Rust (boros tokud)

Pamangai boros tokud Rust

Ferris, i tongkuyu ponguros (mascot) do boros tokud Rust.

Rust nopo nga' boros tokud guno poinggayo moningkanan do linigkang, koumoligan kawo, om kasanlaangan; komoyon nopo nga' oinsanan suku' monudu do tandaman pointunud. Koumoligan diti nagawoi do aiso pomuhu rinomos; nga' sala koumoligan tandaman om pikosupan kopoilaan noilag maya i panamong tolos (borrow checker), i monoina' do koposion kotos id tontok momudsu (compile time).

Nokotimpuun o Rust namot pinoworun di Graydon Hoare tiwaal tinan dau namot gumama id Ponoriukan Mozilla di toun 2006. Potioluson di Mozilla o tiwaal diti do poimagon di toun 2009. Id piolitan do tongo toun talib do kinolobusan apanggor kumoiso di Mikat 2015, gunoon o Rust di songkos poingampai Amazon, Discord, Dropbox, Google (Alphabet), Meta, om Microsoft. Di Momuhau 2022, i Rust no boros tokud kumoiso suai ko' C om Boros Simbong i sokodungon kopomongunan do lugu' Linux.

Ponoina'an kawo

Rust ogirot pokowoon om pokowoon do pointoron, komoyon nopo nga' kawo do ngawi osimban nuru oilaan tontok do momudsu. Piantakan do gatang do iso osimban id osimban wookon do suai kawo koulai do hinsab pomudsuan. Nung au palatanon, inggaaton o kawo do osimban (ponginggaatan kawo toi type inference).

Kawo sandad do tobgonop (integer) nopo nga' i32, om i kawo sandad do turuk mabu' (floating point) nopo nga' f64.

Pomoyo kosongonuan

Pomoyo kosongonuan di Rust kikooturan do popotumboyo koumoligan tandaman do aiso pomuhu rinomos gunoon. Id tontok momudsu, tikid gatang poingoput do nunu osimban nopo nga' songonuon di osimban dii, om tikid gatang nuru kisanganu do iso no.

fn print_string(s: String) {
    println!("{}", s);
}

fn main() {
    let s = String::from("Kopisanangan, Winoun");
    print_string(s); // s naakan di print_string
    // s nowoliu, au nodi oguno
    print_string(s); // iso kaagu print_string(s); koulai hinsab pomudsu
}

Polombuson o tongo gatang id piolitan do mogikakawo sanganu maya piantakan toi ponuanan do gatang maan do titipong pampos (function parameter). Oolos nogi gatang, komoyon nopo om polombuson id pampos suai om pogulion kaagu id sanganu dau mantad. Miampai kooturan diti, noilag no pamansayan om pomogunaan do ponudu lugai lugai (dangling pointers)

Biriai nogi

• Klabnik, Steve; Nichols, Carol (2019-08-12). The Rust Programming Language (Covers Rust 2018) (id boros Inggilis). No Starch Press. ISBN 978-1-7185-0044-0.
• Liwang kaanangan furry