Sayau Piring
 Pingulakan o suusumayau kinababakkon do kasa piring id iso ababayan koubasanan id Kabupaten Sijunjung, Sumatera Barat. | |
| Native name | Sayau Piring |
|---|---|
| Origin |  Sumatera Barat, Indonesia |
Sayau Piring toi ko' Tari Piring (boros Minangkabau: Tari Piriang) nopo nga iso seni sayau koubasanan tinaru Minangkabau. Nontodonon sandad sayau diti nopo nga mantad Solok, boogian kotonobon pulou Sumatera[1] ii kaakup id Indonesia moden, nga babaino diti asaru aanu id labus kinoyonon id suang do tinaru-tinaru diaspora miagal do tinaru tulun Negeri Sembilan id Malaysia.
Id sayau diti, mongigit o susumayau (loobi osonong do manahau toi ko' mongonggom) do piring id palad longon diolo[2] miampai susuhuton tuni do loyou talempong om saluang; gura tinan miagal diti tumanud do kowowoyoon tongo momumutanom om ii nopo suai nga tumanud do laang-laang id silek toi ko' silat id koubasanan do tulun Minangkabau.[3] Nung sumonu, bigodon diolo i piring-piring dii id tawan miampai poloposon diolo id tana om pingulakan nondo ii suusumayau do piring dii miampai au kopuriman do modosi, sundung pia do ingkaa, pongulakan miagal diti au poporuol susumayau nga mooi do kopuriman i mogogontong do sumarat montok do popokito estetika, magis om elemen ponigowo id suang do sayau diti.
Sajarah
[simbanai | simbanai toud]Id pogulu, sayau diti nopo nga ritual montok manahak do booboroson koponongkotoluadan tongo tulun kumaa dewa-dewa alapas kaanu aasil tonom-tonomon ii ogumu kopio. Koindalan o ritual diti maya mongowit sesaji id bontuk do taakanon ii piniiliu id piring miampai momilaang-laang do gura ii dinamis.[4]
Alapas nokosuang o ugama Islam id ranah Minangkabau, sandad sayau piring diti au no oguno sabaagi ababayan do ritual montok monongkotoluod kumaa dewa-dewa[5] nga sabaagi do popohiok ginawo kumaa tulun ginumuan ii maan pokitanai id ababayan karamaian miagal do tadau pihabaian om tadau pisasawaan.[6]
Gura
[simbanai | simbanai toud]Id koubasanan sayau piring diti nopo nga popoiliu duo piring id sawat duo palad do longon. Pintowoson o susumayau do piring dii id gura-gura sayau di osiau, miampai do momoduntuk duo cincin id tunturu susumayau id piring do poingigit. Id kolimpupuson do sayau diti, piring-piring ii noigitan do susumayau pinalapos id sirang om sumayau no i susumayau id sawat do kinababakkon do piring dii..[7]
-
Miu-kiu o susumayau id dumbangan do kinababakkon do piring -
Pingulakan o susumayau do kinababakkon do piring
Kaparagatan tumanud pogun
[simbanai | simbanai toud]Id Indonesia
[simbanai | simbanai toud]Id Malaysia
[simbanai | simbanai toud]Sayau diti asaru okito id Seremban, Kuala Pilah om Rembau mantad tinimungan poimbida ii manahak kopokitanan id maso do tadau pisasawaan loolobi no montok paganakan ii kiharo-haro, bangsawan, om hartawan id isoiso kampung. Haro timpu do asayau do sayau diti miampai basaan di poingonop om haro nogi maso do miampai basaan di au poingonop.Nuru do mamagatang susumayau diti nung olohou do mooi panahak pokitanan. 10-20 minit timpu montok popokito sayau diti.
Sayau piring om silat diti pinokito id dumbangan mempelai id labus do walai. Tadau pisasawaan toi ko' nunu-nunu nopo karamaian loobi kohiok nung pinaharo o pokitanan do sayau piring diti. Sundung pia do ingkaa, haro piipiro tulun do au milo monorimo tinimungan susumayau diti tu' haro piralatan montok tongokusai om tongtondu. Montok do mongilag pongumbalan diti, tondu no milo sumayau do sayau diti..
Sukuon
[simbanai | simbanai toud]- ↑ Tari Piring - Sumatera Barat
- ↑ "Orang Rusia Tak Percaya Tari Piring Asli". detikNews. 16 Ogos 2011. Linoyog ontok 27 Ogos 2019.
- ↑ http://jati-dseas.um.edu.my/filebank/published_article/474/191%20-%20204%20%20Paul%20Mason.pdf
- ↑ "Tari Piring". Wisata Melayu.
- ↑ "Tari Piring – Seni Tari dari Minangkabau Sumatra Barat". RidwanAz.com. 29 Ogos 2010. Pinoopi mantad sand̠ad ontok 2012-01-28. Linoyog ontok 27 Ogos 2019.
- ↑ Piliang, Edison (2013). Tambo Minangkabau, Budaya dan Hukum Adat di Minangkabau. Bukittinggi: Kristal Multimedia. pp. 369–374. ISBN 978-979-18327-1-7.
- ↑ Tari Piring dari Sumatra Barat