Jean Henry Dunant

Henry Dunant
Dunant c. 1860s
Kinosusuon	Jean-Henri Dunant (1828-05-08)8 Mikat 1828 Geneva, Switzerland
Tadauwulan minidu pogun	30 Gumas 1910(1910-10-30) (umul 82) Heiden, Switzerland
Pinamalabangan	Friedhof Sihlfeld, Zürich-Wiedikon, Switzerland
Momogun	Swiss
Mamasok	Swiss French (from 1859)
Kalaja	Social businessman, writer
Ointutunan montok	Founder of the Red Cross
Gaa	Nobel Peace Prize (1901)

Jean Henry Dunant nosusu id tadau 8 Mikat toun 1828 id Geneva, Switzerland om napatai id toun 1910, 30 Gumas id Heiden, Zurich, Switzerland. Ointutunan yau sabaagi songulun tulun Switzerland, papadagang, aktivis sosial om ogirot id aktiviti kougamaan Kristian aliran Calvinisme.

Id toun 1859 maso misi pangadagangan dau id Algeria, Bonua Afrika, nokokito yau do kaantakan Sangod Solferino id kampung Solferino. Otutunan sabaagi Itali di dondo. Buuk sinuatan dau A Memory of Solferino monusuy kokomoi koinggoritan tongoulun do nokoompit id sangod, tantara toi ko tulun toomod. Sangod Solferino popohompit do tantara Perancis om tantara Austria.

Buuk Koinganan id Solferino

Henry Dunant maso toun 1860

Buuk diti nitayad kumaa ngai luguan karajaan id Eropah montok manahak kasadaran kokomoi koinggoritan tulun it kohompit solinaid do sangod.

Mantad dii nakaanu oo piipiro tinimungan luguan karajaan di manu poporealisasi do sogu di Henry Dunant, ii no tu:

1. Momorun organisasi koulunan sompomogunan montok monguhup tantara om tulun toomod it norualan om noinggoritan solinaid sangod.
2. Papaharo pibatasan sompomogunan mooi do tantara it norualan mantad nonggo-nonggo tadon nuru uhupan.

Aasil nopo dau nga id toun 1864, Koisaan Palang Taragang Sompomogunan (ICRC), ii ningkakat maso au au yau hiri. Konvensyen Geneva 1864 nogi nga aasil mantad sogu di Henry Dunant om Komitikuasa Palang Taragang Sompomogunan.

Id toun 1901 nakaanu ii Henry Dunant om Frederic Passy do anugerah tutungkap Nobel Koumoligan ahapas piipiro kontrovesi.

Lukisan kokomoi limo Komitikuasa Palang Merah Antarabangsa

Koposion Kopogulu

Henry Dunant nosusu id Geneva, Switzerland. Tapa nopo dau nga songulun papadagang, Jean-Jacques Dunant dan ibunya Antoinette Dunant-Colladon. Paganakan dau nopo nga tulun Kristian, Calvinisme om paganakan elit id Geneva. Molohing dau nopo nga aktivis sosial, ogumu timpu toliwang diolo ginuno montok monguhup tangaanak di aiso molohing. Tama dau nopo nga poingkaraja id lamin pongusaan om oubas monguhup tulun di norutum.

Memorial Henry Dunant id Heiden, Switzerland.

mantad 1836, Henry Dunant insaru tumanud molohing dau momonsoi karaja-karaja kebajikan id iso Penjara Toulon, Switzerland.

Maso 1846, nokokito yau do pemberontakan om tinumanud do Koisaan Geneva montok Alm. Ahapas di, miampai tambalut dau, pinoingkakat yolo do 'Thursday Association' ii no tu tinimungan tuunion montok monoriuk alkitab om monguhup tongoulun di noinggorit. Maganu nogi yau timpu toliwang montok tumombului do tongoulun id penjara om momonosi ogumu karaja sukarela suai.

Id 30 Milau 1852, pinopoingkakat yau do Koisaan Tanak Wagu Kristian id Geneva. Tolu toun ahapas di, nokohompit yau do pitimburungakan id Perancis kokomoi kopoimaganan koisaan dilo id taang sompomogunan.

Maso toun 1852, nakalabus yau mantad id Kolej Calvin tu nakaanu yau maraka di osiriba. Ahapas dii kinumaraja yau id Syarikat Kousinan Lullin om Sautter.

Algeria

Id toun 1853, tinumombului ii Henry Dunant id Algeria pogun Tunisia om om Sicily id Afrika Kaabatan om nokoimbulai no buuk "An Account of the Regency in Tunis" id toun 1858.

Pinoingkakat yau do syarikat id Algeria id toun 1856 ahapas nakaanu tana mantad penjajah Perancis. Tumo luong dau nopo di nga nopungaranan sabaagi "Financial and Industrial Company of Mons-Djémila Mills". Nga au yau nakaanu do sokodung id aspek kosongonuan dit tanah om waig sabab kakal po sangod.

Montok monolibamban kobolingkahangan do aiso waig id ladang dau, Manu ii Hnery Dunant do rumuba di Maharaja Napoleon iii id Perancis. Nga Perancis kakal po kiwaa sangod do id Lombardy. Monokodung oo Perancis di Piedmont-Sardinia sumaap do Austria. Maso dii, upis induk di Napoleon iii nopo nga id Solferino.