Pergi ke kandungan

Aziz M. Osman

Mantad Wikipedia
Aziz M. Osman
Tinorubung i Aziz id suang ababayan MeleTOP id Astro Ria ontok 31 Gomot 2015.
Kinosusuon
Abdul Aziz bin Othman Yusof

(1962-10-02) Gumas 2, 1962 (umul 62)
Hougang, Singapura
KalajaMimingkono, pangarah, monunuat, penerbit
Toun mimparagat1963–dinondo
Notable work
Sawo
Tanak8
Molohing
KoobpinayanDato' Zulkifli M. Osman (adik)

Abdul Aziz Othman Yusof toi ko' lobi ointutunan sabaagi Aziz M. Osman (nosusu ontok 2 Gumas 1962) nopo nga songulun mimingkono, pengarah, monunuat, penerbit filim Malaysia om tanak do susuminding veteran i Allahyarham M. Osman. Kohompit nogi isio miampai boogian suai id suang perfiliman Malaysia, sumiliu pengarah, monunuat skrip, om mongingidit. Dinondo, i Aziz nopo nga lembaga pengarah id syarikat produksi sanganu dau, Ace Motion Pictures. Kogumuan filim-filim dau nopo nga popokito do aspek kerohanian om woyo toluud Melayu di ogingo.

Koposion osopung

[simbanai | simbanai toud]

Nosusu isio ontok 2 Gumas 1962 id Hougang, Singapura om pinagayo id Kuala Lumpur, Malaysia. Tapa dau, i Allahyarham M. Osman (1940–2001),[1][2] nga songulun susuminding nogi di nointutunan ontok 1960-an. Tama dau i Afidah Es, nopo nga songulun susuiminding om mimingkono. Tadi dau i Dato' Zulkifli M. Osman nga songulun pengarah. I miadi-adi dau nopo nga i Azihan, Rozana om Suzana.

Buruon

[simbanai | simbanai toud]

Buruon osopung

[simbanai | simbanai toud]

Ontok 1963, nokotimpuun o buruon di Aziz 6 tulan di osopung soira nokosiliu sabaagi tanak pasangan id suang filim Ibu Ayam (filim) arahan di Salleh Ghani. Sumusuhut ontok toun 1976, nokosiliu isio mimingkono tangaanak maya filim Sayang Anakku Sayang arahan di Dato' Jamil Sulong, ontok dii nopo nga 14 toun nogi umul dau. Kopokitanan dau id suang filim diti nokoboyo do nakalantoi isio sabaagi Mimingkono Tangaanak Bobos Osonong id Festival Filim Asia ko-22 i pinaharo id Ponongsiba Korea.

1990an: Minorikohon tirikohon pengarah

[simbanai | simbanai toud]

14 toun sumusuhut, minorikohon isio do tirikohon pengarah maya filem kumoiso dau, Fenomena i pinosoliwan ontok 31 Mikat 1990, om mimingkono apangkal dau nopo nga i M. Nasir om Ramona Rahman, nuhup di Amy Search om nokoimbulai nogi surupu tinimungan Search di suai id suang filim diti. Filim diti nopo nga kokomoi do pamanahan songulun tondu British i nosusu id Malaysia. Guminuli isido id Terengganu, pogun di nokosiliu kinoyonon dau minagawi timpu tangaanak dau.[3]

Minangarah i Aziz filim kumoduo dau, XX Ray i pinokito ontok 24 Momuhau 1992, ahal diti popokito do pinoingkawas dau o genre cereka sains Malaysia kumaa taang di lobi osonong.[4][5] Mimingkono apangkal do filim diti nopo nga isio sondii, Faizal Hussein, Nor Aliah Lee om i Sharmaine Farouk om nouhup nogi di Ibrahim Pendek, Edika Yusof, Shaharuddin Thamby om i Ebby Yus. Filim dii nopo nga kokomoi di Amir i orohian kopio angkasa lepas om minomonsoi isio iso tupi keledar i momoguno do kuasa' tai rombituon. Isai nopo i momoguno do helmet dii nopo nga kokito kalapus do nunu nopo. Nga, bagas tupi keledar dii nopo nga kosiliu i Amir do halimunan. Maya filim diti oboyo i Aziz do nakalantoi Pengarah Wagu Lansanon id Festival Filim Malaysia ko-10. Kinalantayon filim diti pinopoimbulai do kolombuson dau, 'XX Ray II i pinokito 3 toun sumusuhut, om nogi siri TV kosuhutunon dau i pinokito ontok 2006.

