Bosou
Kokitanan
Bosou, iso taakanon di ointutunan id piolitan tinaru Kadazan-Dusun om Murut id Sabah. Ointutunan nogi sabaagi iso taakanon koubasanan mantad pogun Sabah. Taakanon diti milo nogi posodia'on momoguno do tonsi (paus, bakas (non-halal)), sada' (turongou, rokot, saraii', lumpis) om haro nogi momoguno kinotuon (pohuo', tuhau, laio', nangko, sangop, langgayung, hobung/soko).
Kiwaa mogikaakawo ngaran do taakanon diti id mogisuusuai kinoyonon miagal do nonsom, sambaat, kinaraatan, gagau, om tinamba (id Ranau)
Laang Do Momonsoi (montok 1 kaakanan).[simbanai | simbanai toud]
Kakamot mogonsok:
- Sada' (turongou) - 4 (Tumanud do kosionuan di momomonsoi)
- Pangi - 3 (kakamot di tapangkal montok poposodia Bosou om mooi do mongilag nansakan mantad rumaag)
- Takano
- Tusi
- Kinotuan (soko, tuhau)
- Giuhon sada' miampai takano om tusi.
- Lapakon o pangi momoguno do pais montok mongongoi tonsi do pangi.
- Poroloton o pangi id giniu sada om takano.
- Poroloton o kinotuon di pinili (tumanud korohian sondii').
- Poopion aasil di giniu id suang do kaakanan miampai potokopon do polositik pogulu do somponon om pogiroton nogi nondo sompon.
Oonsok o Bosou id suang timpu sominggu toi ko' loobi om milo poopion gisom 6 tulan toi ko' sontoun. Soira oonsok o Bosou, milo nogi akanon nopo om milo nogi onsokon kaagu pogulu do kanon miampai takano.