Pergi ke kandungan

Yokohama Chinatown

Coordinates: 35°26′34″N 139°38′45″E / 35.442815°N 139.645929°E / 35.442815; 139.645929
Mantad Wikipedia

 

Zenrinmon Gate (善隣門), iso Yokohama Chinatown's Paifang
Koyononon pimpanahan
Mogisuusuai kokitanan id Yokohama Chinatown, 2022
Chōyōmon Gate (朝陽門) aantakan totuong
Kwan Tai Temple id Yokohama Chinatown
Map
Map

Yokohama Chinatown (横浜中華街, Yokohama chūkagai; Chinese: 橫濱中華街) nopo nga poingwiliu id Yokohama, Jipun, id kabaatan do Tokyo. Noporunan iri aantakan id dohuri do abad ko19 om kiwaa populasi soginumu 3000 gisom 4000.[when?]

Yokohama Chinatown nogi nga Chinatown bobos tagayo id Japan, agayo ko Kobe Chinatown om Nagasaki ChinaTown. Kiwaa pikiikiro 250 kakadayan sanganu do Sina om kitema do Sina id watas diri miampai torodok bobos takawas nopo nga id kinoyonon kiginayo 300 m2 (3,200 sq ft) area.

Aantakan 1859, soira noukab o timpohonon do rahat id Yokohama, ogumu mondidikot ruminikot id Japan om tuminindohoi. Id pogulu po, sorikat do Amerika om Boritis di koumbal no mamadagang id China, minonginlaab operasi diolo diti id Yokohama miampai panapayan do ejen Sina. Ejen diti pinokotumbayaan do mooi boros-boros miampai papadagang do Jipun id kopomolian do sutera mata' om teh, id nonggo, ontok timpu diri nopo nga kakamot di noimport mantad Jepun. [1] Kalapas diri, nokotimpuun o sobis feri mantad Yokohama kumaa Shanghai om Hong Kong. Ogumu papadagang mantad sina di nokorikot id Jipun om minomonsoi do sikulan Sina, longkod tinimungan Sina, om mogisuusuai kouhupan suai di pokito do kotimpuunan do Chinatown. Sundung do ingkaa, kooturan do koporintaan ontok diri amu papasaga do mondidikot miyon id soliwan ko koyononon di pinatatap. Ontok 1989, pinointutun o kooturan wagu di pinapakawas kosinggawaan do Sina nga pinogirot o kooturan kokomoi kawo do kalaja di milo maan ri Sina powonsoyo.

Kogumuan koburuon tosopung do Chinatown nopo nga kiwaa pikoitan do pidagangan id pialatan do China om Japan kalapas haro pibatosan do Sino-Japanese Trade Treaty in 1871. Panakasabab iti do manganu o pandatang Chinese This do mogisuusuai kalaja om minindaliu id iso kinoyonon di miirad.

Ontok 1923, naraag o Koyonon Kanto noontok do Gogor Pogun Tagayo Kantō. Pikiikiro 100,000 tulun di noiduan ginawo om kiikiro 1.9 riong tulun natagakan do lamin. Chinatown nga nasansara om ogumu mondidikot minomili do gumuli id Sina ko momonsoi kawagu koposion diolo id Yokohomo. Toinsanan nopo i napatai do populasi do Sina id Yokohama Chinatown nopo nga soginumu 1,541, id nonggo iso mantad tolu do ginumu toinsanan 4,705 di noiduan ginawo.[2] Kalapas gogor diri , kiwaa o kosimbanan id struktur sosial doid Yokohoma Chinatown, papasasad do sayad id bisnes taakanon kumaa komuniti Sina id soborong do rahat. Apat toun kalapas do gogor diri, soginumu satanga o populasi Sina suminiliu do momogunting tobuk, monoonombir om nogi magaagansak.[3]

Id toun 1937, nadadi o pisangadon bobos tagayo id pialatan do Sina om Jipun, panakasabab do nokotingkod o koburuon do Chinatown. Kalapas notingkod o pisangadon dii, suminuni kawago o Chinatown. Ontok 1955, nowonsoi o totobon garabang tagayo di kigaab tosonong. Aantakan dii no nointutunan o ChinaTown om pinomungaranan sabaagi Yokohama Chukagai (Yokohama Chinatown).

Id toun1972, minomonsoi Jipun do piromutan diplomatik miampai Tinimungan Republik do Sina, om minomutut piromutan miampai do Republik do Sina id Taiwan. Nokoinggumu o rahi do tulun Jipun om minogwit iti kumaa koingkawason do modtuongis rumikot id Chinatown. Amu no laid nga nosiliu di sabaagi kinoyonon kokitanan id Yokohama.


Ontok 1 Mansak, 2004, noukab o Minatomirai Line,, miampai do Sitisin Motomachi-Chūkagai, di manahak kopomuruanan kumaa Chinatown.


Toun 2026, nowonsoi o Kuil Mazu Miao di minananda do kinosuusuan ko 150 do Yokohama Chinatown, om nosiliu iti sabaagi boogian oponsol doid kinoyonon landskap di modon.

Padsayakan

[simbanai | simbanai toud]

Milo rikoton o ChinaTown momoguno do korita tapui, baas, baas rahat om korita.

Korita Tapui

[simbanai | simbanai toud]

Baas

[simbanai | simbanai toud]

Kiwaa onom o wawayaan baas mantad Sitisin Yokohama Sitisin Baas Kosilahon om mantad Sakuragichō Sitisin Baas kiwaa 16 o wawataan di mooi id Yokohama Chinatown.

Baas Rahat

[simbanai | simbanai toud]
  • Baas rahat (Feri)

Taalun-alun

[simbanai | simbanai toud]
  • Shuto Expressway K1 Yokohane Route, Yokohama Kōen (Yokohama Park) Exit
  • Wawayaan Shuto Expressway K3 Kariba. (Id Tomei Expressway Intersection, mooi id Hodogaya Bypass om sumoliwan id Shin Yamashita.)
  • Shuto Expressway Wangan Line (maya Tokyo Bay Aqua Line Tunnel, sumoliwan id Shin Yamashita.)
  • Tomei Expressway (maya Hodogaya Bypass)

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ Yamashita, Kiyomi (2003). "Formation and Development of Chinatown in Japan: Chinatowns as Tourist Spots in Yokohama, Kobe and Nagasaki". Geographical Review of Japan. 76: 910–923. doi:10.4157/grj.76.12_910.
  2. ↑ Yamashita, Kiyomi (2003). "Formation and Development of Chinatown in Japan: Chinatowns as Tourist Spots in Yokohama, Kobe and Nagasaki". Geographical Review of Japan. 76: 910–923. doi:10.4157/grj.76.12_910.
  3. ↑ Wong, Yee Lam; Lim, Tai Wei (2021). Contemporary History of Cantonese Migrants in Yokohama Chinatown. Palgrave Macmillan. pp. 65–99.


[simbanai | simbanai toud]
Wikimedia Commons has media related to Chinatown, Yokohama.

Templat:Sombol do Yokohama Templat:Asia Chinatown Templat:Watas Pomolian om kakadayan id Jipun Templat:Kapanamangan autoriti

35°26′34″N 139°38′45″E / 35.442815°N 139.645929°E / 35.442815; 139.645929

Naanu mantad "https://dtp.wikipedia.org/w/index.php?title=Yokohama_Chinatown&oldid=22609"