Ontok 1994, minimbulai i Aziz miampai duo filim di miandad, Femina i pinokito ontok 13 Gomot i pinopoingkawas tema feminisme id Malaysia hinonggo sunduan om kuasa' tondu montok manamong hak om kosudongon kosiliu do isu di apangkal di maan pabanta'o. Mimingkono dau nopo nga i Eman Manan, Erma Fatima om i Susan Lankester. Sinuhutan do filim Fantasi i pinokito ontok tadauwulan di miagal. Fantasi nokuluputan do kontroversi di anaru, mantad dii nasapad o kopokitanan do filim diti. Uhu sandad do filim diti nopo nga Fantasia om versi sandad nopo nga oduhan do pokitonon ontok toun 1991 tu roitan do mogowit rahung koudut di nadalaan. Noidu o pogoduhan montok filim diti kalapas do proses minongidit kawagu om pomungaranan kawagu uhu.

Filem diti nopo nga kokomoi do dandam timpu pogulu do mangsa om i gompoburu do toilaan rogon. Nokotilombus o dandam diti mantad timpu kumaa timpu gisom do pomogunan moden.

Filem ini berkisar tentang dendam zaman purba di antara mangsa dan pengamal ilmu syaitan. Dendam ini berlarutan dari zaman ke zaman sehingga ke dunia moden. Nakakaus i Aziz sabaagi pengarah om i Zain Mahmood sabaagi penerbit soira nooduhan o kopokitanan do filim diti.

Ontok 1997, minangarah isio filim Baginda i kitema do sunduan ginumuan om mimingkono dau nopo nga i Azean Irdawaty, Jalil Hamid om i Jalaluddin Hassan. Sumusuhut minangarah isio do filim Puteri Impian tingkono di Amy Mastura, om ii nopo nga tanda' pisokodungan kumoiso di Amy miampai di Aziz, om sinuhut do kolombuson filim dii, Puteri Impian 2 i pinokito ontok 1998.

Minangarah i Aziz filim komedi Senario The Movie (1999) om mimingkono di kohompit nopo nga tinimungan Senario i (Lan Pet Pet, Wahid Senario, Azlee Jaafar om i Saiful Apek) om nokohompit nogi i Syanie, A. R. Badul om i Zahida Rafik. Miningkono nogi isio sondii id suang filim diti miampai mongigit kono' sabaagi mamaambasa abar. Kalapas do filim diti, minangarah kawagu isio apat po kawagu filim Senario, Senario Lagi (2000), Lagi-lagi Senario (2001),[6] SenarioXX (2005), om Senario Dalam Pemburu Emas Yamashita (2006).

2000an: Kinalantayon arus perdana

[simbanai | simbanai toud]

Minonuat om minangarah isio filim drama pisangadan, Leftenan Adnan (2000) i pinokito ontok 31 Magus 2000 i poingimpou do susuyan tootopot kokomoi tinggisaman soudor Melayu, Adnan Saidi toi ko' lobi ointutunan sabaagi Leftenan Adnan i sumaap do Soudor Jepun maamaso Sangod Pomogunanan II.[7][8]

Ontok 24 Mikat 2001, minangarah isio filim drama misteri, Seri Dewi Malam, mimingkono dau nopo nga i Jeslina Hashim om i Maya Karin.[9] Sumusuhut, minonuat om minangarah isio filim Idola (2002) i pinapalahas do buruon tingkonoon di Diana Danielle.[10][11][12]

Nokoumbal nogi i Aziz do nokoimbulai id suang telefilem Neon (2003) arahan di Mohd Feroz Abdul Kader om tingkonoon di Allahyarham Faizal Yusup om Eric Fuzi miampai ogumu mimingkono kaampai no i Azhar Sulaiman, Saiful Apek, Rashidi Ishak, Sofi Jikan, Aziz Sattar, Kuswadinata, Abby Abadi, Serina Redzuawan, Bront Palarae, Jalaluddin Hassan, Zila Bakarin, Rita Rudaini, Kartina Aziz om ogumu po suai.[13]

Mangarah om monuat isio filim drama komedi muzikal Bintang Hati (2004) tingkonoon di Amy Mastura i minonuat nogi susuyan dau.[14] Ii nopo nga nosuhut kawagu do filim saspens thriler Trauma i soboogian ginayo nopo nga pinofilim id Genting Highlands, Pahang. Filim diti nopo nga tingkono di Amy miampai di Nasha Aziz, Sharifah Aleya om i Azhar Sulaiman.[15]

