Takano

Samangkuk takano.

Takano (Malay: ‏ناسي‎‎‏ناسي‎‎‎‎) nopo nga wagas ii nansak toi ko' ''tonokon'' miagal ko robuson toi ko kukuson; pononokon nopo diti nga kihontolon montok popoinkawas tawau do takano om popolomi mooi do okon ko milo no akanon nga atamangan o konsistensi.

Karaaralano mananok takano

Wagas i ansakon minog rulusan do intolu montok mongidu do kanji i poinlobi mantad di wagas mooi do takano nopo di naansak nga akambang, au olomi om au obingunos. Waig nopo i posuangon montok mangansak di wagas nga minog miagal ginumu do wagas om ruhangan kawagu tokudi do iso ruas pompod do tunturu mooi osonong do. Takano i tinanok momoguno do waig togumu id suang proses porobusan nga kaanu kapaasil do bubur. Id Asia om Amerika Latin, takano nopo nga ansakon momoguno do pagansakan takano.

Warana takano i naansak toi ko' tinanok tumanud do kawo wagas i ginuno. Dau-dau, warana nopo do takano nga opurak nung wagas nopo di ginuno nga opurak. Wagas aragang toi ko' wagas oitom nopo nga kaanu papaasil warano takano i miagal do warana wagas dau. Amilosa i osriba id suang pati do wagas kaanu papaasil takano i lobi opitambus tokito om opilit. Pulut i haro amilosa i tokudi id pati om ogos ngawi nga amilopektin, kiharo o kowowooyo' miagal di. Wagas do Jipun (japonica) montok sushi kiharo o piadangan amilosa 12-15% gisom takano nopo nga lobi opilit mantad takano i akanon id Asia Tropika i kiharo piadangan amilosa 20%. Dau-dau, wagas nopo i haro o piadangan lobi 24% kaanu papaasil takano i au sumokot, okodou, om osinang monguyas.

Takano nopo nga akanon do ginumuan tulun Asia sabaagi koonuan karbohidrat apangkal id suang menu sandau-dau. Takano sabaagi taakanon ruji, dau-dau nopo nga poilangon miampai tikanas sabaagi ponukup do roso om nogi monukup kosukupan gizi sosongulun. Takano milo i wonsoyon kawagu sumiliu taakanon wagu, miagal takano ginuring, nasi lemak toi ko' nasi kerabu.

Takano sabaagi koonuan khasiat

Takano manahak khasiat karbohidrat i kompleks montok manahak kokorisan kumaa ababaayan koinanon tongoulun. Takano nogi nga osiriba o lunok om tusi om nogi aiso o kolestrol. Takano aiso o pengawet toi ko' roso poinruhang, aiso o gluten om kiharo indeks glisemik i osiriba..