Watu

Watu nopo nga iso kakamot di nosiliu mantad mineral om pinotimung tumanud komposisi mineral. Ponontinimungan diti winonsoi tumanud

Suang mineral iri no kawo-kawo mineral di haro id watu dii.
Tekstur watu, iri no ginayo om bontuk hablur-hablur mineral id suang watu:
Koinano' (structure) watu, iri no kouludan gulong ginukad (mineral crystals) id suang watu.

Watu di orotian maya poinggonop kosoruan nopo nga otimungan tumanud proses kobontukon watu om milo maan babako' kumaa tolu tinimungan iri no:

Watu igneus
Watu enapan
Watu metamorfosis

Watu igneus di nosiliu mantad magma nalanak, watu enapan mantad nosonod om nosotol do kakamot pointantu om watu metamorfosis nosiliu maya dou proses di pogulu om kosimban nogi kalapas noontok sotolon om linasu di asawat tomod. Tantak (case) id honggo kakamot organik kakal po do kibagas id watu otutunan do fossil.

Grotto of the Redemption nopo nga tinimungan koleksi watu om petrifications di haro id iso kinoyonon.

Ponoriukan

Geologi nopo nga iso ponoriukan kokomoi pomogunan om komponen dau, kohimpit do ponoriukan kokomoi kopoosilan watu. Petrologi nopo nga ponoriukan kokomoi kouyuuyuo om nintodonon do watu. Mineralogi nopo nga ponoriukan kokomoi komponen mineral ii papaasil do watu. Ponoriukan kokomoi watu om komponen dau minanahak sokodung kumaa korotian kokomoi geologi om sajara pomogunan, korotian arkeologi kokomoi sajara tulun miampai kinoingkawason koinjiniolon om tiknologi tinimungan tulun.^[1]

Mulong pia do sajara geologi kahangkum do ogumu teori kokomoi watu om nintodonon dau ii nokoimbulai solinaid do sajara tulun, ponoriukan kokomoi watu noktimpuun do nokoindalan sabaagi sains formal ontok ohotusan ko-19. Teori Plutonisme nokoingkawas ontok timpu diti, om kinokitanan do komomoson raidoaktif ontok toun 1896 nokomilo do kopotontuan taduawulan radiometrik montok watu. Korotian kokomoi tektonik plat nopo nganokoingkawas ontok satanga koduo ohotusan ko-20.^[2]

Ngaran watu tumanud saiz.

Watu kelikir - Sumuku do watu tongokoro di binabak, kubasanan nopo nga watu granit montok momonsoi talun-alun.
Tanak watu - Sumuku do watu tongokoro di poinsandad
Watu bongkah -Watu tangagayo di lobi agayo ko ginayo buul hoki.

Intangai nogi

Sukuon

↑ Haldar, S. K. (2013). "Introduction". Introduction to Mineralogy and Petrology. Elsevier Science. pp. 1–37. ISBN 9780124167100.
↑ O'Hara, Kieran D. (2018). "The Structure of Geological Revolutions". A Brief History of Geology (1 ed.). Cambridge University Press. pp. 247–259. doi:10.1017/9781316809990.013. ISBN 978-1-316-80999-0.

[1] Haldar, S. K. (2013). "Introduction". Introduction to Mineralogy and Petrology. Elsevier Science. pp. 1–37. ISBN 9780124167100.

[2] O'Hara, Kieran D. (2018). "The Structure of Geological Revolutions". A Brief History of Geology (1 ed.). Cambridge University Press. pp. 247–259. doi:10.1017/9781316809990.013. ISBN 978-1-316-80999-0.

[1]

[2]