Ontok 2005, nokosoliwan o syarikat disio, Ace Motion Pictures iso sitkom Puteri i tiningkono di Nora Danish montok kosolimbahan id TV3 i nakaanu ginumu mogogontong di bobos akawas om pinosoliwan soginumu do 3 musim om 78 episod.[16] Sumusuhut pinosoliwan nogi do Ace Motion o piipiro drama TV suai kaampai no Misi XX-Ray hinonggo ii nopo nga pongoputan kumaa duo siri filim XX-Ray.[17] Ontok toun di sumusuhut, minangarah i Aziz o filim Senario Dalam Pemburu Emas Yamashita om ii nopo nga filim dau di tohuri no miampai Senario.[18] Id suang iso ponorubungan, minoboros i Aziz do "natagak no rahi dau montok mangarah filim Senario"[18] om kopomusorou isio kumaraja' miampai tinimungan dii nopo nga sabaagi "bulugu poinggonop".[18][19]

Minaganu kootuson i Aziz montok mundorong mantad mangarah filim om manahak fokus kumaa kosoliwanon drama TV om mogihum kabaalan wagu id suang gana tingkonoon. Maya syarikat dau, Ace Motion, nokosliwan i Aziz do sitkom Kisah Kaisara i pinapalahas buruon tingkonoon di Sari Yanti, pinosoliwan do sitkom dii soginumu 2 musim om 26 episod pinsolimbou id TV3 mantad 30 Gumas 2007 gisom 4 Milau 2008.[20] Ontok 2008, minomonsoi yau kopokitanan khas id suang filim cereka sains adiwira Cicakman 2: Planet Hitam arahan di Yusry KRU om tiningkono di Saiful Apek.

2010an: Kinotungagan kawagu

[simbanai | simbanai toud]

Ontok 2012, guminuli i Aziz minirikau id tirikohon pangarah maya filim Azura (filim 2012) i tiningkono di Neelofa om i Shahz Jaszle. Filim diti nopo nga poingimpou do filim sandad 1984 miampai uhu di miagal arahan di Deddy M. Borhan om tiningkono di Fauziah Ahmad Daud om i Jamal Abdillah.[21][22][23] Ontok 2016, nokosiliu mimingkono di naalap i Aziz id suang drama kopulisan Gerak Khas maya episod "Lintah Darat" hinonggo nokosiliu isio pangarah montok episod diti. Sumusuhut, minangarah yau episod kumoiso do drama patriotik 6 episod i kiuhu Anak Merdeka i tiningkono di Remy Ishak, Elvis Chin om i Thanuja Ananthan. Pinosolimbou o drama dii ontok 26 Magus 2017 id apat saluran ASTRO. Ontok 8 Mahas 2017, miningkono isio miampai di Sabri Yunus, Bell Ngasri, Man Kadir om i Rab Khalid id suang telefilim komedi 16 Puasa arahan di Mamat Khalid om nokotimpuun o kopokitanan perdana dau id Astro First Eklusif. Telefilim dii nopo nga kokomoi piipiro mogigion kampung i au tuminanud do mogkodos om pinolisok diolo nunu i winonsoi diolo mantad paganakan diolo sondii.[24]

Aziz om paganakan dau nokosiliu iso mantad limo paganakan selebriti i nokohompit id suang ababayan realiti Oh My Family! i nokosolimbou soginumu 6 episod i nokotimpuun mantad 11 Ngiop 2018 id Astro Ria om Astro Ceria.[25]

Nokoimbulai kawagu i Aziz miampai filim kawawagu arahan dau, XX Ray 3 i pinokito ontok 24 Milatok 2019,[26] om ii nopo nga filim XX-Ray di kumoiso id suang do timpu 24 toun.[27][28] Nokoguli kawagu isio minoningkono do kono' dau sabaagi Amir montok filim kumotolu id suang trilogi XX Ray.

Koposion sondii

[simbanai | simbanai toud]

Noiduan ginawo i M. Osman, tapa di Aziz, songulun susuminding di nointutunan ontok 60an, ontok 28 Madas 2001 sabap do tongus ahmar ontok umul dau 62 toun.[29][30][31] Nakasawo yau do intolu om haro onom tanak, miampai pisasawaan kumoiso dau miampai di mimingkono Nor Aliah Lee ontok 1992 om miniada' ontok 2007. Pisasawaan kumoduo dau nopo nga miampai di Nor Radhiah Ramli om i kumotolu nopo nga miampai di Puteri Lily Lokman om nakaanu yolo tanak i pinungaranan do Puteri Nur Azzahra.

