Stadium Merdeka
Stadium Merdeka nopo stadium sukan id Kuala Lumpur, Malaysia i ginuno montok wonsoyon mogisuusuai nopo. Stadium Merdeka kiharo kabaalan keupayaan 25,000 tongoulun mongoi intong miampai 10,000 koiyonon tirikohon.
Karaja-karaja kowonsoyon pinoulud di pihak Jabatan Kerja Raya (JKR) timpuun tulan Madas 1956. Ontok 15 Mansak 1957, Tunku Abdul Rahman i nosiliu Perdana Menteri Malaysia daamot diri pinowiliu batu asas id Stadium Merdeka. Stadium diti kiharo koumatan om kelengkapan sukan i koingkakat miampai stadium-stadium antarabangsa id pogun-pogun suai maamaso diri om koiyonon tirikohon montok 22,000 tulun, om 3,000 mantad diri nopo id siriba taap i maamaso nogi ukabon. Baabaino, stadium diti kaanu koula soginumu gisom 45,000 tulun mintong.
Iti kiharo 14 buah "terowong" i nopo pintu kosoliwanon-sumuang do stadium. Posorili koiyonon tirikohon i kitaap nopo diti nga songinaru 30 kaki, taap dau 60 kaki koonoruon doid toguang om akawas 40 kaki mantad siriba. Apat nogi tiang lampu kinawas 140 kaki nogi winonsoi montok kogunoon piboi'an-piboi'an pinaharo id timpu totuong.
Kowonsoyon stadium diti nopo iso koburuon doid montok popoburu id suang kegiatan sukan om kebudayaan id pomogunan diti. Miampai haro stadium diti, kaanu manahak koumatan montok koindalanan sukan, kebudayaan om pitimbungakan-pitimbungakan angagayo id taang kebangsaan om antarabangsa. Suai ko ii, pisompuruan i ogirot kaanu pinosunion maya koindalan sukan om piboi'an kebangsaan i pinaharo id Stadium diti.
Stadium diti timpunon ginuno montok iso piboi'an i kisajara kopio id suang sajara pomogunan dati Malysia, iri no pengisytiharan Kemerdekaan Persekutuan Tanah Melayu ontok 31 Magus 1957 di Almarhum Tunku Abdul Rahman kalapas pinorasmi dau pogulu sangadau. Soginumu Seramai 10,000 tulun nokorikot stadium diti maamaso peristiharan dilo winonsoi ontok 31 Ogos 1957.
Nga montok timpu maamaso nourus di Perbadanan Stadium Merdeka iti kosiliu iso kinoyonon i kisajara kopio, koumbal posuguo' montok mangan ahaba'on maamaso zamanMahathir Mohamad. Sabab nopo montok manahak kosiwatan kumaa pamansayan kompleks pejabat om hiburan kigatang RM 1 bilion. Nga montok inisiatif piipiro tulun kaakup Abdullah Ahmad Badawi, bekas perdana menteri Malaysia i paapatod suat kumaa Mahathir Mohamad mooi do stadium diti au ahaba'on, Mahathir Mohamad pinointalang do Abdullah Ahmad Badawi sentimental kopio miampai gatang sajara diti. Kotohurion dau ontok Februari 2003, Stadium Merdeka pinomungaran sabaagi bangunan warisan kebangsaan.
Ontok 2007, Stadium Merdeka nokotoguang pemulihan kumaa koyuon i timpuun dau miagal ontok 1957. Stadium diti miampai kapasiti soginumu 45,000 koiyonon tirikihon pinoungkurian kumaa 20,000 koiyonon tirikohon, i komoyon nopo dau do piipiro blok-blok teres sawat winonsoi di pogulu po maan ahaba'on. Pakaraja popotimpuun karaja merombak taap doid koiyonon VI. Kapamansayan kawagu nopo diti soboogian rancangan kinoulitan toun Malaysia ke-50 montok popoimpasi kawagu timpu-timpu soira Tunku Abdul Rahman mengisytiharkan kemerdekaan id hiti. Ontok toun 2016, Permodalan National Berhad monginsonong kawagu stadium iti. Id na'aga opongo ontok kotolu 2024.
Kaantakan peristiwa di Stadium Merdeka
[simbanai | simbanai toud]- Pengisytiharan Kemerdekaan Persekutuan Tanah Melayu ontok 31 Magus 1957.
- Majlis Tilawah Al Quran Peringkat Antarabangsa (laid dau Musabaqah Al-Quran). Koinsan pinaharo id Stadium Merdeka, 1960.
- Sukan SEA (dahulunya Sukan SEAP)
- Pestabola Merdeka
- Kapatahakan Panji-Panji Diraja di Yang DiPertuan Agong,Sultan Haji Ahmad Shah kumaa Maktab Tentera Diraja ontok 3 Mahas 1981
- Himpunan Kebangkitan Rakyat 2013 ontok 12 Milatok 2013
Sukuon
[simbanai | simbanai toud]Pautan soliwan
[simbanai | simbanai toud]- (Melayu) Jabatan Warisan Negara.