Raja kiporlombagaan

Raja kiporlombagaan (Tulisan Jawi: راج ڤرلمباݢا^ءن; Bahasa Inggeris: Constitutional monarchy) nopo nga iso kawo karajaan ii notoodo id siriba sistom kiporlombagaan ii mongiktiraf Raja sabaagi luguan pogun.^[1]. Raja kiporlombagaan moden ii kosoruan momoguno konsep trias politica, toi ko' politik tolu serangkai. Komoyon diti nopo nga Raja sabaagi luguan simbolik id suang rangkai eksekutif om kuasa dau nopo nga kirontob do porlombagaan pogun. Soira songulun Raja kiwaa kuasa momorinta poimponu, lohowon iti sabaagi do monarki mutlak toi ko' absolute monarchy.

Baino nopo, raja kiporlombagaan nopo nga lazim piomungon miampai mobi demokrasi. Mantad dii, kakal po karajaan id siriba do kuasa rakyat nga kiporanan tradisional o raja id iso-iso pogun. Totootopot nopo nga Pordana Montiri sabaagi momuruan ii nopili rakyat, i momorinta pogun om okon ko' raja. Sundung do ingkaa, kiwaa nogi Raja i miamung miampai karajaan ii au demokraktik. Miagal ko' ontok Pisangadan Pomogunan II, miniamung raja Jipun miampai karajaan tentera ii binuruan songulun diktator.

Satangah raja kiporlombagaan nopo nga tumanud Sistom Perwarisan toi ko' papawalis takhta; om suai nopo nga maya do sistom demokratik miagal ko' id Malaysia nopo nga Yang di-Pertuan Agong pinili do Majlis Raja-Raja potitikid limo toun.

Sajara

Sistom raja kiporlombagaan nopo nga nokoimpuun id England kalapas pemberontakan Glorious Revolution ontok1688. Tumanud dii Richard Buskin, monuunuat buuk British Royalty, gama gulu do pemberontakan Oliver Cromwell i sinokodung di 15,000 askar nopo nga gama do katagadan tulun sabab di Raja Charles I i pinapaharo persidangan Parlimen tu' modosi atagakan do kuasa. Kopongo kaantakan dii, dihukum pancung isio om nosiliu i Cromwell do presiden hinombo England nosiliu do iso republik ontok piipiro timpu. Au alaid pomorintaan di Cromwell om kalapas kiikirp 9 toun berkuasa, minidu pogun isio gama do panakit malaria. Kopongo dii, tanak gulu di Richard minaganu do kuasa^[2] nga sontoun no do minomorinta. Miampai aiso pomilian, naanu kawagu i Raja Charles II kumaa do takhta. Sundung do ingkaa, raja montok timpu baino ii nokoinsawat nopo nga nakaanu sokodung do parlimen om ontok dii no do nokoimpuun sistom raja kiporlombagaan id England gisom do tadau baino..

Kointayadan pogun raja kiporlombagaan

Gisom do baino, kiwaa 43 pogun ii popoubas so sistom raja kiporlombagaan id sompomogunan.

IntAntigua dan Barbuda (Raja Charles III)
Australia (Raja Charles III)
Bahamas (Raja Charles III)
Belanda (Raja Willem-Alexander)
Belgium (Raja Philippe)
Belize (Raja Charles III)
Denmark (Ratu Margrethe II)
Emiriah Arab Bersatu (Sheikh Khalifa bin Zayed Al Nahyan)
Greenland (Ratu Margrethe II)
Grenada (Raja Charles III)
Jamaika (Raja Charles III)
Jepun (Maharaja Naruhito)
Jordan (Raja Abdullah II)
Kanada (Raja Charles III)
Kemboja (Raja Norodom Sihamoni)
Liechtenstein (Putera Hans Adam II)
Luxembourg (Duke Besar Henri)
Maghribi (Raja Mohammed VI)
Malaysia (Yang di-Pertuan Agong - Sultan Abdullah Ri'ayatuddin Al-Mustafa Billah Shah, 19-24 Sultan Ibrahim Sultan Iskandar 24-29)
Monaco (Putera Albert II)
New Zealand (Raja Charles III)
Norway (Raja Harald V)
Papua New Guinea (Raja Charles III)
Saint Kitts dan Nevis (Raja Charles III)
Saint Lucia (Raja Charles III)
Saint Vincent dan the Grenadines (Raja Charles III)
Kepulauan Solomon (Raja Charles III)
Sepanyol (Raja Juan Carlos I)
Sweden (Raja Carl XVI Gustaf)
Thailand (Raja Maha Vajiralongkorn)
Tonga (Raja Charles III)
Tuvalu (Raja Charles III)
United Kingdom (Raja Charles III)

Intangai nogi

Demokrasi
Monarki mutlak
Pemerintahan beraja

Nuut om sukuon

↑ "Raja berperlembagaan". Majlis Keselamatan Negara (MKN). Pinoopi mantad sand̠ad ontok 2010-06-21. Linoyog ontok 2010-06-10.
↑ "Oliver Cromwell, 1599-1658". David Plant.

Templat:Jenis pemerintahan autoritarian

[1] "Raja berperlembagaan". Majlis Keselamatan Negara (MKN). Pinoopi mantad sand̠ad ontok 2010-06-21. Linoyog ontok 2010-06-10.

[2] "Oliver Cromwell, 1599-1658". David Plant.

[1]

[2]