Ontok Mansak 2016, Nokoimbulai i Aziz sabaagi panelis id suang ababayan i mionit do PAS. Sundung ingkaa, amu isio mangakun do minampayat yau do parti Islam dii.[32] Minoboros isio do sundung oimayaan isio ikon PAS Datuk Nik Abdul Aziz Nik Mat, nga aiso rahi disio mimparagat id gana do pulitik.[32] Id suang ponorubungan miampai Harakah, minoboros isio: "Yoho okon ko' surupu do PAS. Amu oku kohompit id suang pulitik. Au oku koilo nunu-nunu kokomoi pulitik om amu oku minambasa suat abar montok mongilo kokomoi pulitik. Sumiliu oku no songulun di positif mantad kinogulion ku mantad misi kotulunan id Syria."[32]

Ontok Manom 2017, tanak gulu dau, i Puteri Nur Asyiqin Aziz, nakasawo songulun susuminding nasyid om surupu nogi do Devotees om popopolombus abar TV AlHijrah, i Adi Akmal Sehrom.[33][34][35] Pinointalang disio o kolungguyan dau tu isio sondii pinapasawo di tanak dau.[36][37] Ontok 31 Magus 2018, nakaanu i Aziz om sawo dau do tanak koduo om ii nopo nga tanak dau i koturu nogi.[38]

Sundung ingkaa, tumanud toud, nokopiada' i Aziz miampai sawo dau i Puteri Lily Lokman ontok 6 Magus 2023.

