Sepak takraw

Sepak takraw (tulisan Jawi: سيڤق تکرو ) toi ko' sepak raga jaring nopo nga pomoinan miampai do duo tinimungan toi ko' regu i pomoinon do tolu tulun pamain tikid regu. Haro o jaring i popitongkiad do goduo-duo regu om pomoinon id suang do galanggang i kiginayo miagal galanggang badminton. Buul takraw nopo nga' mantad do wakau i baino nopo nga' nosimbanan do mongguno buul winonsoi -wonsoi.

Sepak raga nopo nga pomoinan mongimbang do buul takraw id suang do kinoyonon di obulugu miampai momoguno gakod toi ko' tulu montok mamain dii om pomoinan diti nopo nga' nopomoinan no mantad di Zaman Kesultanan Melayu Melaka po. Id suang Sulalatus Salatin pinosorita do i Raja Muhammad, putera Sultan Mansor Shah Muhammad, nopo nga' noiduan do sigar dau tu' noontok do buul raga tinandang di Tun Besar.

Id Malaysia nopo nga' lohowon o pomoinan diti do 'sepak raga', id Filipina nopo ng' 'sipa', id Burma nopo nga' 'chinlone', id Laos nopo nga' 'kator', om id Thailand nopo nga' 'takraw'. Pomoinan sepak takraw i haro dinondo nopo nga' nosimbanan mantad pomoinan sepak raga om badminton. Ontok toun 1940-an pomoinan diti nopo nga' pomoinon momoguno do jaring om tumanud so sistom kooturan om kopongintaban maraka miagal do badminton. Kooturan nopo di koripuunon do sepak raga diti nga' winonsoi om noulud id suratan ontok 15 Ngiop 1960 id Kuala Lumpur. En Hamid bin Mydin nopo nga' songulun di nookunan sabaagi do i minomonsoi om popowonsoi do Sepakraga Takraw mantad do UMNO boogian Jelutong, cawangan Ralan Patani, Pulau Pinang.

Sepak takraw nopo diti nga' pinotimpuun do id suang piaalan ontok di kumoinsan id taang antarabangsa on toun 1965 Id Sipoot SEAP i pinaharo id Malaysia. Pogulu do haro o komitikuasa Popowonsoi do Sipoot SEAP minonorimo do sipoot diti, tumanud do pinibarasan i nowonsoi id pialatan do mongongobi mantad Malaysia om Singapura miampai mongongobi mantad pogun Thai om Burma montok mogibooboros do ngaran pomoinan diti. Kolimpupuson nopo miampai do impohon om pomusarahan poinralom. Komitikuasa Jawatankuasa popowonsoi Sipoot SEAP minanganu kookunan do ngaran noppo pomoina diti nga' SEPAK TAKRAW, iri no tu' piomungan mantad hogot 'sepak' om 'takraw' sumiliu iso' hogot .

Om baino nopo dii nga', pomoinan sepaktakraw nakawaya evolusi iri no tu pomoinan beregu apamain do duo tulun montok id tikid tinimungan i nokointutun.

Nokointutun o pomoinan Sepakrakraw diti id pointongkop pomogunan om kohompit id Rusia

Tekong( - nopo nga' pamain id tanga i poindoros do kinoyonon tobulugu sepak kotimpuunon, popotimpuun do monipak kotimpuunon toi ko servis id pomoinan dii miampai kitonggungan manamong buul id tanga om dolikud do galanggang.

Apit wanan ( - nopo nga' pamain id boogian wanan tekong, i kitonggungan montok manamong boogian wanan om boogian dumbangan galanggang.

Apit gibang( - nopo nga' pamain id boogiaan gibang do tekong, i kitonggungan montok manamong buul id dumbangan do galanggang.

Apit wanan om apit wanan nopo nga' kitonggungan sondii' sabaagi do manahak buul montok tekong montok momonsoi tandangan gulu toi ko' servis, momonsoi libasan (rejaman), mongupan om momonsoi do pangalob. Iti nopo nga' tumanud do kowoyoon pomoinan om kabaalan sondii'.

Intangai nogi'

Piala Dunia ISTAF 2011
ISTAF SuperSeries
Padbol

Sukuon

Pogintangan mantad soliwan

Pomoinan pogulu pomoinan moden moden Sepak Takraw
Buul om kakamot Gajah Amas Diarkibkan 21 Februari 2020 id Wayback Machine
Persatuan Takraw Thailand
Sepaktakraw Malaysia