Tensha-en
| Tensha-en | |
|---|---|
| 天赦園 | |
 | |
  Tensha-en  Tensha-en (Japan) | |
| Type | Japanese garden |
| Location | Uwajima, Ehime, Japan |
| Coordinates | 33°12′56″N 132°33′40″E / 33.215570470988254°N 132.56115825982823°E |
Tensha-en (天赦園) nopo nga iso taman Jipun i poinladsong id kakadayan Uwajima, Ehime ponong kabaatan do Istana Uwajima id pulau Shikoku. Winonsoi ii do Date Munetada, daimyō koturu do Uwajima Domain, ontok toun 1866, om iso mantad taman kolimpupuson i winonsoi songulun daimyō.[1][2]
Sajara
[simbanai | simbanai toud]Ontok toun 1672, daimyō koduo do Uwajima, i Date Munetoshi, menambak tanah id sampapaing do Uwajima Castle montok momonsoi iso istana disan rahat, i nosiliu do tapak taman diti. Date Munetada, i mongigit buruon doid timpu di anarau kopio, minomonsoi iso "Istana Kabaatan" id tapak diti sabaagi vila koundarangan dau. Tensha-en nopo nga iso poomitanan konsep kokitanan noolos (Japanese: 借景, shakkei), i popokito kogingohon Nulu Onigajo om konuluhon id posorili dii. Kiwaa nogi o kolam id taman diti i kaagal-agal do kanji montok 'ginawo' (心) om haro iso linimput kaligrafi i pinungaranan do "Harusametei" (春雨亭) id tanga-tanga do taman. Poinladsong ii misampapaing do Muzium Date Kakadayan Uwajima, ponong kabaatan kotonobon do Istana Uwajima.[3]
Ponokosangai koizaai
[simbanai | simbanai toud]Ngaran nopo do taman diti nga naanu mantad iso hiis kanshi i sinuat di Date Masamune (馬上少年過 世平白髪多 残躯天所赦 不楽是如何), i sumuku do kinoyonon mokiani koompunan mantad tawan (syurga).[4] Kalapas kotombuluyan Maharaja Hirohito om Rani Nagako ontok 1966, nookunan o Tensha-en sabaagi Kinoyonon Kokitanan Ogingo Kabansaan ontok toun 1968.[5][6] Lobi duo nohopod spesie poring, tusak wisteria om iris id suang taman diti. Sunsuyon melengkung i kadarapas do kolam ointutunan miampai nobori-fuji, wisteria rumoloi, i nosiliu kagayat do tutumombului ontok wulan Ngiop ontok di mungakya o tusak dau.[7]
Noputan labus
[simbanai | simbanai toud]
Media related to Tenshaen Garden at Wikimedia Commons
Sukuon
[simbanai | simbanai toud]- ↑ "Tensha-en Garden ｜ Uwajima City Official Sightseeing Guide". uwajima-tourism.org. Linoyog ontok 2021-10-12.
- ↑ "Muza-chan's Gate to Japan". muza-chan.net (id boros Inggeris AS). Linoyog ontok 2021-10-13.
- ↑ "Tenshaen Garden". www.japan-guide.com (id boros Inggilis). Linoyog ontok 2021-10-13.
- ↑ "国指定 天赦園 - 宇和島市ホームページ ｜ 四国・愛媛 伊達十万石の城下町". www.city.uwajima.ehime.jp. Linoyog ontok 2021-10-13.
- ↑ "公益財団法人 宇和島伊達文化保存会". wwwb.pikara.ne.jp. Linoyog ontok 2021-10-13.
- ↑ "Emperor Hirohito and Empress Nagako visit the Tensha-En Garden on..." Getty Images (id boros Inggeris British). Linoyog ontok 2021-10-13.
- ↑ Japan, Visit Ehime. "Tenshaen Garden". Visit Ehime Japan (id boros Jipun). Linoyog ontok 2021-10-13.