Sukuon

[simbanai | simbanai toud]
  1. ↑ "Bapa Aziz M. Osman meninggal dunia", Berita Harian, 29 Julai 2001.
  2. ↑ "Director Aziz M. Osman’s father dies", New Straits Times, July 29, 2001.
  3. ↑ "salinan arkib". Pinoopi mantad sand̠ad ontok 2018-07-15. Linoyog ontok 2018-07-15.
  4. ↑ Muhammad Fairos Azizan (9 Disember 2018). "XX Ray masih ada peminat". Berita Harian. Linoyog ontok 2 September 2019.
  5. ↑ "Ada kelainan dalam XX-Ray". Berita Minggu. 29 November 1992. Linoyog ontok 16 Oktober 2020.
  6. ↑ Rosli Manah (12 November 2001). "Lagi Lagi Senario tayangan Hari Raya". Utusan Malaysia. Pinoopi mantad sand̠ad ontok 2017-12-01. Linoyog ontok 28 November 2015.
  7. ↑ "Leftenan Adnan...tidak mentafsir sejarah". Utusan Malaysia. 18 Ogos 2000. Pinoopi mantad sand̠ad ontok 2017-11-14. Linoyog ontok 8 November 2008.
  8. ↑ "Leftenan Adnan angkat martabat filem Melayu". Utusan Malaysia. 18 September 2000. Linoyog ontok 8 November 2008.
  9. ↑ "Seri Dewi Malam pertaruhkan pelakon pelapis". Utusan Malaysia. 13 Mei 2001. Pinoopi mantad sand̠ad ontok 2017-12-01. Linoyog ontok 13 Mei 2015.
  10. ↑ Saharudin Musthafa, Norzaila Rosli (3 Mac 2002). "Filem Idola hadiah Aziz buat arwah bapa". Utusan Malaysia. Pinoopi mantad sand̠ad ontok 2017-12-01. Linoyog ontok 13 Mei 2015.
  11. ↑ Khadijah Ibrahim (27 Februari 2002). "Idola - Filem berjiwa remaja". Utusan Malaysia. Linoyog ontok 13 Mei 2015.
  12. ↑ Tengku Khalidah Tengku Bidin (13 Mac 2002). "Aziz - Kesal Idola terpaksa bersaing". Utusan Malaysia. Pinoopi mantad sand̠ad ontok 2017-12-01. Linoyog ontok 13 Mei 2015.
  13. ↑ "Neon - tampilkan 66 pelakon popular". Utusan Malaysia. 22 Disember 2003. Pinoopi mantad sand̠ad ontok 2018-07-02. Linoyog ontok 31 Julai 2017.
  14. ↑ Abdul Aziz Itar (6 Mac 2004). "Bintang Hati dedah realiti kehidupan artis". Utusan Malaysia. Pinoopi mantad sand̠ad ontok 2017-12-01. Linoyog ontok 8 November 2008.
  15. ↑ "Trauma yang mendebarkan". Utusan Malaysia. 18 Januari 2004. Pinoopi mantad sand̠ad ontok 2017-12-01. Linoyog ontok 31 Julai 2017.
  16. ↑ Azhariah Kamin (1 Mac 2005). "Puteri is a hit comedy series". The Star. Pinoopi mantad sand̠ad ontok 2017-12-01. Linoyog ontok 31 Julai 2015.
  17. ↑ Khadijah Ibrahim (19 April 2006). "Misi XX-Ray beri peluang kepada pelakon baru". Utusan Malaysia. Pinoopi mantad sand̠ad ontok 2017-12-01. Linoyog ontok 31 Julai 2015.
  18. ↑ 18.0 18.1 18.2 Abdul Aziz Itar (8 Mei 2006). "Aziz M. Osman tidak berselera lagi buat filem Senario". Utusan Malaysia. Pinoopi mantad sand̠ad ontok 2017-11-17. Linoyog ontok 28 November 2015.
  19. ↑ Mumtaj Begum (17 April 2006). "No more Senario movies for Aziz". The Star. Pinoopi mantad sand̠ad ontok 2017-11-17. Linoyog ontok 28 November 2015.
  20. ↑ Abdul Aziz Itar (31 Oktober 2007). "Kisah Kaisara pertaruhkan pelakon baru". Utusan Malaysia. Pinoopi mantad sand̠ad ontok 2017-11-17. Linoyog ontok 28 November 2015.
  21. ↑ Wahiduzzaman (3 Februari 2012). "Azura 2012 tanpa magis Aziz M Osman". mSTAR Online. Linoyog ontok 28 November 2015.
  22. ↑ Shazryn Mohd Faizal (3 Februari 2012). "Azura ikon wanita Melayu". Utusan Malaysia. Pinoopi mantad sand̠ad ontok 2017-11-17. Linoyog ontok 28 November 2015.
  23. ↑ "Azura 2012 Dapat Respons Baik Daripada Golongan Profesional". Perak Today. 12 Februari 2012. Linoyog ontok 28 November 2015.
  24. ↑ Akmal Aziz (23 Jun 2017). Telefilem '16 Puasa' Ketengahkan Realiti Sebenar Yang Berlaku Dalam Masyarakat Berkait Dengan Pergolakan Jiwa Archived 2018-06-12 at the Wayback Machine Siakap Keli. Dicapai pada 6 Jun 2018.
  25. ↑ "Lima Keluarga Selebriti Popular Bergabung Dalam 'Oh My Family!'". Astro. 26 Mac 2018. Linoyog ontok 3 Mei 2018.
  26. ↑ Azizi, Mohd Al Qayum (12 Ogos 2015). "Aziz M Osman Bakal Terbitkan Sekual 'XX Ray 3'". mStar. Pinoopi mantad sand̠ad ontok 2015-09-14. Linoyog ontok 28 November 2015.
  27. ↑ "Aziz M Osman Umum Pembikinan Sekuel XX Ray, Cari Hero Baru". My News Hub.com. 3 Jun 2015. Pinoopi mantad sand̠ad ontok 2016-02-21. Linoyog ontok 28 November 2015.
  28. ↑ Ahmad, Azzyati (3 Jun 2015). "Aziz M Osman cari hero baharu bintangi filem XX Ray III". Astro Awani. Linoyog ontok 28 November 2015.
  29. ↑ Pelakon M. Osman meninggal diserang angin ahmar Archived 2017-11-17 at the Wayback Machine Utusan Malaysia (28 Julai 2001). Diperoleh pada 17 November 2011.
  30. ↑ "Veteran singer and actor M. Osman dies of stroke", The Malay Mail, 29 July 2001.
  31. ↑ "M. Osman sudah tiada", Harian Metro, 29 Julai 2001.
  32. ↑ 32.0 32.1 32.2 "Director Aziz M Osman says not joining PAS". The Malay Mail. 13 February 2016. Linoyog ontok 8 November 2016.
  33. ↑ Norhayati Nordin (20 September 2017). "Aziz M Osman terima menantu lagi". Harian Metro. Linoyog ontok 8 November 2017.
  34. ↑ Zaidi Mohamad (14 September 2017). "Aziz M Osman bakal sambut menantu". Berita Harian. Linoyog ontok 8 November 2017.
  35. ↑ Zaidi Mohamad (30 September 2017). "Aziz M Osman terima menantu". Berita Harian. Linoyog ontok 8 November 2017.
  36. ↑ Mohd Al Qayum Azizi (20 September 2017). "Aziz M. Osman Sebak Nikahkan Anak". mSTAR Online. Linoyog ontok 8 November 2017.
  37. ↑ Dennis Chua (10 October 2017). "Aziz M. Osman welcomes newscaster as son-in-law". New Straits Times. Linoyog ontok 8 November 2017.
  38. ↑ Zulqarnain Abu Hassan (1 September 2018). "Aziz M Osman timang anak merdeka". Sinar Harian. Linoyog ontok 6 September 2018.
Naanu mantad "https://dtp.wikipedia.org/w/index.php?title=Aziz_M._Osman&oldid=17553"