Taman Pogun Alas Purwo
| Taman Pogun Alas Purwo | |
|---|---|
| Taman Nasional Alas Purwo | |
  Alas Purwo NP Kinoyonon id Jawa | |
| Location | Jawa Timur, Indonesia |
| Nearest city | Banyuwangi |
| Coordinates | 8°41′S 114°28′E / 8.683°S 114.467°E |
| Area | 434.20 km2 (167.65 sq mi) |
| Established | 1992 |
| Visitors | 14,720 (in 2006[1]) |
| Governing body | Komontirian Posorili om Kotolunan |
| Website | tnalaspurwo |
Taman Pogun Alas Purwo nopo nga poinladsong id Semenanjung Blambangan id watas Banyuwangi, id dompok ponong kabaatan kotonobon do provinsi Jawa Timur. Otutunan o taman diti miampai Banteng tolias om kinoyonon luncur waig id Teluk Grajagan.
Ngaran do taman diti nopo nga kirati do talun koiso toi ko' talun nokodori,[2] tumanud do lagenda Jawa i minamarait do pomogunan diti nopo nga nokoimbulai mantad rahat do hiti.
Geografi
[simbanai | simbanai toud]Poinladsong o taman diti id Semenanjung Blambangan id dompok do kabaatan kosilahon pulou Jawa, id poingompus do kotogisan selat dumarapas do Bali.
Miampai linaab do 434 km2, taman diti nopo nga pointongkop do kotolunan bakau, savana, talun monsun gana tosiriba om kotogisan i nosorilian do karang. Gelombang do lakun i otutunan id taang sompomogunan nopo nga poingompus id tisan taman id Plengkung id Teluk Grajagan. Nulu Linggamanis (322m) nogi nga poinladsong id taman pogun diti.
Flora om fauna
[simbanai | simbanai toud]Flora di umoligon id taman pogun diti nopo nga kohompit no do Terminalia catappa, Calophyllum inophyllum, Sterculia foetida, Barringtonia asiatica, om Manilkara kauki.[3]
Iti nopo nga ponokowalai kumaa piipiro kawo di oruhai no opunso id Jawa, miagal do banteng (Bos javanicus). Di Ngiop 2004, kiwaa 57 tinan do banteng i norubaan id savana Sadengan, om populasi id toun di pogulu nopo nga lobi kuang 80 gisom 100 tinan,[4] nga antakan di Magus 2010, nokoruba o saintis do 73 tinan banteng id posorili savana miampai linaab 89 hektar, kinoingkawason di tagayo solinaid 6 toun om katagakan do habitat.[5] Tinimungan do banteng diti nopo nga koubasan no rumikot id Sadengan ontok timpu kosuabon om sodopon montok mogihum do sakot.
Sabap di bobos tagayo do kopunsaan banteng nopo nga tongotulun. Huhumombo aiso kasagaan nopo nga papasang do tingkawa id labus taman maamaso timpu talasu montok mamagakom do banteng i mimpanau id labus taman montok mogihum do waig. Koroton o banteng diti om maan pojualo' o daging.
Kawo tayam di oruhai no opunso, i umoligon nogi id Alas Purwo nopo nga kohompit no do dhole, langur Jawa, tombolog merak otomou, unggas talun taragang, rimba zaitun, penyu sisik, om penyu otomou.[3]
Luncur air
[simbanai | simbanai toud]Id pialatan do Gomot om Milau, ogumu o poluncur mantad pointongkop pogun rumikot id taman diti montok popoindalan do aktiviti meluncur. Ririkoton diolo nopo nga id Pantai Plengkung id Teluk Grajagan, otutunan nogi sabaagi G-Land, lobi kuang satanga tadau pamanahon mantad Bali.
Noroitan o kotogisan diti sabaagi iso kinoyonon meluncur di osonong kopio id Asia.[6] Miampai lakun i korikot do 5 meter, noroitan iti sabaagi kinoyonon montok poluncur di kikoinganan no. Nakatayad o kinoyonon diti sabaagi Litar Jelajah Dunia Quicksilver.[7]
Sukuon
[simbanai | simbanai toud]- ↑ "Forestry statistics of Indonesia 2007" (PDF). Pinoopi mantad sand̠ad (PDF) ontok 22 July 2011. Linoyog ontok 20 May 2010.
- ↑ Joshua Eliot; Liz Capaldi; Jane Bickersteth (2001). Indonesia handbook, Volume 3. Footprint Travel Guides. ISBN 978-1-900949-51-4.
- 1 2 Ministry of Forestry: Alas Purwo National Park Archived 2009-11-10 at the Wayback Machine, retrieved 10-December-2009
- ↑ Banteng di Ujung Timur Pulau Jawa. KOMPAS, Sunday, May 30, 2004. Retrieved on August 27, 2007 (id Indonesia)
- ↑ Desy Nurhayati (September 9, 2010). "Ox population in East Java park increases despite threats". The Jakarta Post. Linoyog ontok June 12, 2017.
- ↑ Oey, Eric (2001). Java. Tuttle Publishing. p. 395. ISBN 962-593-244-5.
- ↑ Backshall, Stephen (2003). The Rough Guide to Indonesia. Rough Guides. p. 336. ISBN 978-1-85828-991-5.
Noputan labus
[simbanai | simbanai toud]- Alas Purwo National Park from Ministry of Forestry, Republic of Indonesia