Pergi ke kandungan

Sue Desmond-Hellmann

Mantad Wikipedia
Sue Desmond-Hellmann
Kinosusuon1958 (age 67–68)
Napa, California, U.S.
PondidikanUniversity of Nevada, Reno (BS, MD)
University of California, Berkeley (MPH)

Sue Desmond-Hellmann (nosusu id toun 1958) nopo nga songulun oncologist toi ko' id momuruan kokomoi kanser om songulun nogi luguan do biotechnology id kitonggungan sabaagi CEO montok [[Bill & Melinda Gates Foundation]] mantad toun 2014 gisom 2020. Antakan Gomot 2024, nopili isido sabaagi puru do Open AI. Isido nogi nga kosiliu sabaagi do canselor tondu di kumoiso hilo id University of California, San Francisco (UCSF) om Profesor tapantang Arthur om Toni Rembe Rock. Koumbal nogi isio kohompit do kapamansayan tubat kanser kumoiso di mongontok do gen, Avastin and Herceptin. [1]

Koposion tosopung om pondidikan

[simbanai | simbanai toud]

Nosusu ontok Napa, California,[2] Nakagayo id Desmond-Hellman id Reno, Nevada saabagi iso mantad turu tanak. Poingkalaja tapa dau sabaagi pharmacist om tama dau nopo nga mongingia do Inggilis. [3] Nokosoliwan isio mantad Sikul Takawas Bishop Manogue ontok 1975. [4] Nakaanu isio ijazah do sains id pra-korusapan om M.D. mantad University of Nevada, Reno om nakaanu pingludaan kabaalan id Universiti California, SanFracisco (UCSF), om kuminalaja sabaagi luguan do residen.Nopili isio sabaagi pakar kitaulia' id gana pongusapan ponon suang om onkologi pongusapan, om nakaanu dogi ijazah sarjana kolidasan koizaai mantad University do California, Berkeley School of Public Health. [5]


Kakalaja'an

[simbanai | simbanai toud]

Kotimpuunan

[simbanai | simbanai toud]

Koumbal i Desmond-Hellmann kosiliu sabaagi monguunguhup profesor do epidemiologi and biostatistics id UCSF. Tuminanud isiod do fakulti korusapan do UCSF masaan HIV/AIDS epidemic id San Francisco om tuminorodok do Kaposi's sarcoma. Id kotimpuunan do 1989 kuminakap isido duo sawo dau id fakulti Uganda Cancer Institute, solinaid do 2 toun, balajal om mananus do susumakit di norolihan do toruol om Kaposi's sarcoma id prujik di natanggung do Rockefeller Foundation.[5][3]. Kalapas diri minangawi isido duo toun montok praktis sosondii.

Guminuli kawagu isido di ponoriukan klinikal, suminiliu isido do mongunguhup direktor do kolinik ponoriukan kanser id Bristol-Myers Squibb Institut Ponoriukan Pharmaceutical. Id hilo, isido nopo nga luguan do prujik montok Taxol.

Ontok 1995, minampayat i Desmond-Hellmann sabaagi saintis kolinik. Pinungaranan isido sabaagi Luguan Medical Upis, id toun sumusuhut om id toun 1999 nokosiliu isio do Mongunguhup Presiden do Kopomorunan om Operasi Produk. Mantad Gomot 2004 gisom Ngiop 2009, isio nopo nga Presiden do Kopomorunan produk, kitonggungan id kapamansayan duo mantad terapi kumoiso si pointorodok kumaa gen montok mongolingos do kanser, ii nopo nga Avastin om Herceptin.[3][5][6] Tuminongkiad isido kalapas sorikat diri naanu do Roche Pharmaceuticals. [3][7] Ontoj diri, tusin pampasan disio nopo nga $8 riong sontoun.[3]

Mantad toun 2005 gisom 2008, kuminalaja i Desmond-Hellman sabaagi puru lambaga pangara' Koisaan America montok Ponoriukan do Kanser om mantad toun 2001 gisom 2009, kuminalaja isido sabaagi komitikuasa eksekutif lambaga pangara' Biotechnology Industry Organization. Kuminalaja nogi isio tolu toun sabaagi Mojilis Momooboros Ekonomi Federal Reserve Bank of San Francisco kotimpuun ontok Milatok 2009. [5] Minomuruan isido id lambaga korporat Affymetrix mantad toun 2004 gisom 2009 [5] om nokopomur nogi doid lambaga pangara' Procter & Gamble mantad toun 2012 gisom 2013. [8]

Kanselor do UCSF, 2009-2013

[simbanai | simbanai toud]

Kalapas naalap do mangapalai, ontok 3 Magus 2009, nokosiliu i Desmond-Hellman sabaagi Kanselor kosiam do UCSF, om tondu kumoiso di minigit do jawatan diri. [9] Nosiliu i Desmond-Hellman sabaagi Kanselor kumoiso di nopili id soliwan do gana akademik. Gaji kotimpuunon disido nopo nga soginumu $450,000 sontoun.[3]

Ontok Mahas 2010, sangadau kalapas noturubung do The New York Times, pinopojual i Desmond-Hellman do saham dau kumaa Tinimungan Altria, sorikat tama kumaa Philip Morris USA om piipiro sorikot sigup di suai. Kalapas dii, minonoluod isido $134,000 kumaa longkod kapanamangan sigup id UCSF. Minomboros isido do kogumuan pongigitan saham dau noboli do broker saham, om atangkangau isido do monginonong toinsanan pelaburan dau, sundung do nokoliis no saham diri id panyata kointalangan kousinan dau.[10][11]

