Timbagos Tinaru Kadazandusun
Timbagos (sebutan dalam bahasa Melayu "kalendar") nopo nga iso sistom pongintaban timpu ii momoguno tadau om tulan. Tadauwulan isoiso tadau pinatantu tumanud do objek astronomi miagal ko tulan dan tadau. Kiwaa piipiro kawo timbagos ii nopo nga timbagos di sumuku kumaa turugan tadau (solar), timbagos ii tumanud do turugan tulan, timbagos di tumanud turugan tulan om tadau (lunisolar). Timbagos solar nopo nga timbagos di narahung do tadau miagal ko timbagos Gregorian, timbagos Julian, timbagos Baha'i, timbagos Kubti, timbagos Iranian, timbagos zoroastrian, om timbagos Thai. Suai ko mantad di, kalendar ii tumanud do turugan tulan nopo nga ugu' timbagos Islam. Timbagos Lunisolar nogi nga milo ointangan id timbagos yahudi, timbagos Cina, timbagos tibet, timbagos Hellenic, timbagos Babilon om suusuai po.
| Ngaran montok tadau id sontulan | Tarikh biasa dalam sebulan |
|---|---|
| Tonibul (koinsan Kosilau | 1 haribulan |
| Konduo Kosilau | 2 haribulan |
| Kointolu Kosilau | 3 haribulan |
| Koingapat kosilau | 4 haribulan |
| Koinlimo Kosilau | 5 haribulan |
| Koingonom Kosilau | 6 haribulan |
| Kointuru Kosilau | 7 haribulan |
| Koinwalu kosilau | 8 haribulan |
| Koinsiam | 9 haribulan |
| Koinhopod Kosilau | 10 haribulan |
| Koinhopod om iso Kosilau | 11 haribulan |
| Koinhopod om duo kosilau | 12 haribulan |
| Silau Pupus | 13 haribulan |
| Tawang | 14 haribulan |
| Tolikud | 15 haribulan |
| Pagalatan (Tontong) | 16 haribulan |
| Rampagas | 17 haribulan |
| Limbas | 18 haribulan |
| Solimpu'uun (Sobul) | 19 haribulan |
| Molot | 20 haribulan |
| Katang | 21 haribulan |
| Giuk/Koi'on | 22 haribulan |
| Koinsan Kotob | 23 haribulan |
| Koinduo Kotob | 24 haribulan |
| Kointolu Kotob | 25 haribulan |
| Koingapat Kotob | 26 haribulan |
| Koinlimo Kotob | 27 haribulan |
| Tonob Pupus (Kopupuson) | 28 haribulan |
| sukilab | 29 haribulan |
| Rondom (Tonob) | 30 haribulan |
| Gogor | 31 haribulan |
Ngaran tadau id sominggu
[simbanai | simbanai toud]Ontok kinoinlaaban timbagos id koubasanan tinaru kadazandusun, nawaal o ngaran-ngaran tadau sominggu tumanud kowiyauan do songongi, ii nopo nga kolibambang.
| Ngaran tadau id kadazandusun | Nama hari dalam bahasa Melayu |
|---|---|
| Tontolu' | Isnin |
| Mirod | Selasa |
| Madsa | Rabu |
| Tadtaru | Khamis |
| Kurudu | Jumaat |
| Kukuak | Sabtu |
| Tiwang | Ahad |
Ngaran-ngaran tadau diti numangan waalo' tumanud turugan kowiyauan do kolimbambang ; tumimpuun mantad tontolu gisom kosiliu tiwang.
Ngaran-ngaran tulan id Kadazandusun
[simbanai | simbanai toud]| Bahasa Melayu | Bahasa Kadazandusun | Kotolinahasan |
|---|---|---|
| Januari | Milatok | Tulan koiso |
| Februari | Mansak | Tulan koduo |
| Mac | Gomot | Tulan kotolu |
| April | Ngiop | Tulan kaapat |
| Mei | Mikat | Oilaan sabaagi toun wagu id Timbagos Kadazandusun tu timpu kapanaandakan do Tadau Kaamatan (Pesta Menuai) |
| Jun | Mahas | Tulan koonom |
| Julai | Madas | Tulan koturu |
| Ogos | Magus | Tulan kawalu |
| September | Manom | Tulan kosiam |
| Oktober | Gumas | Tulan kohopod |
| November | Milau | Tulan kohopod om iso |
| Disember | Momuhau | Tulan kohopod om duo |
Ngaran-ngaran tulan id timbagos kadazandusun diti naanu kopihondot imburuon id suang kaparagatan pomutanaman.
Kogunaan timbagos id kounasanan Kadazandusun
[simbanai | simbanai toud]- Kapanaandakan
- Pamarayahan
- Pisasawaan
- Kapamansayan walai
- Pomutanaman (parai nulu toi ko' karanahan)
Kawo-kawo Timbagos Kadazandusun
[simbanai | simbanai toud]Timbagos Kadazan
[simbanai | simbanai toud]Tinaru Tangaa'/Tangara'/Kadazan ii poingiyon id Penampang om Papar nopo nga momoguno do ngaran tulan miagal id siriba :
| Suku Tangaa'/Kadazan | Bahasa Melayu |
|---|---|
| Vuhan koiso | Januari |
| Vuhan koduvo | Fabruari |
| Vuhan kotohu | Mac |
| Vuhan kaapat | April |
| Vuhan kohimo | Mei |
| Vuhan koonom | Jun |
| Vuhan kotuhu | Julai |
| Vuhan kovahu | Ogos |
| Vuhan kosizam | September |
| Vuhan koopod | Oktober |
| Vuhan koopod om iso | November |
| Vuhan koopod om duvo | Disember |
Timbagos Liwan
[simbanai | simbanai toud]| Suku Liwan | bahasa Melayu |
|---|---|
| Milatok | Januari |
| Mansak | Februari |
| Gomot | Mac |
| Ngiap | April |
| Mikat | Mei |
| Rilik | Jun |
| Tutud | Julai |
| Ngurak | Ogos |
| Manom | September |
| Gumas | Oktober |
| Milau | November |
| Momuhau | Disember |