Sayau asyik
Sayau Asyik nopo nga iso Sayau Melayu klasik mantad watas - watas id Kelantan i pinasayau id istana laja - laja Kelantan om Patani.
Asyik kirati do Koruhang, mantad dilo, sayau diti nopo nga kosudong miampai kowoyo-woyoon di alamaya' om poinponu do woyo di tosonong.
Sayau diti potimpuunon miampai hopod susumayau sumuang id dewan, om migom miampai tosonong. Alapas diri, sumoliwan i Puteri Asyik om tumimpuun yolo do sumayau. Sayau asyik diti popintorion id suang abaabayan pisasawaan, id tanga tuong berinai om totuong berinai tagayo id Istana.
Mantad sajara, (Hikayat Patani), Laja Osilou i Laja Tongondu i momorinta Patani id toun 1644 haro minongogompi' 12 tulun susumayau istana i modsinding om sumayau linohou do Asyik.
Sayau Asyik haro do rantak i opian om alamaya',tu iti nopo nga pinasayau id dumbangan do laja om koruhang do laja. Susumayau intodonon id suang rasuk kitapi', miampai himpogot om mahkota tokodo
Boogian kumoiso sayau Asyik kiharo do migom bersimpuh miampai kogura-gurao' i popokito woyo tayam om posorili dau; kowoyowoyoon lakun rahat, tombolog tumulud, sada kuma'au, gaja mamanau sontinimungan, om susuai po. Piipiro kogura-guraon popokito sayau Mak Yong. Sayau Asyik oinsaru pinasayau do inang sukod wagu id istana.
Tuunion
[simbanai | simbanai toud]Tolu tuunion toponsol i ginuno nopo nga rebab, gambang om gedombak.