Tomiko Itooka
Tomiko Itooka | |
|---|---|
糸岡富子 | |
_Yearbook_Photo_(cropped).jpg) Tomiko Itooka's (then Tomiko Yano) 1926 Osaka Jogakuin University yearbook photo | |
| Kinosusuon | Tomiko Yano 23 Mikat 1908 |
| Tadauwulan minidu pogun | Templat:Death date and given age Ashiya, Hyōgo, Japan |
| Ointutunan montok |
|
| Sawo |
Kenji Itooka
(m. 1928; died 1979) |
| Tanak | 4 |
Tomiko Itooka (née Yano; 23 Mikat 1908 – 29 Momuhau 2024) nopo nga songulun supercentenarian Jipun ii nookunan sabaagi tulun totos totuo' ii poimpasi id pomogunan ontok Manom 2024. Manarampas isido do porniagaan tekstil paganakan dau ontok Sangod Pomogunan II om napasi gisom umul 116 toun om 220 tadau.
Koposion gulu
[simbanai | simbanai toud]Tomiko Itooka (née Yano) nopo nga nosusu ontok 23 Mikat 1908 id Osaka, Empayar Jipun.[1] Isido nopo nga songulun mantad do tolu tanak id paganakan dau ii manarampas do kadai rasuk.[1] Nakagayo isido id Jipun pogulu do pisangadan, timpu di tinandaan miampai pomodenan om koburuon empayar. Ontok timpu sikul takawas dau, minaganu isido do boogian id buul tapap.[1]
Kalaja
[simbanai | simbanai toud]Sinawaan i Itoka di Kenji Itooka, sanganu do sarikat tekstil.[1] Ontok Sangod Pomogunan II, minaganu isido do tonggungan montok manarampas porniagaan paganakan id Jipun om sawo nopo dau nga kumalaja id iso kilang id Korea, id siriba pomorintaan do porinta Jipun.[1] Tumanud Tinimungan Monoriuk Gerontologi, monorisid isio do operasi porniagaan ontok timpu do pinapagayo di tangaanak dau. Kopongo o pisangadan, tinilombus disio do monokodung porniagaan do paganakan.[1]
Koposion sondii
[simbanai | simbanai toud]Kiwaa apat tanak di Itooka.[1] Ontok toun 1979, napatayan isido do sawo dau.[1] Kahapas dii, minundaliu i Itooka kumaa Ashiya, Hyōgo.[1] Ontok nakatalib no dii o toun, minintingubas isido do koposion di opurokis.[1] Ontok umul 70 toun, tuminakad isio do Nulu Nijō om Nulu Ontake do induo.[2] Ontok umul 100 toun di toun 2008, nakasalakoi i Itooka do tangga kuil Ashiya miampai au nuru do kouhupan.[3] Minaganu nogi isido do boogian id Kakap Saigoku Kannon, iso kakap kumaa do 33 kuil.[4] Pinikomoi i Itooka do anaru o umul dau miampai mangakan do punti om moginum Calpis, iso tiinumon di mimpohon do tenusu Jipun.[1]
Itooka nga kakal po do osinggawa mimpanau ontok umul do 116 toun nga asaru nodii isido do momoguno tirikohon kitayor.[3] Nookunan isido sabaagi tulun totos totuo' di kakal po poimpasi mantad di Guiness World Records ontok Manom 2024 kahapas kinapatayon di Maria Branyas.[1] Minidu pogun isio ontok 29 Momuhau 2024 ontok umul do 116 toun om 220 tadau, id iso walai manamong id Ashiya.[1][5][6] Tumanud ruputan, kinapatayon nopo dau nga kokomoi do komplikasi gama do notuo' no.[1] Kahapas kinapatayon dau, nosiliu i Inah Canabarro Lucas kiumul do 116 toun mantad Brazil sabaagi tulun totos totuo' di kakal po poimpasi id pomogunan om i totos tohuri di nasalamat i nosusu ontok toun 1908.[7]
Intangai nogi
[simbanai | simbanai toud]- Kointayadan do supercentenarian Jipun
- Kointayadan do tulun totos totuo' i poimpasi po
- Kointayadan do tulun totos totuo' di nookunan
- Tulun totos totuo'
Sukuon
[simbanai | simbanai toud]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 Fackler, Martin (4 January 2025). "Tomiko Itooka of Japan, World's Oldest Person, Dies at 116". New York Times. Linoyog ontok 4 January 2025.
- ↑ "The surprising hobby the world's new oldest person carried on past the age of 100". The Independent (id boros Inggilis). 22 August 2024. Linoyog ontok 25 August 2024.
- ↑ 3.0 3.1 NEWS, KYODO. "116-year-old Japanese in line to be named world's oldest living person". Kyodo News+. Pinoopi mantad sand̠ad ontok 21 August 2024. Linoyog ontok 25 August 2024.
- ↑ Atwal, Sanj (21 August 2024). "116-year-old Japanese woman confirmed as world's oldest living person". Guinness World Records. Pinoopi mantad sanḏad ontok 21 August 2024. Linoyog ontok 21 August 2024.
- ↑ Yamamoto, Yumi (4 January 2025). "World's Oldest Person, Tomiko Itooka, Dies at 116". LongeviQuest (id boros Inggeris AS). Linoyog ontok 4 January 2025.
- ↑ "World's oldest person Tomiko Itooka dies at 116". Sky News. 4 January 2025. Linoyog ontok 4 January 2025.
- ↑ "LongeviQuest Confirms Inah Canabarro Lucas (Brazil) as the World's Oldest Person". LongeviQuest (id boros Inggeris AS). 4 January 2025. Linoyog ontok 4 January 2025.