England
England nopo nga iso pogun di poinsuang id United Kingdom.[1] Kinoyonon nopo pogun diti nga hilo id pulau do Great Britain, i poinghanggum 62%, om lobi ogumu mantad 100 poinsampaping pulau di tongokoro. Pogun diti miilang pialatan miampai Scotland hilo id koibutan om pialatan di tiso nopo miampai pogun Wales id kotonobon om i suai nopo nga poinsorili do rahat koibutan nogi English Channel id kabaatan, Celtic Sea id kabaatan kotonobon, om Irish Sea id kotonobon. Continental Europe nopo nga id kabaatan kosilahan, om Ireland id kotonobon. Id koponimungan tulun 2021 , soginumu 56,490,048 tulun hilo. London nopo iso ama' pogun om pogun di bobos tagayo.
Kinoyonon di baino lohowon do pogun England nopo noiyanan do tulun moden masa'on Upper Paleolithic. Naanu ngaran diti mantad di Angles, iso bansa Germanic di maso 5 om 6 ribu toun. Nadadi England iso pogun di miiso id toun 10 abad om kibagas tagayo montok koubasanan om kooturan pogun mantad timpu nokita'an di notimpuunan masa'on toun 15 noribuan.[2] Kingdom of England, di poinghanggum pogun Wales kalapas 1535, au no nadadi iso pogun ontok 1 Mikat 1707, when Acts of Union minangaanu bagas politik kumaa do nadadi nodi Kingdom of Great Britain.[3]
England nopo nga toud do boros inggeris, Inggeris sistom di sah (hinonggo iti nopo nga impohon kooturan id sistom do kogumuan pogun ), kotinanan mimbuul, om raan kristian Anglican ; sistom parlimen diti noguno kogumuan sistom parlimen id pogun suai. Nokotimpuun revolusi gana kopolobusan ontok timpu 18 noribuan toun id England, nokoposiliu do tulun ginumuan sabaagi tulun ginumuan di kumoiso id gana kopolobusan pogun.[4] England nopo nga iso kinoyonon do duo sikul poginabasan takawas di nakalaid no id pomogunan maya gana mimboros inggeris : Sikul Poginabasan Takawas do Oxford, nokotimpuun ontok 1096, om Sikul Poginabasan Takawas do Cambridge, nokotimpuun ontok 1209. Koduo-duo Sikul Poginabasan Takawas diti nga poingkawas miamung do Sikul Poginabasan Takawas id pomogunan di suai.[5][6]
Bontuk katanaan England nopo nga poinulu om arantai osiriba loolobi po di piintangaan pogun om kabaatan. Kinoyonon do nulu-nulu nopo nga kogumuan hilo id koibutan om kotonobon, poingghanggum Dartmoor, Lake District, Pennines, om Shropshire Hills. Kinoyonon London metropolitan haro soginumu 14.2 riong tulun ontok 2021 om mobi United Kingdom's bobos tagayo metropolitan area. Ginumu tulun England nopo nga 56.3 riong mobi 84% do tulun United Kingdom,[7] kogumuan nopo nga hilo id London, Kabaatan kosilahan , om Midlands, koibutan kotonobon, koibutan kosilahan, nogi Yorkshire, hinonggo nakaanu popoingkawas gana kopolobusan ontok 19 noribuan toun.
Sukuon
[simbanai | simbanai toud]- ↑ "A Beginners Guide to UK Geography". Open Geography Portal. Office for National Statistics. 24 August 2023. Linoyog ontok 9 December 2023.
- ↑ "England – Culture". britainusa.com. Pinoopi mantad sand̠ad ontok 16 May 2008. Linoyog ontok 1 February 2009.
- ↑ Burns, William E. A Brief History of Great Britain. p. [[[:Templat:GBurl]] xxi].
- ↑ "Industrial Revolution". Ace.mmu.ac.uk. Pinoopi mantad sand̠ad ontok 27 April 2008. Linoyog ontok 1 February 2009.
- ↑ "What makes UK universities so popular?". CamVision Education (id boros Inggeris AS). 2021-10-04. Linoyog ontok 2023-09-17.
- ↑ "World University Rankings". Times Higher Education (THE) (id boros Inggilis). 2022-10-04. Linoyog ontok 2023-09-17.
- ↑ Park, Neil (24 June 2020). "Population estimates for UK, England and Wales, Scotland and Northern Ireland". Office for National Statistics (United Kingdom).