai | simbanai toud]

 

Sukuon

[simbanai | simbanai toud]
  1. ↑ "November 3, 1960 - 2 Princesses Will Visit Chicago". Archives.chicagotribune.com. 1960-11-03. Linoyog ontok 2017-01-06.
  2. ↑ Royal Court Archived 2015-11-14 at the Wayback Machine lists those who are HRH as such, also naming them as Swedish royalty in their bio articles there, and does not give such info for other relatives listed.
  3. ↑ "Finaste gåvan får Carl Philip". Aftonbladet (id boros Sweden). 12 March 2013. Linoyog ontok 2017-01-06.
  4. ↑ "Gasevadholm". Slottsguiden.info (id boros Sweden). Linoyog ontok 2017-01-06.
  5. ↑ Royal Court Archived 2021-11-22 at the Wayback Machine article 2013-06-08
  6. ↑ Falkkloo, Bengt (2000-05-29). "Hektisk dag för kejsaren. Kortege genom stan. Räkna med trafikstörningar under statsbesöket". Dagens Nyheter (id boros Sweden).
  7. ↑ Falkman, Kaj (2017-04-24). "Minnesord Niclas Silfverschiöld". Dagens Nyheter (id boros Sweden).
  8. ↑ "Kungens syster Désirées 86-årsdag firades i hemlighet – ville inte visa sig". Svensk Damtidning (id boros Sweden). 2024-06-02.
  9. ↑ Eilers, Marlene A. (1998). Queen Victoria's descendants. Falköping: Rosvall Royal Books. pp. 153–154, 157–158, 160–162. ISBN 91-630-5964-9. SELIBR 9102260.
Wikimedia Commons has media related to Princess Désirée, Baroness Silfverschiöld.
Naanu mantad "https://dtp.wikipedia.org/w/index.php?title=Puteri_Désirée,_Baroness_Silfverschiöld&oldid=23146"