Posis

Posis nopo nga iso kawo mamalia omnivor i poimpasi id gouton tropika Asia om Afrika. Soboogian ginayo nopo nga mantad paganakan Viverridae. Tayam diti nopo nga iso kawo tayam di olias om orohian do lumisok. Kowowoyoo nopo nga kaagal do tungau nga agayo tokudi mantad ko tungau. kitikiu anaru, om oboriga ontok doungotuong. Posis nopo nga tayam di kiraha alasu, mogkosusu tanak, manamong tanak om kiharo wulu id tinan.

Kowowoyoon

Posis diti nopo nga poimpasi id gouton om somoonu sumuang id kokompungan tongokodo montok mogihum do taakanon miagal ko' manuk. Haro piipiro posis di poimpasi id sawat do puun om momonsoi rumun id pialatan raan do kayu.

Oboriga o posis ontok doungotuong montok mogihum taakanon miagal ko manuk, putik, om tayam di lobi okodo mantad do posis. Kawo posis Pulut nopo nga oboriga ontok dangadau id gouton montok mogihum tua - ua'. Tayam diti nopo nga abaal om koilo mongindakod do puun.

Koinan - inano

Ginayo tinan do posis nopo nga 65cm gisom 80cm (au poinsuang o tikiu) om winagat nopo nga id pialatan 3kg gisom 7kg songinan. Warana posis nopo nga tumanud do kawo om koubasanan nopo nga kiwarana sukulat om haro i kitaris - taris nogi.