Toruol Coronavirus 2019

Toruol Coronavirus 2019 (COVID-19), toi ko' oilaan nogi sabaagi toruol pomuhabaan akut 2019-nCoV nopo nga iso toruol rumoliu id nakaharo sabab no do kapaganapan do virus SARS-CoV-2 (novel koronavirus 2019). Toruol nopo diti nga pinapasabab do iso pandemik id pointilombus.

Ralan apangkal nopo do korolihan toruol diti kumaa tongotulun nga mantad no do waya titisan do pomuhabaan mantad tulun di norolihan do toruol diti iri no tu maya do pongukul toi ko' kointiho. Toruol nopo diti nga kiwaa timpu inkubasi id piilitan 2 gisom 14 tadau. Kopongorolihan toruol nopo diti nga milo do ilagon maya do piipiro laang miagal ko' momoug do longon, momogompi kolidangan di tosonong om mamakai do topeng toi ko' ponompon kabang.

Soira do orolihan ii sosongulun do toruol diti nga haro id amu popokito do gejala dau nga kogumuan nopo nga popokito do kouyuuyuo' miagal ko' lumasu, kukulan, opusakan, oruol o' masol om nogi oruhai do ohuyan. Kalapas do kouyuuyuon di rumalad nogi kumaa kouyuuyuon miagal ko kiwaa radang topos, apagon do momuhobo om minog nogi papasabab do kapatayon.