Angelina Johnson

Angelina Johnson (nosusu Gumas 1977) nopo nga iso kono id suang siri winonsoi J.K. Rowling ii nopo nga Harry Potter. Angelina nopo nga songulun tondu kikulit otuong kitobuk takapal om anaru ii lobi o'tuo mantad di Harry. Isido nopo nga Chaser id suang tinimungan Quidditch Gryffindor.

Id suang Harry Potter id Piala Tapui , isido nopo nga songulun mokiikinobos Hogwarts ii nokosuang id Piala Tapui nga au nopili. Nokotorimo ii Angelina do pangalapan di Fred Weasley montok mongoi do Majlis Susumayau do Krismas. Nosiliu iyolo do mikoruhang di kopiontok kopio om opurokis do sumayau gisom do aiso songulun ii manu minsomok diolo tu modosi do otomping om orualan. Ontok do timpu dau id Hogwarts, miniambalut isido miampai di gapid Weasley ii nopo nga Fred om George. Lee Jordan nogi nga mongondos disido songulun di kagayat ginawo om minumbal do magangat dau doid temu janji nga au nopo kasari ododian.

Soira minogidu ii Oliver Wood mantad Hogwarts, nosiliu ii Angelina sabaagi kapten Quidditch Gryffindor om noilaan do au apatong isido kumaa do mamaamain ngaawi au miagal di Wood. Nookunan disido do sumiliu sabaagi kapten nopo nga manahak do stres kumaa dau sondii om manasal tu au apatong miagal di Wood ontok do poingkapten po isido.

Miniamung nogi ii Angelina miampai di Tentera Dumbledore mantad di pinirubaan id Hog’s Head po.

Id tolu filim koiso, miningkono ii Angelina sabaagi do Danielle Taylor toi ko' ointutunan sabaagi Danielle Tabor. Id suang Harry Potter and the Goblet of Fire om Harry Potter and the Order of the Phoenix, kikono ii Angelina sabaagi do Tiana Benjamin.

Intangai nogi

• Kointayadan kono siri Harry Potter