Tteokguk

Tteokguk

Alternative names	Sup kek wagas
Type	Sup
Place of origin	Korea
Main ingredients	Kek wagas
Food energy (per 1 serving)	120 kcal (502 kJ)
Other information	kipionitan do Toun Wagu Korea
Media: Tteokguk

Tteokguk toi ko' sup kek takano i pinigis nopo nga nansakan tradisional Korea i akanon maamaso karamayan Toun Wagu Korea. Taakanon diti nopo nga sup (guk) miampai kek wagas i pinigis miampai onipis (tteok). Mangakan do tteokguk maamaso Tadau Toun Wagu miampai tradisi nopo nga notumbayaan sabaagi manahak do kosonongon montok toun dii om manahak tiso sal (umul sontoun). Koubasan nopo nga inlumisan momoguno do tontolu nonsok maya julienned, daging do noporap, gim om miak bijan.

Sajara

Nontodon do taakanon tteokguk maamaso Tadau Toun Wagu nopo nga au noilaan. Sundung po tu' miagal dii, noroitan o tteokguk id suang do buuk kastam abad ko-19 Dongguksesigi sabaagi taakanon i winonsoi mantad daging sapi toi ko' tombolog pegar i gunoon sabaagi roromu toponsol montok sup, om poruhangon o lado sabaagi pomoroso. Buuk diti nogi nga karait do mangakan sontompurung do tteokguk id kosuabon do Tadau Toun Wagu nopo nga montok momoruhang do toun, om nokoboros o adat do "Piro tompurung tteokguk di naakan nu?" montok monguhot do umul soosongulun.

Id suang do buuk The Customs of Joseon i sinuat di toun 1946 do surupu sajara Ch'oe Namsŏn, adat Toyn Wagu montok mangakan do tteokguk nopo nga spekulasi mantad timpu nokodori. Tteok topurak i popokito do kolunahan om kolidangan nga akanon id tadau pointantu om nokosiliu do ritual do mongimpuun Toun Wagu montok nasib di tosonong.

Maamaso Seollal

Id Korea, maamaso Seollal, popoindalan o sampaganakan do upacara komolohingan miampai monurung do tteokguk kumaa komolohingan diolo maamaso moginakan. Sundung pia do tteokguk diti nopo nga taakanon kitimpu, baino nopo nga akanon do monikid timpu montok monikid toun.

Roromu om kawo

Tteokmanduguk (kek takano sup ladu)

Kuah dau nopo nga koubasan wonsoyon momoguno do reneh protein (daging lembu, manuk, daging wogok, tombolog pegar om taakanon rahat) id suang do stok kiperisa ganjang. Di laid, daging pegar toi ko' manuk nopo nga gunoon montok momonsoi kuah tteokgul, nga baino, lobi ogumu momoguno do daging lembu. Soringon o stok dii montok maganu kuah di lobi olunau, om garaetteok kibontuk silinder tanaru nopo nga pigison miampai tonipis om tonokon id suang do sup jernih. Ponginlumis suai nopo nga poruhangon pogulu do posurungon; mungkin mogisuusuai o pongilumis tumanud do kinoyonon om korohian, nga koubasan nopo nga momoguno do boogian tosilou do tontolu om topurak, i guringon do id poriuk, gim om roun do bawang. Sasadan do miak bijan pogulu do posurungon o teokguk.

Kawo do tteokguk nopo nga kohompit no do saeng tteokguk toi ko' nal tteokguk, koubasanan id wilayah Chungcheong, hinonggo rolot do wagas okon pulut om pulut nopo nga wonsoyon do bebola tokoro toi ko' gulungon sumiliu do bontuk garatteok om pigison sumiliu do sup di gumolok; joraengi tteokguk mantad wilayah Kaesong miampai tteok i sinalapid id suang do kepompong tokoro; om gon tteokguk (곤떡국) mantad Pulou Jeju, i momoguno do tteok jeolpyeon i norib om okon ko' garaetteok koubasan. Id Jeolla-do, wonsoyon o manuk Jangtteokguk momoguno do manuk om kicap.

Id suang do koubasanan di otutunan

Filom miampai ngaran Tteokguk (tajuk Inggiris nopo nga New Year's Soup) nopo nga pinosoliwan di toun 1971, siningkono di Yoon Jeong-hee om Um Aing-ran.

Intangai nogi

• Nansakan korea
• Katayadan do sup
• Niángāo, takano i akanon maamaso Toun Wagu Sina i mogikaakawo Shanghai miagal do tteok
• Zōni, sup di miagal, i akanon id Jepun maamaso Tadau Toun Wagu.

Pambasaan Potilombus

• Lunar New Year tteokguk id The Korea Times, 2009-01-22

Noputan labus

• Recipe for tteokguk at the Seattle Times, 2006-01-04
• What do Koreans do on Seollal? Archived 2012-03-19 at the Wayback Machine from Korea Tourism Organization
• Why tteokguk? at Yeongnam Ilbo, 23 January 2009 (id Korea)