Rajaa al-Sanea
Rajaa al-Sanea
رجاء الصانع | |
|---|---|
| Nosusu | 1981 (umul 43–44) |
| Nationality | Saudi |
| Alma mater | University do Illinois at Chicago College of Dentistry |
| Pakalajaan |
|
| Ointutunan do | Minonuat Girls of Riyadh (بنات الرياض Banāt al-Riyāḍ) |
Rajaa al-Sanea (رجاء بنت عبد الله الصانع; nosusu ontok 11 Manom 1981[1]) nopo nga songulun monuunuat mantad Saudi Arabia di nointutunan maya ponuatan novel dau di kiuhu' Girls of Riyadh (بنات الرياض Banāt al-Riyāḍ). Pinoinlabus o buuk di kumoinsan kopio id Lebanon ontok toun 2005 om id boros Inggilis ontok toun 2007. Ginumayo i Rajaa id Riyadh, Saudi Arabia, sabaagi tanak doid paganakan dokutul. Gisom toun 2014, nosiliu yau sabaagi do mongunguhup lungkitas id Universiti do Illinois id Chicago.[2]
Pondidikan
[simbanai | simbanai toud]Nakaanu yau do ijazah sarjana muda id dentistry Universiti King Saud ontok toun 2005. Minongoput yau do pondidikan id Amerika Syarikat miampai sokodung mantad program biasiswa Raja Abdullah.[3] Ontok toun 2008, nakaanu i Rajaa do ijazah sarjana id sains oral mantad Universiti do Illinois id Kolej Dentistry do Chicago.[4]
Karier
[simbanai | simbanai toud]Nokoingkawas o kointutunan di Rajaa maya kopolobusan novel kumoiso dau
i kiuhu' do Girls of Riyadh. Novel nopo diti nga kokomoi koposion do tupus apat sumandak, ii nopo nga Gamrah, Lamees, Sadeem om Michelle – id hombo yolo nopo nga sampapas Saudi om Sampapas Amerika- maya bontuk piipiro siri email di nosuat do narator di au otutunan. Alapas nakalabus novel dii, noduhan o koposoliwanan novel dii id Saudi Arabia tu kohompit isu sensitif om kootus kontroversi miagal ko' monginduo, piantakan pogulu misawo' om piantakan miagal jantina (homoseksualiti).[5]
Ontok kontroversi dii, nakaanu ii Rajaa do lobi ko' 1000 email sangadau di kisuang do ponumpororosi sirius kumaa koposion dau maamaso id Chicago. [6] Kiboros nogi yau do noiduanan yau do tambalut sabab suang do buuk dau om nogi biasiswa dau di noligaganan id Amerika Syarikat.[6]
Sundung do nakaanu komi' di au osonong mantad karajaan Saudi, nakaanu ii Girls of Riyadh do rurubpuon media.Ogumu ii monokodung om mamarayou di Rajaa tu minanganu ponginsamakan di katama montok popokito koposion do apat sumandak dii. Nakadalin di Marilyn Booth o Girls of Riyadh mantad Arabic kumaa Inggilis ontok toun 2007. Ii Marily nopo nga mamamadalin sandad do novel bobos alaku, Girls of Riyadh di Rajaa Alsanea. Mulong do ingkaa, id iso surat kumaa Times Literary Supplement ontok Manom 2007, minomisunud yau do ii monuunuat, Rajaa om nogi ponorbit, Penguin nopo nga minongoi hompit id kopomodolinan sandad. Mantad dii, versi tohuri nopo nga "au songkuro kikualiti om kosudong".[7] Minoboros nogi yau kokomoi kaantakan diti id iso artikel akademik di kiuhu' "Translator v. Author", di pinalabus id suang jurnal Translation Studies.
Sundung do ointutunan kopio o novel kumoiso dau dii, amu i Rajaa ginumuli sabaagi monuunuat timpu ogonop. Sinimuliu yau sabagi konsultan endodontist om monoonoriuk id program terapi sel stem id Hospital King Faisal Specialist om Longkod Ponoriukan id Riyadh.[4] Id iso ponorubungan miampai The National News, kiboros yau do, “Dentistry nopo nga kalajaku om monuat nopo nga sabaagi kaanangan ku kasaasari."[6]
Gaa
[simbanai | simbanai toud]- Al-Sanea's Girls of Riyadh nokosuang id sanarai tanaru fmontok Gaa Literasi Dublin ontok toun 2009.
- Minapalabus ii Arabian Business do sanarai tapanggor di kiumul soriba 40 tongoulun Arab om kirahung om nakaanu i Rajaa Al-Sanea id taang 37. Sanarai nopo diti nga kitudu montok manahak fokus di lobi kumaa tinimungan komulakan di kirahung. Kiboros yolo do tongoulun id sanarai diti nopo nga kapanakahak bagas di agayo kumaa komuniti diolo, okon ko dinondo' no nga ontok nogi do timpu dumontol. Suai ko kirahung id pogun sosondii, haro nogi rahung diolo id taang sompomogunan - isoiso di posotolon do Arabian Business.[8]
Tuntutan Mahkamah
[simbanai | simbanai toud]Ontok toun 2006, minanamab o duo tulun Saudi kumaa Komontirian toilaan, tu mokianu yolo mooi do kasagaan di pinatahak montok kopomolobusan Girls of Riyadh onuon kawagu do tosiisikap mooi do pongimportan om kopomogumuan do buuk di nopo nga potingkodon, suai ko' mokianu yolo do dandaon i Rajaa kokomoi ponuatan dau.[9] Tuntutan dii kisuang do, buuk nopo kaka dii nga popounsub amoraliti om papasala tafsir do ayat-ayat al-Quran.[9]
Sukuon
[simbanai | simbanai toud]- ↑ annajah.net. "السيرة الذاتية لرجاء الصانع صاحبة رواية بنات الرياض". annajah.net (id boros arabic). Linoyog ontok 2021-03-10.
{{cite web}}: CS1 maint: unrecognized language (link) - ↑ "'Girls of Riyadh' author honored in US for stem cell research". Arab News (id boros Inggilis). 2013-11-05. Linoyog ontok 2022-06-06.
- ↑ "What Will New King Mean For Women in Saudi Arabia?" (id boros Inggilis). NPR. Linoyog ontok 2020-05-18.
- ↑ 4.0 4.1 "Saudi author, endodontist receives UI alumni award | UIC Today". today.uic.edu. Linoyog ontok 2020-05-18. Ralat maganu:Tag
<ref>tidak sah, nama ":0" digunakan secara berulang dengan kandungan yang berbeza - ↑ "Girls of Riyadh by Rajaa Alsanea - Reading Guide: 9780143113478 - PenguinRandomHouse.com: Books". PenguinRandomhouse.com (id boros Inggeris AS). Linoyog ontok 2022-02-28.
- ↑ 6.0 6.1 6.2 "Beyond the Book". The National News. 18 March 2009. Linoyog ontok 28 February 2022. Ralat maganu:Tag
<ref>tidak sah, nama ":1" digunakan secara berulang dengan kandungan yang berbeza - ↑ Marilyn Booth, Times Literary Supplement , 27 Sept. 2007.
- ↑ "قائمة العرب الأكثر تأثيرا تحت سن الأربعين | دولية - صحيفة الوسط البحرينية - مملكة البحرين". 2017-10-08. Pinoopi mantad sand̠ad ontok 8 October 2017. Linoyog ontok 2021-03-14.
- ↑ 9.0 9.1 "Court Rejects Case Against Rajaa Al-Sanea". Arab News (id boros Inggilis). 2006-10-09. Linoyog ontok 2021-03-10.