Stesen koritapui Paldiski

 

Paldiski
Terminal stesen koritapui
Stesen Koritapui Paldiski di toun 2011
General information
Location	Paldiski, Mukim Lääne-Harju, Watas Harju Estonia
Coordinates	59°20′40.3″N 24°3′35.9″E
Owned by	Eesti Raudtee (EVR)
Platforms	1
Tracks	6
Train operators	Elron
Connections	Regional Buses  P4   P5   110   136   145
Construction
Structure type	Id-gred
Parking	Haro; Misampaping do stesen
Bicycle facilities	Haro; Misampaping do stesen
Accessible	Ho'o
Other information
Fare zone	IV
History
Opened	1870 (1870)
Electrified	1961
Services
Preceding station Elron Following station Laoküla towards Tallinn Tallinn–Turba/Paldiski Terminus
Location

Stesen koritapui Paldiski nopo nga iso stesen koritapui id kakadayan om tuundorongon kapal rahat Rahat Baltik Paldiski, i poinladsong id Semenanjung Pakri, ponong koibutan kotonobon do Estonia.

Stesen diti nopo nga tuundorongon ponong kotonobon do Koritapui Tallinn- Paldiski. Nukaban iti di toun 1870 sabaagi soboogian do wayaan koritapui i popiromut do Paldiski om Gatchina, i nokotilombus do popiromut kumaa Saint Petersburg id koompokon do toun dii. Antakan dii, poindalanon o stesen diti do rapang rel komuter Tallin, rapang rel komuter lotirik i igitan di Elron, i kaanu popiromut do kakadayan tagayo Tallinn miampai do tisan kakadayan tagayo om posorili do kinoyonon id labus kakadayan tagayo.

Sajara

Nukaban o stesen diti di toun 1870 sabaagi ralan montok popiromut do Tuundorongon Kapal Rahat Baltik id Paldiski, i winonsoi id siriba do tisuhu di Peter The Great, miampai do Saint Petersburg. Wayaan diti nopo nga kumaa id Gatchina, miampai tuundorongon id Tallinn, Tapa om Narva. Id toun diti nogi, piniromut iti kumaa wayaan koritapui Saint Petersburg-Warsaw, i popotounda do piromutan kumaa kakadayan Rusia.

Bongunan stesen di toun 1924

Winonsoi o bongunan stesen diti miampai kowoowoyoon tipikal montok iso saiz, tumanud do reka bontuk koritapui kalas ko-3 antakan timpu dii. Kos minomonsoi nopo nga 20,00 Rubles Tsarist. Boogian suang nopo nga ninlumisan momoguno do apat tirikohonon oak id liwang toponsol, sofa id liwang kapamanahon montok susumakai kalas koiso, i nabaagi kumaa tondu om kusai. Maamaso abad ko-20, piipiro roromu ponginlumis sandad nopo nga natagak mantad taap om jubin, nga poingkakal po kasari sabaagi bongunan stesen Estonia i bobos atamangan id timpu dau. Antakan di toun 1999, nokoruhang o bongunan diti id suang do Dopitar Nasional Monumen Koubasanan Estonia, i noonuan do numbur 21522.

Kinoyonon do stesen diti nopo nga ogonop tu' nuru popohompit do kominagan tuundorongon kapal rahat om kukumalaja. Kiwaa walai tionon montok kukumalaja koritapui, walai kikowoowoyoon do berek montok kukumalaja id tuundorongon kapal rahat, om kinoyonon padsakayan di tagayo, nokoundaliu mantad berek om penjara, ogonop miampai stesen pam om mija minturug. Kiwaa nogi sauna id kompleks diti.

Bongunan stesen tapangkal diti nopo nga gunoon montok tudu di pinokomoi gisom do toun 1999, soira id siriba do ponongonuan sondii, hinonggo au no milo momoli tikit toi ko' momoguno do liwang pagandadan. Nukaban o iso kafe id bongunan diti, nga sinompon di toun 2012.

Intangai nogi

 

• Katayadan do stesen koritapui id Estonia
• Padsakayan koritapui id Estonia
• Sajara do padsakayan koritapui id Estonia

Noputan labus

• (in Estonian, English, and Russian) Official website of Eesti Raudtee (EVR) – the national railway infrastructure company of Estonia responsible for maintenance and traffic control of most of the Estonian railway network
• (in Estonian, English, and Russian) Official website of Elron – the national passenger train operating company of Estonia responsible for all domestic passenger train services in Estonia