Anne Marie David

Anne-Marie David
Anne-Marie David id Stockholm Pride 2015
Background information
Ngaran kinosusuon	Anne Marie David
Kinosusuon	(1952-05-23) 23 Mikat 1952 Casablanca, French Protectorate in Morocco
Origin	Paris, Perancis
Genre	Pop
Kalaja	Susuminding
Toun mimparagat	1970–87 2003–present
Label	Energise Records

Anne-Marie David (nosusu ontok 23 Mikat 1952) nopo nga songulun susuminding Perancis. Mobi yau do Luxembourg om Perancis id Pialaan Sinding Eurovision, nakalantoi ontok toun 1973 om nakaanu taang kotolu ontok toun 1979.

Buruon

Nosusu om suminukod i Anne Marie id Casablanca, Protektorat Perancis id Morocco, om id Strasbourg. Maamaso id sikul menengah tosiriba, minundaliu isido miampai paganakan dau kumaa id Arles. Nokotimpuun dau o buruon muzikal dau ontok umul dau nopo nga 18 toun id Paris soira nokohompit yau do teater muzikal. Ontok 1972, miningkono' isido sabaagi Mary Magdalene id suang do kolobusan Perancis, Jesus Christ Superstar. Ontok 1972, pinatahak nogi dau sinding "Un peu romantique" kumaa puruan pomilian Perancis montok do Pialaan Sinding Eurovision. Ii nopo nga nokowonsoi do katayadan toniba montok hopod sinding.

Ontok 1973, nopili isido montok mobi do Luxembourg sabaagi Grand Duchy om mingoos do mongulit kawagu kalantayon toun pogulu id pogun sondii id suang Pialaan Sinding Eurovision. Mantad dii, nakaampayat nogi isido do katayadan tanaru do mamaampayat okon ko' momooboros sandad di mobi do pogun id pialaan dii, kaampai no i France Gall (bontugan toun 1965) om i Vicky Leandros (bontugan 1972). Pialaan 1973 nokosiliu pialaan tolu pakayaan montok sinding-sinding i mantad di nokoingkawas sabaagi klasik Eurovision: "Tu te reconnaîtras" di David, kosuangan Sepanyol "Eres tú", om "Power to All Our Friends" do United Kingdom, i pinosolimbou di Cliff Richard. Onom mato pialatan do taang kotolu mantad David, minanantu do kalantayon Luxembourg di kumoduo i mogisusuhut.

Kalapas pialaan dii, tuminimpuun yau do minimpanau id pointongkop pomogunan. Poingion isido id Turki oruhai, minangarakam nogi isido do duo single id boros Turki om iso album om nakaanu nogi piipiro gaa' id pogun dii. Guminuli isido id Eurovision ontok pialaan 1979 i pinaharo id Jerusalem, montok timpu diti mobi yau do boros sandad dau, Perancis miampai sinding "Je suis l'enfant soleil". Insan po kawagu ii nopo nga pomongo do tolu penjuru di apatat, miampai kosuangan do Israel "Hallelujah" i minangada' do kalantayon id kinoyonon sondii om minongiduan i David id taang kotolu. Tuminimpuun isido minimpanau id France ontok 1980-an.

Id pialatan 1982 om 1983, pinitilombus dau o buruon muzikal dau id Norway. Ontok 1987, tuminingkod isido mantad muzik nga guminuli kawagu isido ontok 2003. Ontok 2005, minonondig isido id festival montok do kinouliton ko-50 do Pialaan Sinding Eurovision, pinaharo id Copenhagen hinonggo minomonsoi isio kosolimbahan bontugan do Eurovision 1972 "Après toi". Nokotindapou isido do kosolimbahan muzik potilombus do Televisen Radio Turki (TRT) pogulu pinosolimbou miampai potilombus o Final Eurovision 2009 miampai di Johnny Logan (bontugan ESC 1980, 1987). Tumanud ESCRadio.com, ontok 2011, pinalabus di David o sinding kinalantayon 1973 dau id versi kawawagu, pinungaranan do "Tu Te Reconnaîtras (Encore Une Fois)". Miampai di Mave O'Rick, artis pop Jerman, pinalabus dau o single comeback "International" ontok koowian do 2015, pinosogu do Song Contest Consulting sabaagi calun montok do Austria, (Jerman) om San Marino montok do Pialaan Sinding Eurovision 2016.

Ontok 2017, kalapas pinirubaan au tinomod id Austria, Anne Marie David, tuminombului do Bury St Edmunds id Suffolk om maya mongunguridong explore Bury St Edmunds James Sheen, noilaan dau susuyan do santo penaung kumoiso Inggeris, Raja Edmund. Orohian kopio isido do susuyan Raja Edmund, tuminimpuun isido kumaraja' miampai di Jean Musy, songulun komposer montok monupu muzikal Oratorio tumanud do tangon Raja diti i nokosiliu do Santo. Pinosolimbou o Oratorio id Boulogne-sur-mer i timpuunon nogi om insan po kawagu id Amboise, Perancis. Kalapas panapadan sabap do covid, nooputan kawagu karaja om nokoindalan lobi osikap ontok toun 2023, minamalan yolo versi boros Inggeris di poimponu i posolimbahan id kampung nontodonon Santo dii, montok Milau 2024 id Gereja St Mary.

Noputan labus

• Laman web rasmi Anne-Marie David Archived 2013-06-11 at the Wayback Machine