Sudare

Sudare (簾/すだれ) nopo nga skrin toi ko' bidai koubasanan do Jepun, owonsoi mantad bilah alampai do kayu pomolumis-lumis, poring, toi ko' kakamot sandad suai di noorut miampai momoguno tali toomod, banang kiwotik, toi ko' kakamot pomolumis suai montok papaasil bidai di osomok no legap. Milo gulungon toi ko' lopio kumaa sawat soira amu gunoon. Sumoonu, ointutunan nogi iti sabaagi do misu (御簾/みす), loolobi po soira haro kelim kain kiwotik otomou.^[1] Yoshizu, ii nopo sudare, i amu poinsait, owonsoi mantad bilah pointuridong mantad poring paya toomod om gunoon sabaagi skrin.

Oguno o sudare id kawalayan Jepun montok manamong pansaran om koukaban suai id bangunan mantad tadau, rasam om songongi. Koubasanan nopo, pasangon iti ontok timpu tusak om polintuhunon kaagu ontok timpu luruh. Struktur di agaan popomilo do tongus oluhoi sumuang, iso kapansalan soira orikot timpu alasu id Jepun. Milo wonsoyon o sudare miampai kos di osiriba tu kakamot pamansayan dau nopo nga osonong manganu.

Sudare mewah montok istana om vila nopo nga momoguno poring kikualiti akawas, miampai langkit sutera om amas di apagon gatang. Sumoonu, lumison iti do lukisan id boogian suang; piipiro skrin Cina haro simbol di linukis nogi id boogian solian.

Tonggungan sosial

Pokitanan solian do Imperial Palace mantad The Tale of Genji. Mantad pisuk pokitanan diti, apagon kokito maya sudare; kobibasan artistik noguno.
Pokitanan mantad suang montok scene di miagal id The Tale of Genji

Manamong o sudare do mogiigion bangunan okon ko' mantad cuaca, nga mantad nogi pogintangan tongoulun id solian. Okito kopio iti id The Tale of Genji.

Ontok timpu Heian (794-1185), songulun tondu istana nopo nga lumisok id tolikud do tabir soira mimboros miampai kusai di okon ko mantad paganakan dau. Milo yau mongilot maya tabir dilo nga amu mintong do kusai dii, nga kusai dii nuru mingkakat id sinodu pointantu om amu milo mintong dau. Sokiro haro kasagaan, milo nogi ii kusai tumoning, om soira pasagaon iri tondu do mangangkat tabir dii no. Nunu nopo wowonsoyon di amu milo mantad puruan kusia nopo nga iso kasalaan agayo do etika om iso tantaman kumaa kobontugan tondu dii.

Oguno nogi o sudare id majlis-majlis diraja. Mintong maya potilombus kumaa Maharaja Jepun (tennō; lit. 'heavenly ruler') nopo nga iso pogoduhan. Mantad dilo, lumisok om poinrikau yau id tolikud do tabir id suang do balai takhta miampai kasut no okito. Amu nodi gunoon o koubasanan diti soira muri-kuri o kuasa do raja.

Kapamansayan moden

Alapas timpu Edo (1603 - 1867) om id timpu Meiji (1868-1911) di sinumuhut, kapamansayan sudare nopo nga muri-kuri no om nokosili tinunturu koubasanan. Sundung do yodii, kakal po padagangon om posolianon kumaa solian pogun mantad mogisuai-suai komponi. Koubasanan nopo, oorut o sudare momoguno kakamot pongorut.^{[minog do kisukuon]}^{[citation needed]}

Muzium

Iso muzium id Amano-cho, Kawachinagano, Osaka poposusui do sajara sudare. Kakamot om mesin di gunoon montok papaasil dilo om sudare mantad pogun suai nogi nga pokitonon.^[2]

Galeri

Sudare id ralan kumaa Sunsuyon Tatsumi id Gion, Kyoto.
Sudare mogisuusuai umul id iso ralan id Kyoto. Aiso o disan di nolopot kain do sudare diti.
Summerhouse nowonsoi mantad yoshi sudare; pointuridong o watang.
Sudare manamong koshi (jeriji kayu) do iso walai teh; papan tanda kisuat "Teh".
Sudare id iso machiya tolu tingkat ontok minsosodop. Ponompon ppaque amado pasangon kanto dirii montok manamong privasi.

Intangai nogi

Sukuon

↑ "sudare". Japanese Architecture and Art Net Users System. Linoyog ontok August 23, 2011.
↑ "「すだれ資料館」のホームページへようこそ" [Welcome to the website of "Sudare museum"]. Pinoopi mantad sanḏad ontok 2 March 2022. Linoyog ontok 2 March 2022.

Noputan labus

Media related to Sudare at Wikimedia Commons
re museum (d bahasa Japanese)
Sudare (id English) - id tongo' tulun do boros Inggis.
ta Sudare:Long-established store in Kyoto (d'japon) 1985.
with Sudare craftsman, Otoji Kawasaki of Kyoto (id English) - Ko-uvo do Sudare id Kota Kinabalu

[1] "sudare". Japanese Architecture and Art Net Users System. Linoyog ontok August 23, 2011.

[2] "「すだれ資料館」のホームページへようこそ" [Welcome to the website of "Sudare museum"]. Pinoopi mantad sanḏad ontok 2 March 2022. Linoyog ontok 2 March 2022.

[1]

[2]