Hazwani Helmi
Hazwani Helmi | |
|---|---|
 Helmi ontok 2020 | |
| Kinosusuon | Nur Hazwani Afiqah binti Helmi 29 January 1997 (age 27) Kuala Terengganu, Terengganu, Malaysia |
| Pondidikan | Bachelor of Human Sciences in Psychology |
| Sinikulan | International Islamic University Malaysia |
| Kalaja | Susuminding-Monunupu sinding, Speaker, Aktivis Koulunan, Model, TV Presenter, Mimingkono, Produser |
| Toun mimparagat | 2015–dinondo |
| Koobpinayan | Heliza Helmi (Taka) |
| Musical career | |
| Genre | Nasyeed Pop, R&B, Arab Pop |
| Instrument(s) | Vocal, Guitar, Beatbox |
Nur Hazwani Afiqah Helmi (nosusu ontok 29 Milatok 1997) nopo nga susuminding, monunupu sinding, momuruan ababayan TV, model, om aktivis koulunan Malaysia. Ointutunan sabaagi Beatboxer Muslimah, minimpuun isido monuat sinding ontok di 13 o toun. Karya koiso disido kiuhu "Jom Zikir" i sinuat sondii id suang album taka dau, Heliza Helmi[1] #JOM ontok toun 2013. Minongimpuun isido karaja id gana pomolihis di omulok po, om ointutunan sabaagi iso mantad komposer bobos omulok ontok timpu dii. Isido miampai di taka dau (The Helmis) nopo nga nakalantoi id taang kaapat Astro Oasis, "Gema Gegar Vaganza" musim 2 ontok 2018.
Koposion pogulu
[simbanai | simbanai toud]Nosusu i Hazwani id Kuala Terengganu, Terengganu om tanak tohuri mantad apat mogiobpinai. Molohing nopo dau nga songulun upisor pulis mantad Kuala Kangsar, Perak ii no Helmi Mohd Hasbi om sawo, Latifah Muhammad mantad Terengganu.
Pinagayo i Hazwani id Tawau, Sabah gama buruon do tapa disido hilo solinaid 11 toun mantad di 3 gisom 14 toun, ii o mantad toun 2000 gisom 2011. Nokosikul isidu id Pra-sekolah Islam id Tawau mantad toun 2000 gisom 2003. Sumusuhut, minongoput i Hazwani sikul tosiriba hilo SK Holy Trinity om Sekolah Islamiah Tawau mantad toun 2004 gisom 2009. Pinotilombus disido pondidikan pintangaan id SMK Tawau ontok toun 2010 om sumusuhut minundaliu hilo Kuala Lumpur, duo toun sumusuhut ontok 2012 montok mongoput om maganu panaasan Penilaian Menengah Rendah (PMR) do hilo. Nakaawi isido sikul id SMK Perimbun, Cheras om haro koinganan kumaraja sabaagi mongunguhup sosondii om koumbal manahak carama motivasi di 16 nogi toun.[2] Mimpuun isido mampayat ogumu misi koulunan kalapas nakaawi panaasan Sijil Pelajaran Malaysia (SPM) ontok toun 2014.
Sundung do insaru atangkangau miampai mogisuusuai ababayan sundung omulok po, aparagat nogi isido miampai kalab om pialaan maso hilo id universiti. Nokoumbal isido nosiliu mokikinobos tondu koiso i momuruan pambasaan Baiah montok oinsanan mokikinobos i kosusuang doid Asasi UIA, Pj. Suai ko ii, nokoumbal isido mongobi universiti dau doid pialaan nasyid taang ASEAN.
Nakaawi i Hazwani ponginabasan Ijazah Sarjana Muda id suang gana Psikologi miampai karayahan id UIA ontok toun 2022 kalapas nokouli isido mantad minopoindalan ibadah haji ontok wulan Magus 2022.
Filemografi
[simbanai | simbanai toud]Filim
[simbanai | simbanai toud]| Toun | Uhu | Kono | Nuut |
|---|---|---|---|
| 2024 | Pendekar Awang: Darah Indera Gajah | Minah | Filim koiso |
Drama
[simbanai | simbanai toud]| Toun | Uhu | Kono | Saluran TV | Nuut |
|---|---|---|---|---|
| 2022 | Janji Pada Hati | Laila | TV AlHijrah | Drama koiso |
| 2024 | Lelaki Melayu Terakhir | Fatimah | TV3 |
Sukuon
[simbanai | simbanai toud]- ↑ Amry, Syanty Octavia (13 Manom 2017). "Heliza berduet dengan adik". HM Online (id boros Malayu). Linoyog ontok 15 Mansak 2020.
- ↑ "Heliza Helmi Dorong Adik Jadi Aktivitis Kerja Amal | Artikel | Gempak". www.gempak.com. Linoyog ontok 15 Mansak 2020.