Taman Pogun Hainich

 

Taman Pogun Hainich
Taman Pogun Hainich
Wayaan kanopi kawaya do talun
Location	Thuringia, Jerman
Nearest city	Bad Langensalza
Coordinates	51.096667°N 10.390833°E / 51.096667; 10.390833
Area	75 km2 (29 sq mi)
Established	31 Momuhau 1997
Governing body	Taman Pogun Hainich Bei der Marktkirche 9 99947 Bad Langensalza

Taman Pogun Hainich, i pinoimpohon do 31 Momuhau 1997 nopo nga iso taman pogun ko-13 id Jerman om iso no id Thuringia. Iso nopo tudu toponsol do pogun diti nga mongumolig do talun bic sandad nokodori. Antakan di toun 2011, pinoruhang o taman diti kumaa Talun Beech Nokodori id Carpathians om Kinoyonon Suai do Tapak Tinungkusan Pomogunan Eropah gama do kopiokitanan dau kumaa saja ekologi puun bic om dinamik talun id Eropah mantad po di Timpu Glasier Kotohuri.

Geografi

Linaab do taman diti nopo nga 75 kilometer persegi om poinladsong id boogian kotonobon do pogun Thuringia id Jerman, kosilahon do Bawang Werra om nogi soboogian do Taman Sandad Eichsfeld-Hainich-Werratal di lobi tagayo. Poinladsong iti id soboogian tagayo do kinoyonon tolu pasagi id pialatan do kakadayan Eisenach, Mühlhausen, om Bad Langensalza. Taman pogun id boogian kabaatan nopo nga lobi kuang 160 kilometer persegi do Hainich, talun magalang bobos tagayo misampaping id Jerman.

Kopogikaakawaan biologi

Tayam

Tayam id taman diti kohompit no do tingau tolias, 15 kawo pungit, 7 kawo tombolog belatuk, om lobi ko' 500 kawo kumbang puun.

Kulat

Gisom baino, lobi ko' 6000 kawo kulat nokorikud id Taman Pogun, om ginumu kotohuri, kohompit no do kawo pombontuk lichen, na'aga lobi ko' 3000. Lobi kuang 300 mantad kulat dii nopo nga nokorikud do oontok kopunsaan. Piipiro nopo nga au okito id kinoyonon suai id Thuringia toi ko' okuri id Jerman miampai pointongkop, om pongumoligan diolo nopo nga tonggungan di noiktirad do Taman Pogun.

Susumuni

Lobi kuang 900 kawo susumuni nopo nga nokorikud id Taman Pogun. Beech Eropah nopo nga mondominasi do komuniti talun, miampai populasi nokoruhang do puun abu, hornbeam, limau om maple. Lobi-lobi po i kagayat kopio miagal do kapingan salji timpu mongusakk om corydalis, roun tuundu-undu, early dog-violet, anemone, anemone buttercup, bawang topurak liar om tusak bakung Turk.

Pongumoligan do ekosistom

Hontolon do Taman Pogun Hainich nopo nga montok mononduli soboogian tagayo do talun Eropah taatanga kumaa bontuk sandad. Taman diti nopo nga pointongkop do kinoyonon di gunoon do pinludaan tantara di pogulu po, miampai lobi kuan 50 kilometer persegi talun magalang. Id timpu dumontok, nuru do sumuni o talun bic montok monongkop do soboogian tagayo do kinoyonon taman.

Galeri gambal

• 
  Wayaan kanopi
• 
  Longkod tutumombului id Bad Langensalza
• 
  Asrama komulakan id Harsberg
• 
  Wayaan sumuang kumaa taman pogun id Lauterbach
• 
  Wayaan kanopi maya do talun (kikinawas 10–24 m / 33–79 kaki)
• 
  Kulat id puun
• 
  Graphosoma italicum
• 
  Lilioceris merdigera
• 
  Rutpela maculata

Intangai nogi

• Alte Burg, tapak istana purba id suang do taman.

Kesusastaraan

• Hainich Artenbuch – Tiere, Pflanzen und Pilze im Nationalpark Hainich, Verlag Rockstuhl, Bad Langensalza, 2005,  

Filem

Setem Deutsche Post 2000 montok Taman Pogun Hainich

• Nationalpark Hainich: ein Urwald in der Mitte Deutschlands. Documentary, 30 Min., Germany, 1999, by Peter and Stefan Simank, Production: Simank-Filmproduktion, Dresden. Summary by Mitteldeutscher Rundfunk

Noputan labus

• Thüringer Gesetz über den Nationalpark Hainich vom 19. Dezember 1997
• Official Website (English pages)
• Information about the Hainich on the Website of the Nationalen Naturlandschaften (id Jerman)