Pergi ke kandungan

Kelly Clarkson

Mantad Wikipedia

Kelly Clarkson
Picture of Kelly Clarkson arriving at the 57th Presidential Inauguration
Clarkson ontok 2018
Kinosusuon
Kelly Brianne Clarkson

(1982-04-24) Ngiop 24, 1982 (umul 43)
Fort Worth, Texas, U.S.
Ngaran suaiKelly Brianne
Kalaja
  • Singer
  • songwriter
  • author
  • television personality
Toun mimparagat2002–dinondo
Sawo
Brandon Blackstock
​
​
(m. 2013; div. 2022)​
Tanak2
GaaFull list
Musical career
Genre
Instrument(s)Vocals
Label
Websitekellyclarkson.com
Signature

Kelly Brianne[lower-alpha 1] (nosusu Kelly Brianne Clarkson, 24 Ngiop 1982), ointutunan sabaagi Kelly Clarkson, nopo nga songulun susuminding, monunupu sinding om personaliti televisyen mantad Amerika Syarikat.[3] Mimpuun isido ointutunan kalapas nakalantoi id timpu koiso do American Idol, om mantad dii minongimpuun kalaja piipiro linaid dekad id uang gana muzik om televisyen om nogi nookunan do kiwaa rahung di pointindohoi kumaa abaabayan komilaan id televisyen. Ointutunan sabaagi susuminding di kirolou bobos osonong om moomomohiok i ogumu komilaan, pinungranan isido sabaagi songulun mantad susuminding bobos abantug id sajara do papalabus miagal do Rolling Stone om Billboard.

Sinoinan do RCA Records ontok toun 2002, minapalabus i Kelly do single koiso i nokolimbou id carata bobos id kawas, "A Moment Like This", i nosiliu single bobos alaku toun dii id Amerika syarikat. Album koiso nopo dau i narahung do roromu R&B om gospel, Thankful (2003), nokosuang do carta Billboard 200 id kinoyonon koiso. Minundaliu i Kelly kumaa genre pop rock maya Breakaway (2004), iso mantad album bobos alaku abad ko-21. Sibgle mantad album dii, "Since U Been Gone" om "Behind These Hazel Eyes" nokosuang di pialatan hopod sinding bobos akawas carta Amerika Syarikat ontok toun 2005, om "Because of You" nopo nga nokosuang id carta bobos tasawat id Eropah. Kalapas koponorimaan di osuhatan ni kumaa My December (2007), i popokito muzik rock di lobi otuong, ginumuli kawagu i Kelly kumaa tuni pop rock mesra rodiu maya All I Ever Wanted (2009) om Stronger (2011), id nombo minapaasil goduo ii single id kinoyonon koiso "My Life Would Suck Without You" om "Stronger (What Doesn't Kill You)".

Sinumuang i Kelly doid muzik Krismas maya Wrapped in Red (2013), i nosiliu album koundarangam bobos alaku toun dii om kiwaa sinding "Underneath the Tree", ii no sinding krismas bobos ointutunan i pinalabus ontok abad ko-21 tumanud do American Society of Composers, Authors and Publishers (ASCAP). Kalapas kopolobusan album numbul koiso Piece by Piece (2015), sinumain isido kontrak miampai Atlantic Records om minamarakam tolu po kawagu album kihu Meaning of Life (2017), When Christmas Comes Around... (2021), om Chemistry (2023), miampai album kolimpupuson nopo dii nga nosiliu kopolobusan kolimpupuson disido id siriba label tagayo. Ginumuli i Kelly kumaa televisyen sabaagi tulun momoluda montok abaabayan The Voice solinaid siam timpu id pialatan toun 2018 gisom 2023. Poingkakal isido sabaagi momoluda tondu miampai ginumu mampayat i ogumu kinalantayon (apat) id suang sajara abaabayan dii. Mantad toun 2019, nosiliu nogi isido momuruan abaabayan mimbolotok disido sondii, The Kelly Clarkson Show.

Miampai lobi 82riong rekod i nokoboli pointongkop pomogunan,[4] Kelly nopo nga songulun mantad artis muzik bobos alaku id pomogunan. Nokotorimo isido mogikaakawo gaa' kohompit no tolu Gaa' Grammy, tolu Gaa' MTV Video Music, apat Gaa' American Music, walu Gaa' Daytime Emmy, om iso rombituon id Hollywood Walk of Fame. Minomungaran o Billboard disido sabaagi Artis Tondu Bobos Abantug 2005 om artis tondu ko-11 bobos nakalantoi abad ko-21. Turu album studio dau nakapaasil 12 sinding id suang carta 10 bobos takawa Billboard Hot 100 Amerika Syarikat id pialatan toun 2002 gisom 2024, om nogi 10 single carta 10 id sawat id UK, Canada, om Australia. Kiwaa kagayat kosoborong genre id mogikaakawo format radio, nosiliu i Kelly do artis koiso id suang sajara i nokoiyon id kinoyonon bobos id sawat do carta pop, adult contemporary, country, om dance Billboard. Pinokuo do VH1 isido id kinoyonon ko-19 id katayadan 100 Tondu Bobos Abantug id suang Muzik.

Koposion pogulu om kalaja

[simbanai | simbanai toud]

Nuut

[simbanai | simbanai toud]
  1. ↑ In February 2022, she removed her Clarkson surname from her legal name for personal reasons. She continues to use the professional name Kelly Clarkson.[2]

Sukuon

[simbanai | simbanai toud]
  1. ↑ Small, Elle. "Kelly Clarkson All I Ever Wanted Review". BBC. Pinoopi mantad sanḏad ontok Milau 25, 2017. Linoyog ontok Magus 25, 2017.
  2. ↑ Byrne, Suzy (Gomot 22, 2022). "Kelly Clarkson sets the record straight on name change to Kelly Brianne". Yahoo!. Pinoopi mantad sanḏad ontok Gomot 31, 2022. Linoyog ontok Gomot 30, 2022. "I just got divorced, so I had to drop my married last name," Clarkson, 39, explained to People on Monday. Kelly Brianne will just be "for my personal life," she noted, and not a new stage or professional name.
    "I'm still Kelly Clarkson," she clarified.
  3. ↑ Phares, Heather. "Kelly Clarkson Biography". AllMusic. Linoyog ontok Madas 28, 2025.
  4. ↑ "Kelly Clarkson's Walk of Fame induction was an American Idol reunion". Entertainment Weekly. Ngiop 12, 2023. Linoyog ontok Momuhau 24, 2024.

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Kelly_Clarkson&oldid=23499"