Fatimah Binti Maimun
Fatimah binti Maimun bin Hibatullah, songulun tondu kiugama Islam ii minidu pogun (wafat) ontok tadau Kukuak, 7 Rejab 475 Hijrah (2 Momuhau 1082 M)[1][2][3][4]. Sinuat o watu nisan dau momoguno boros Arab miampai pimato kaligrafi kikowoowoyoon do Kufi, om oilaan nogi sabaagi nisan lobong Islam totuo' ii noihum id Nusantara[1][2][3]. Lobong diti nopo nga hilo id kampung Leran, Kecamatan Manyar, 5 km mooi id koibutan kota Gresik, Jawa Timur[5]. Watu nisan dii nopo nga iso data arkeologi kokomoi koulaion do tongotulun Islam id koiyonon pantai koibutan Jawa Timur. Kowoowoyoon Kufi id watu nisan di Fatimah popokito do rurumikot id koiyonon dii, i kiwaa tongotulun mantad Timur Tengah om yolo nopo nga tongopapataran. Ii no tu, watu nisan kikoulalaho' Kufi nga noihum nogi id Phanrang, Champa selatan. Pionitan pitaranan do Champa-Jawa Timur dii nopo nga sabaagian buris do pitaranan togotulun Islam ontok ohotusan ko-11 ii poinghanggum no do boogian kabaatan China, India om Timur Tengah.
Legenda
[simbanai | simbanai toud]Sukuon poinsuat totuo' ii minonuat do legenda Sajara Banten kokomoi sogulun tondu (puteri) mantad Leran, sinuat ontok toun 1662 toi ko 1663. Narait do maso suminilam o Jawa, songulun tondu ii kingaran do i Putri Suwari mantad Leran pinahaboi miampai do woyoon (raja) tohuri mantad Majapahit.
Jean Pierre Moquette nga pinosusui nogi do lagenda sandad ii sinuat dau maso tuminombului hilo id Leran. Tumanud disio, lobong dii nopo nga sinanganu do songulun puteri raja kingaran do i Putri Dewi Suwari, ii kitonggungan toponsol id kotimpuunan do sajara Islam id pulau Jawa. Tondu dii minangan poonito sabaagi sawo toi ko i'iia'on di Maulana Malik Ibrahim (napatai ontok 882 H/1418 M, pinolobong id Kota Gersik), wali di ointutunan no tomod. Sundung po ingkaa nga, Lagenda diti au notorimo tu kiwaa pialatan 400 toun koduo-duo tokoh diti.
Boros poinsuat id watu nisan
[simbanai | simbanai toud]Kiwaa turu rulud o inskripsi id nisan dii. Binasa di J.P Moquette ii pinadalin di Muh. Yamin om suusuai po:
- Atas nama Tuhan Allah Yang Maha Penyayang dan Maha Pemurah
- Tiap-tiap makhluk yang hidup di atas bumi itu adalah bersifat fana
- Tetapi wajah Tuhan-mu yang bersemarak dan gemilang itu tetap kekal adanya
- Inilah kuburan wanita yang menjadi kurban syahid bernama Fatimah binti Maimun
- Putera Hibatu'llah yang berpulang pada hari Jumiyad ketika tujuh
- Sudah berlewat bulan Rajab dan pada tahun 495
- Yang menjadi kemurahan Tuhan Allah Yang Maha Tinggi
- Bersama pula Rasulnya Mulia
Rulud koiso nopo nga basmalah, rulud 2-3 nopo nga naanu mantad Surah Ar-Rahman ayat 25-26, ii umum id suang epitaf umat Muslin, poinpangkal no id Mesir.
Sukuon
[simbanai | simbanai toud]- ↑ 1.0 1.1 Paul Ravaisse, L'inscription coufique de Léran à Java, TBG, 65, 1925, hlm. 668-703.
- ↑ 2.0 2.1 J.P. Moquette, De oudste Moehammedaansche inscripte op Java (op de grafsteen te Leran), dalam Verhandelingen van het Eerste Congres voorde Taal-, Land- en Volkenkunde van Java gehouden te Solo, 25-26 December 1919, Weltevreden, 1919 (1921), hlm 291-399.
- ↑ 3.0 3.1 Epigrafi dan Sejarah Nusantara: Pilihan Karangan Louis-Charles Damais, Jakarta, École Française d'Extrême-Orient, 1995, hlm. 298.
- ↑ M. Habib Mustopo, Kebudayaan Islam di Jawa Timur: kajian beberapa unsur budaya masa peralihan, Jendela, 2001.
- ↑ Makam Fatimah Binti Maimun, www.eastjava.com, Copyrights © 1998-2012. Dicapai pada 19 Mei 2012.