Bungkau

Bungkau nopo nga kakamot tuunion koubasanan tulun tinaru Kadazandusun id Sabah.

Kopointutunan

Bungkau winonsoi mantad kayu Polod om Lampakid. Ponompon nopo nga winonsoi mantad poring. Winonsoi o tinan mantad kulit labus piasau i roitan do Polod. Gunoon bungkau diti sabaagi kakamot tuunion pongoruhang soira pomoinan miampai kakamot tuunion koubasanan suai miagal do sompoton. Pomoinan tuunion diti do tinaru Kadazandusun id Sabah montok kosolimbahan suminding om sumayau. Suai ko ii, pomoinan nogi kakamot tuunion diti sabaagi pomolihis sosondii, tinimungan toi ko' mananud do sayau.

Laang mamain

Pomoinan kakamot tuunion diti miampai popoiliu kakamot tuunion id kabang om popogogor do tompok kakamot tuunion momoguno tunturu golohing.