Pergi ke kandungan

Taco

Mantad Wikipedia

 

Taco (lohowon do ['tako]) nopo nga takaanon koubasanan koulunan Mexico ii nowonsoi mantad do tortilla tokoro kisuang do mogikaakawo inti kohompit no ogumu kawo daging, kacang, kokotuan om keju ii linikod om naakan momoguno longon . Ii nogi nga asar do hadangon miampai mogikaakawo bumbu miagal ko salsa, guacamole, toi ko' krim toonsom om bawang lado. Iti nogi nga iso kawotaakanon id disan ralan ii nointutunan do sompomogunan.

Takaanon diti sondii nga haro no pogulu korikatan do peneroka om penakluk Sepanyol kuminaa do Mexico; miampai do hinta antropologi do tulun asli ii poingiyon id koiyonon do tasik Lembah Mexico maya tradisional nopo nga mangakan taco kisuang do sada tokoro. Bernal Díaz del Castillo id suang rombongan ii binuruan di Hernán Cortés nopo nga minongdokumentasi iso taakanon ii popokito takanon miagal diti ii naakan diolo ontok do minundorong id Coyoacán.[1][2]

Taco daging

[simbanai | simbanai toud]

Taco kawo diti nopo nga momoguno perut lembu id sawat chorizo ii linugu sabaagi inti id duo tortilla tokoro ii pinitimpak om pinirolot miampai do guacamole, salsa, [3][4] bawang om roun ketumbar.

Taco udang (tacos de camarones)

[simbanai | simbanai toud]

Taco diti nopo nga taakanon poimbida mantad Baja California momoguno udang linugu toi ko' ginuring miampai lado toi ko' kubis, pico de gallo, avokado om krim toonsom toi ko' sos sitrus/mayonis ii pinorolot ngaawi id sawat do tortilla luong om tapung. [3] [4]

Kiwaa nogi woyo kopotoundaan poimbida id oosokon tulun Texas ii ko'iyo do tortilla luong tolomok toi ko' tapung ii kisuang do daging, tontolu toi ko' keju om nogi roromu-roromu do suai, ii asaru do posurungon ontok timpu makan kosuabon.

Intangai nogi

[simbanai | simbanai toud]
  1. "History of Mexican Cuisine". Margaret Parker. Pinoopi mantad sand̠ad ontok 2 May 2008. Linoyog ontok 30 January 2015.
  2. "A Thumbnail History of Mexican Food". Jim Conrad. Pinoopi mantad sand̠ad ontok 11 August 2007. Linoyog ontok 30 January 2015.
  3. 3.0 3.1 Graber, Karen Hursh. "Wrap It Up: A Guide to Mexican Street Tacos (Part One of Two)". Mexico Connect. Linoyog ontok 2008-07-07.
  4. 4.0 4.1 Graber, Karen Hursh. "Wrap It Up: A Guide to Mexican Street Tacos Part II: Nighttime Tacos". Mexico Connect. Linoyog ontok 2008-07-07.