Timadang
| Timadang | |
|---|---|
Scientific classification 
| |
| Missing taxonomy template (fix): | Timadang |
| Species: | Templat:Taxonomy/TimadangTimadang
|
| Binomial name | |
| Templat:Taxonomy/TimadangTimadang | |
Artocarpus odoratissimus, toi ko' ointutunan sabaagi do marang, tarap, terap toi ko' somonu, johey oak,[1] nopo nga iso spesies tua momitusak id paganakan do Moraceae .[2] Nintodonon nopo diti nga mantad Borneo, Palawan, om Pulau Mindanao , i kipionitan miampai do puun nangko, pulutan, om sukun ii kinintodonon mantad genus di miagal ii nopo nga, Artocarpus.
Description
[simbanai | simbanai toud]
Timadang nopo nga iso kawo tanom di momitua' ii ointutunan id Asia Tenggara loolobi no id Pulau Borneo. Tanom diti nopo nga asanang do kosuni id negeri Sabah, nga au haro id koiyonon do suai sundung do kiiklim tropika. Timadang nopo nga kitau' di agaras nga kiwaa roso di opoto, oomis, olumoyo om mangangakan nopo nga kaanu kenikmatan soira mangakan di koinsan nogi. Suang tua' diti nopo nga kaagal-agal do Mangga ii kijus nga bontuk nopo nga seakan-akan tua' pulutan omnangko, om asaru do oborulong o tulun ginumuan kokomoi diti.
Timadang nopo nga obulugu om ourod miagal do bontuk tua nangko. Ninaru nopo nga 15-20 cm om 13 cm linaab om winagat nopo nga korikot do 1 kg toi lobi awagat. Kulit do timadang nopo nga akapal om nolopot do rugi di au atarom om olomi. Sundung po do ingkaa, soira kotuo' iti timadang, kokodou om ouhan do ongotipu o struktur do kulit. Au aratu o tua timadang id siriba miagal do tua soira do oonsok. Sundung po do ingkaa, aratu kasari o tua diti soira do oruhun.
Boogian id suang do tua timadang nopo nga
kaagal - agal do tua nangko nga lobi okodo, opilit, kijuus om suang nopo nga opurak. Tonsi nopo tua timadang nga opurak om kiginayo kaagal do anggur om tonsi nopo nga kiginayo 15 x 8 mm. Soira onitan, minog do akanon iti tua timadang id timpu piipiro jaam no tu ouhan do otuu juus om osiau atagak o roso. Tua timadang nogi nga kosudong do ansakon montok do akanon.
Kopongonuan
[simbanai | simbanai toud]Kosoruan nopo tua timadang nga onuon maamaso okodou po om haro nogi papaansak gisom kolomi. Timadang nogi nga kosuai o warana kulit mantad warana otomou otuong kumaa otomou osiisilou soira oonsok. Kopongonuan nopo tua timadang nga minog do orulan tu timadang nopo di noonsok nga olomi om ouhan do aratu nung birudon o tinggayan. Tua timadang di asawat o korotuon nopo nga ouhan do oduntak.
Tua' di kopiagal
[simbanai | simbanai toud]Tua' Artocarpus sericicarpus (ointutunan sabaagi peluntan, gumihan, pedalai, toi ko' tarap bulu) om Artocarpus sarawakensis (pingan toi ko' tarap gunung) nopo nga kopiagal kopio, om asaru do momorulong miampai do timadang toomod. Goduuduo spesis diti nopo nga kitadon mantad koiyonon di miagal. Sundung do ingkaa, tua'ua' diti nopo nga milo do pisuayon tumanud woyo do onsok. Artocarpus sericicarpus nopo nga kihulu, miagal ko sonlinso rangalau di tagayo, om aragang soira do onsok. Artocarpus sarawakensis nogi nga lobi akapal tu' ii nopo nga bontuk tua' timadang toomod om kiwotik do orin. Tua' diti nopo nga lobi kiharo keratan inti di lobi okoro.
Kogunoon
[simbanai | simbanai toud]Kiwaa ogumu do kogunoon do kinooluan kulit timadang, batang om biji dau. Kulit timadang nopo nga gunoon sabaagi roromu montok mongidu agen pomowotik (miagal ko' osohug hablur,[3] metil ungu 2B om metilena obulou [4]) mantad noolu waig pomowotik. Batang timadang nopo nga gugunoon montok papataam Cd (II) om Cu(II).[5]
Intangai nogi
[simbanai | simbanai toud]Sukuon
[simbanai | simbanai toud]- ↑ Templat:Cite EOL
- ↑ "Artocarpus odoratissimus Blanco". Plants of the World Online. The Trustees of the Royal Botanic Gardens, Kew. Linoyog ontok August 23, 2020.
- ↑ Lim, Linda B. L.; Priyantha, Namal; Zehra, Tasneem; Then, Cheow Wei; Chan, Chin Mei (2016-05-08). "Adsorption of crystal violet dye from aqueous solution onto chemically treated Artocarpus odoratissimus skin: equilibrium, thermodynamics, and kinetics studies". Desalination and Water Treatment. 57 (22): 10246–10260. doi:10.1080/19443994.2015.1033474. ISSN 1944-3994.
- ↑ Lim, Linda B. L.; Priyantha, Namal; Ing, Chieng Hei; Dahri, Muhd Khairud; Tennakoon, D. T. B.; Zehra, Tasneem; Suklueng, Montri (2015-01-23). "Artocarpus odoratissimus skin as a potential low-cost biosorbent for the removal of methylene blue and methyl violet 2B". Desalination and Water Treatment. 53 (4): 964–975. doi:10.1080/19443994.2013.852136. ISSN 1944-3994.
- ↑ Lim, Linda B. L.; Priyantha, Namal; Tennakoon, D. T. B.; Dahri, Muhd Khairud (2012-03-06). "Biosorption of cadmium(II) and copper(II) ions from aqueous solution by core of Artocarpus odoratissimus". Environmental Science and Pollution Research (id boros Inggilis). 19 (8): 3250–3256. doi:10.1007/s11356-012-0831-2. ISSN 0944-1344. PMID 22392692.