Tadau Mongingia' Sompomogunan
Tadau Mongingia' Sompomogunan nopo nga tadau sompomogunan i taandakon monikid toun ontok 5 Gumas montok mamagatang do sokodung om tinorodok do mongingia'.[1] Pinoimagon ontok toun 1994, kapanaandakan nopo diti nga montok momuhondom kawagu pemeteraian suul miampot do International Labour Organization (ILO) om United Nations Educational, Scientific and Cultural Organization (UNESCO). Suul toun 1966 i ointutunan sabaagi "ILO/UNESCO Recommendation concerning the Status of Teachers"[2][3] nopo nga instrumen penetapan standard i mongomoi do status om kouyuuyuho mongingia' pointongkop pomogunan.[4] Id suang suul dii, kiwaa piawai kokomoi impohon ginaras monunuduk, koonuan om pinludaan mongingia', pondidikan potilombus, pakalajaan om kouyuuyuho kalaja diolo.[4] Tudu nopo do Tadau Mongingia' Sompomogunan nga manahak tarad kumaa goos "mamagatang, manahang om monginsoning do mongingia' pointongkop pomogunan om manahak nogi kosiwatan montok mogibooboros kokomoi isu i mionit do mongingia' om profesion mongingia'.[5]
Kapanaandakan
[simbanai | simbanai toud]Montok mamaramai do Tadau Mongingia' Sompomogunan, papaanjul o United Nations Educational, Scientific and Cultural Organization (UNESCO) om Education International (EI) do kimpin monikid toun montok monguhup tulun ginumuan do mamarati miampai lobi osonong kokomoi mongingia' om tonggungan diolo id suang koburuon mokiikinobos om nogi momogun.[4] Montok momodimpot tudu dii, miuhup nogi yolo do sektor swasta miagal do organisasi media. Manahak o kimpin diti do tarad kumaa tema di mogisuusuai monikid toun. Sabaagi poomitanan, "Empowering Teachers" nopo nga tema ontok toun 2017, ii no kapanaandakan Tadau Mongingia' Sompomogunan i momuhondom kawagu kinouliton toun ko-20 do 1997 UNESCO Recommendation concerning the Status of Higher-Education Teaching Personnel,[2] om tema nopo dii nga mogowit isu i au podulionon kopio sumoonu ii no ginaras monunuduk institusi ponginabasan takawas, id suang pogibaababarasan kokomoi status mongingia's.[6]
Ontok toun sumusuhut, 2018, minopoingkakat o UNESCO do tema "The Right to Education Means the Right to a Qualified Teacher,"[7] kopihondot do kinouliton toun ko-70 do Universal Declaration of Human Rights (1948) om nosiliu nogi o tema dii sabaagi kapasarahan do kosongonuan nopo kumaa pondidikan nga au odimpot nung aiso mongingia' di nongoluda om haro kelayakanan.[7] Minapatayad o UNESCO do kawasa monguhup o monikid tulun miampai mamarayou profesi mongingia', popoingkawasa kopurimanan kumaa isu-isu mongingia' om manahak kapantangan kumaa mongingia' sabaagi soboogian mantad norma momogun.[5] Sabaagi poomitanan, insaru o sikul om tongosusumikul do papaharo kapanaandakan poimbida montok mongingia' ontok tadau dii.
 | This article may be confusing or unclear to readers. (October 2024) |
Lobi mantad 100 pogun i momuhondom do Tadau Mongingia' Sompomogunan[8] om monikid pogun nopo nga kiwaa kapanaandakan sondii. Sabaagi poomitanan, manaandak o India do tadau Mongingia' Kabansaan monikid 5 Manom.[9] Id Australia, gama do tadauwulan nopo dii nga ontok tadau koundarangan sikul, pogun-pogun om wilayah id pogun dii manaandak tadau dii ontok tadau Kurudu kolimpupuson wulan Gumas monikid toun.[10]
Tema nopo montok Tadau Mongingia' Sompomogunan montok toun 2023 nga "The teachers we need for the education we want". Mongingia' nopo nga gonot do pondidikan, sundung do ingkaa id kogumuan pogun, ogumu mongingia' i midu mantad profesion korohian diolo om okuri nodi komulakan i sumiliu do mongimgia'. Tumanud do UNESCO, nuru do kiwaa lobi mantad 69 riong mongingia' wagu id pomogunan mondidikot toun 2030, om kumuri nodi ginaras do monunuduk.[11]
Kapanaandakan nopo Tadau Mongingia' Sompomogunan ontok toun 2024 manahak tarad kumaa tema "Mamagatamg rolou mongingia': kumaa id kontrak sosial wagu montok pondidikan". Tema nopo diti nga poposotol do kapansalan popohompit mongingia' montok monolibamban tantaman di otoguang diolo, om ii nopo lobi oponsol nga mamagatang om momoguno kabaalan om pomusarahan di pasakadayon diolo kumaa gana pondidikan.[12]
Sukuon
[simbanai | simbanai toud]- ↑ "World Teachers' Day 2021: Theme, History, Quotes, Facts | SA News". SA News Channel (id boros Inggeris AS). 5 October 2021. Linoyog ontok 5 October 2021.
- 1 2 International Labour Organization (2008). "The ILO/UNESCO Recommendation concerning the Status of Teachers (1966) and The UNESCO Recommendation concerning the Status of Higher-education Teaching Personnel (1997) with a user's guide". unesdoc.unesco.org. Linoyog ontok 5 October 2022.
- ↑ "World Teachers' Day – 5 October 2017". UNESCO (id boros Inggilis). 13 September 2017. Linoyog ontok 6 October 2017.
- 1 2 3 Power, Colin (2014). The Power of Education!: Education for All, Development, Globalisation and UNESCO. New York: Springer. p. 191. ISBN 9789812872210.
- 1 2 "Frequently Asked and Questions | Education | United Nations Educational, Scientific and Cultural Organization". www.unesco.org (id boros Inggilis). Linoyog ontok 6 October 2017.
- ↑ "Teaching in Freedom, Empowering Teachers". UNESCO (id boros Inggilis). 5 October 2017. Linoyog ontok 6 October 2017.
- 1 2 "World Teachers' Day 2018 International Conference". UNESCO (id boros Inggilis). 14 December 2017. Linoyog ontok 11 September 2018.
- ↑ "World Teachers Day 2018 – National Awareness Days Events Calendar 2018 & 2019". National Awareness Days Events Calendar 2018 & 2019 (id boros Inggeris AS). Linoyog ontok 11 September 2018.
- ↑ Patel, Ashok (2015). Inspire a Teacher Within. Partridge Publishing. p. 105. ISBN 9781482844153.
- ↑ "World Teachers' Day Queensland | About". Pinoopi mantad sand̠ad ontok 16 March 2020. Linoyog ontok 23 October 2019.
- ↑ "World Teachers' Day". ei-ie.org (id boros Inggilis). 13 September 2023. Linoyog ontok 2023-09-30.
- ↑ "World Teachers' Day". ei-ie.org (id boros Inggilis). 20 September 2024. Linoyog ontok 2024-10-04.