Ontok Milatok 2012, minokianu i Desmond-Hellman do kosimbananan piromutan id pialatan do UCSF, universiti sains kolidasan, om nogi Universiti do California. [12] Pinoposogu isido do momonsoi pogiuhupan do UCSF om sorikat farmaseutikal swasta om towud kousinan suai, montok popoingkawas koonuan universiti diri om monolimbamban nogi do koausulimbangan kousinan di naaga'. [3][7][13][14]

Minomuruan i Desmond-Hellman sabaagi Kanselor UCSF gisom Gomot 2014 om solinaid do timpu dilo, minigit isido do jawatan sabaagi Profesor Poingaran Arthur om Toni Rembe Rock.[5]

Piromutan pogusapan presisi

[simbanai | simbanai toud]

Ontok toun 2011, suminiliu i Desmond-Hellman do ponorikohon miampai iso komitikuasa Akademi Sains Sosial di poposogu kopoimogononon piromutan data miagal Google Maps di kitudu do kopomorunan lobi gumu diagnosis om pongusapan di pisudongon kumaa sosongulun susumakit-iso roromu di ointutunan sabaagi pongusapan presisi. [15] Piromutan di ointutunan sabaagi "piromutan toilaan' diti popotimung data toluub di popoimbulai kokomoi impohon molelkul toruol miampai maklumat kokomoi poodukan posorili om rikud pongusapan elektronik susumakit, om popomilo nogi do saintis popoilang korubaan ponoriukan di lobi osikap, om kaanu mongunsub do koburuon pongusapan di pinosudong. Popomilo nogi dokutul do momonsoi kootusan di lobi kosudong kokomoi pongusapan, poposiriba kos kapanamangan kolidasan om dohuri nopo nga popoimogot do kualiti kapanamangan. [16] Ruputan NAS, kitudu "Kumaa Pongusapan Presisi: Momorun Piromutan Toilaan montok Ponoriukan Biomedikal om Taksonomi Wagu Toruol", nagambal di Keith Yamamoto, Monguunguhup Kanselor Ponoriukan id UCSF sabaagi "Karangka Ponoriukan di bobos toponsol do Akademi Sains Nasional kalapas kotinanan momooboros diri poposogu Amerika Sorikat do popotilombus Prujik Genom Koulunan" .[17]

  1. ↑ Garde, Damian (17 December 2013). "Genentech's ex-R&D boss takes the reins at the Gates Foundation". Questex LLC. Fierce Biotech.
  2. ↑ Greenhalgh, Hugo (March 27, 2016). "Sue Desmond-Hellmann, Gates Foundation CEO". Financial Times.
  3. ↑ 3.0 3.1 3.2 3.3 3.4 3.5 3.6 Grady, Denise (October 10, 2011). "Profiles in Science: An Innovator Shapes an Empire". The New York Times.
  4. ↑ "How Did I Get Here? Sue Desmond-Hellmann". Bloomberg Businessweek. Linoyog ontok July 31, 2024.
  5. ↑ 5.0 5.1 5.2 5.3 5.4 5.5 "UCSF profiles: Susan Desmond-Hellmann". University of California, San Francisco. Linoyog ontok March 17, 2016.
  6. ↑ Ravelo, Jenny Lei (December 23, 2013). "Susan Desmond-Hellmann: A passionate innovator to lead the Gates Foundation". Devex.
  7. ↑ 7.0 7.1 "Susan Desmond-Hellmann - The 25 most influential people in biopharma today". FierceBiotech. February 8, 2012. Linoyog ontok March 17, 2016.
  8. ↑ Lambert, Diana; Koseff, Alexei (March 4, 2016). "UC Davis chancellor apologizes, will donate textbook stock to student scholarships". Sacramento Bee.
  9. ↑ "Susan Desmond-Hellmann, M.D., M.P.H | Pfizer". www.pfizer.com. Linoyog ontok 2023-03-27.
  10. ↑ Wilson, Duff (June 30, 2010). "Chancellor's Slip Benefits Tobacco Research". The New York Times. Linoyog ontok September 16, 2011.
  11. ↑ Wilson, Duff (June 29, 2010). "University Chief Is Selling Tobacco Holdings". The New York Times. Linoyog ontok September 16, 2011.
  12. ↑ Asimov, Nanette (January 20, 2012). "UCSF seeks to ease ties with UC". San Francisco Chronicle. Linoyog ontok January 26, 2012.
  13. ↑ Cisneros, Lisa (19 January 2012). "Chancellor Proposes New Approach to Secure UCSF's Financial Future". University of California, San Francisco. Linoyog ontok January 26, 2012.
  14. ↑ Krasny, Michael. "UCSF May Step Away From UC System". KQED Radio. Linoyog ontok January 26, 2012.
  15. ↑ O'Brien, Jennifer (December 17, 2013). "UCSF Chancellor Susan Desmond-Hellmann to Step Down". University of California, San Francisco.
  16. ↑ O'Brien, Jennifer (November 18, 2011). "NAS Report Calls for Building Biomedical Knowledge Network to Drive Precision Medicine". University of California, San Francisco.
  17. ↑ O'Brien, Jennifer (April 11, 2012). "UCSF Chancellor Issues Call-To-Arms to Patient Advocates". University of California, San Francisco.
Naanu mantad "https://dtp.wikipedia.org/w/index.php?title=Sue_Desmond-Hellmann&oldid=21251"