Cita Citata

Cita Citata
Ngaran kinosusuon	Cita Rahayu
Kinosusuon	(1994-08-14) 14 Magus 1994 Bandung, West Java, Indonesia
Kalaja	Modsisinding Mimingkono tondu
Toun mimparagat	2014–dinondo
Musical career
Genre	Dangdut, Jazz, pop
Instrument(s)	Vocals
Label	45Movement

Cita Rahayu, i ointutunan nogi Cita Citata (nosusu 14 Magus 1994), nopo nga modsisinding om mimingkono Indonesia. Ointutunan i Cita maya sinding dau "Sakitnya Tuh Disini" i pinointutun id suang sinetron Diam-Diam Suka: Cinta Lama Bersemi Kembali. Nakaanu gaa "Most Famous Soap Opera Soundtrack" o sinding diti id 2014 SCTV Awards. Minsingkono nogi isido id suang sinetron dii.

Pakalajaan

Ontok nopo di omulok po, insaru i Cita Citata do modsinding Dangdut id karamayan pisasawaan miampai di Gemilang Abdi Pratama. Nokotimpuun isido monondig do sinding pop id sikul takawas. Tumilombus, minimpuun isido monondig do sinding jazz. Minongimpuun isido karaja sabaagi modsisinding jazz, nga minampayat do Sani Music Indonesia id pintangaan 2014 sabaagi modsisinding dangdut. Sinding disido kiuhu "Kalimera Athena" sinupu di Doel Sumbang. Pinalabus di Citata o sinding solo "Sakitnya Tuh Disini" gama noputut piuhangan miampai di Gemilang (ointutunan sabaagi Shahmi). Id piipiro no minggu, nokosuang o sinding dii id carta piipiro stesen rodiu id Indonesia. Sumusuhut, nokotorimo isido gaa montok Best Contemporary Dangdut Female Solo Artist id Gaa Musik Indonesia ko-18.

Suai ko ii, pinapalabus i Cita single koduo, "Goyang Dumang", om nakalantoi nogi miagal di sinding dau koiso. Pinatayad do YouTube Rewind o muzik video disido sabaagi Muzik Video Bobos Popular 2015 i pinalabus do YouTube, id kinoyonon No. 2. Kalapas dii, nosiliu i Cita do artis No. 1 bobos pokionuon id Google id Indonesia. Pinalabus di Cita o album EP Sakitnya Tuh Disini om pinapaasil single suai miagal do "Aku Mah Apa Atuh" om "Meriang".

Diskografi

Studio albums

• Sakitnya Tuh Disini (2014)

Single

Toun	Uhu	Album	Label
2014	"Kalimera Athena"	Sakitnya Tuh Disini	Sani Sentosa Abadi
	"Sakitnya Tuh Disini"
	"Goyang Dumang"
	"Perawan Atau Janda"
2015	"Aku Mah Apa Atuh"
	"Meriang (Merindukan Kasih Sayang)"
	"Bersyukurlah"
	"Penipu"
	"Jamur (Janda Dibawah Umur)"

Filmografi

Televisyen

Toun	Uhu	Kono	Nuut	Network
2014	Diam-Diam Suka: Cinta Lama Bersemi Kembali	Herself	Guest star	SCTV

Filem televisyen

Toun	Uhu	Kono	Nuut
2014	Sakitnya Tuh Disini		Kono oponsol

Komersial

• Bintang Toedjoe Panas Dalam (2015; miampai Trio Ubur Ubur)

Gaa' om nominasi

Main article: List of awards and nominations received by Cita Citata