Tejo (sipoot)

Tejo
	Kinoyonon ontokon do padang tejo
Pongundadait	Turmequé
Gulu minamain	Pra-Kolombia
Karakter
Contact	Aiso
Ginumu mamain	soosongulun, lobi ko' 6
Mirolot jantina	Ho'o
Kinoyonon	Padang tejo
Presence
Pogun toi ko' wilayah	Colombia
Olimpik	Aiso
Paralimpk	Aiso

Tejo (Spanish pronunciation: [ˈtexo]) toi ko' turmequé (pronounced [tuɾmeˈke]), nopo nga iso sipoot papataam don koubasanan id Colombia. Sipoot diti nopo nga momoguno do ontokon tokoro i kisuang do serbuk mesiu, i lumoput soira oontok.

Sajara

Nontodon di otopot kopio kokomoi do Tejo nopo nga au noilaan.^{[minog do kisukuon]} Notorimo o nontodon diti miampai pointongkop sabaagi mantad do tulun sandad id taatanga do Colombia, hinonggo pomoinan id bontuk di kaagal-agal.^[1] Bontuk tejo diti nopo nga momoguno do cakera amas i lohowon sabaagi do zepquagosqua, i kirati do "Mamain oku" id suang do boros Chibcha.^{[minog do kisukuon]}

Kopointutunan

Tejo nopo nga sipoot bobos otutunan id Colombia, om haro i mogintong do sipoot diti sabaagi pongoput kumaa era pra-Colombus id bonua Amerika. Buul sipak no i haro industri di lobi agayo om sokodungon id Colombia.^{[minog do kisukuon]}

Id Colombia, noubasanan no montok mogihum do tiim tejo profesional id kakadayan toponsol om kakadayan tongokoro. Piipiro tinimungan nopo nga tajaon do syarikat songkinoyonon toi ko' soosonglun di orohian do tejo. Id timpu di nakatalib, pomoinan tejo nopo nga insaru pomoinon miampai do chicha (tiinumon kaauk i winonsoi mantad do luong), om pamain tejo nokoburu nopo nga monginum do bir.^[2] Tejo nopo nga noeksplotasi miampai pointongkop do syarikat bir id Colombia. Tulun di orohian o Tejo nopo nga mumbal do monimban kokiikitanan sipoot diti id suang do koubasanan popular mantad pomoinan bar di ogumu pioduhan kumaa sipoot toponsol miampai sajara di ogumu kopio.^[3] Ogumu tulun id Colombia nopo nga au osokodung miampai pomogunaan do bir id suang do sipoot diti, om sampapas do tulun Colombia nopo nga manu mogodu syarikat alkohol montok manahak tajaan kumaa pomoinan diti. ^{[minog do kisukuon]}

Pialaan tejo nokoburu nopo nga pialaan di oulud kopio. Pialaan i otutunan sabaagi do "torneos Relampago," nopo nga pialaan di bobos koubasan, om koubasan nopo nga pomoinon solinid koompokon minggu miampai mongidu do tinimungan miampai potilombus. Tutungkap nopo nga kohompit no do trofi, pingat om tusin. Kakamot suang walai nogi nga patahakon kumaa finalis id suang do pilangatan tusin toi ko' kupon. Tejo nopo nga aiso liputan do media massa, suai ko' mantad do Sipoot Pogun, nga tajaan om goos pemasaran i ontokon nopo nga poposiliu lobi kagayat kumaa jenama i mamarait diolo sabaagi "otutunan kopio".^{[minog do kisukuon]}

Nokosiliu o tejo diti sabaagi ababayan koubasanan di bobos otutunan montok tutumombului i rumikot id Colombia, miampai do piipiro asrama id pointongkop pogun papaanjul do totuonh tejo di au nuru do bayaran.^{[minog do kisukuon]} Tinimungan tejo profesional nopo nga nokoimbulai id pogun sombol, kohompit no do Venezuela, Ecuador om Panama. Tutumanud om industri Tejo nopo nga au songkuro no nokoburu id labus do Colombia.

Pomoinan

Pomoinan diti nopo nga poindalanon miampai papataam do kapingan logam/cakera (lohowon sabaagi tejo) dumarapas do padang miampai papan 1-kali-1 meter (3.3 x 3.3 kaki) miampai sinodu lobi kuang 18.5 meter (20.2 yd). Nosompon o papan diti miampai lagit om nakatatap id sudut do 45 darjah.

Dingkai kayu i nosompon do lagit nopo nga sabaagi do papan pongumolig montok mongilag do tejo nopo nga oontok do roromu suai toi ko' tulun id kinoyonon sampaping, om lohowon sabaagi tablas. Id suang do tablas, kiwaa paip logam toi ko' spring korita, winonsoi montok mongumolig do bagas tejo. paip diti nopo nga kinoyonon ontokon montok do tejo. Nakatatap o tejo diti id sudut di miagal do dingkai (45 darjah).

Nuru do pataamon o tejo mantad suang do kinoyonon papataam, om tudu nopo nga manahak do bagas kumaa ontokon id tompok do padang. Woyo tapangkal do sipoot diti nopo nga pomogunaan ontokon di okoro, i kaanu lumoput tu' kisuang do serbuk mesiu, koubasan nopo nga otutunan sabaagi do mecha. Sampul suat nopo nga koubasan no kibontuk do tolu pasagi miampai roromu lumoput id suang dau om maan poiliho id disan do paip. Soira ontokon do tejo, lumoput iti do ologod om papaasil do tuni di kaagal-agal do revolver tokoro. Ponginsanangan do tejo kumaa lobi nokoburu nogi nga haro, miampai penderia elektronik om okon ko' mecha tradisional i gunoon montok mongilo numaan.^[4]

Markah

Sundung pia do kapanahakan markah nopo nga milo poingkuro nopo, format di koubasan do gunoon nopo nga:

Longon : manahak 1 mata kumaa tejo i bobos tosomok miampai ontokon id koompokon do piboian
Hit : manahak3 mata kumaa monikid mamain i kaanu popoloput do mecha
Bulls-eye : manahak 6 mata kumaa mamain i kaanu manahak do bagas tejo id ontokon
Strike : manahak 9 mata kumaa mamain i kaanu poposuang do pukulan om mata lembu id suang do pomigadan di miagal

Padang tejo miampai tipongon id metrik om kaki. 1.Kinoyonon 2.Kinoyonon do papataan
Medan Tejo miampai tulun om duo kinoyonon di okito
Kinoyonon Tejo miampai do lagit. 1. Papan pongumolig 2. Rangka tiang 3. Tana lagit 4. Ontokon 5. Mercun
Kinoyonon Tejo miampai aiso lagit om struktur di okito

Intangai nogi

Chaza
Muisca

Noputan labus

Sukuon

↑ History of tejo
↑ Historia del Tejo Archived 2006-10-08 at the Wayback Machine
↑ "Tejo – Colombia's national sport". thecitypaperbogota.com. 28 August 2013. Linoyog ontok 28 August 2013.
↑ "Tecnotejo - Tejo, con la 'mecha' de la tecnología" (id boros Sepanyol). eltiempo.com. 2014-09-04. Linoyog ontok 2023-03-05.

[1] History of tejo

[2] Historia del Tejo Archived 2006-10-08 at the Wayback Machine

[Colombia’s_national_sport.2-3] "Tejo – Colombia's national sport". thecitypaperbogota.com. 28 August 2013. Linoyog ontok 28 August 2013.

[4] "Tecnotejo - Tejo, con la 'mecha' de la tecnología" (id boros Sepanyol). eltiempo.com. 2014-09-04. Linoyog ontok 2023-03-05.

[1]

[2]

[3]

[4]