Jehan Barbur
Jehan Barbur | |
|---|---|
 Barbur ontok 2020 | |
| Background information | |
| Ngaran kinosusuon | Jehan İstiklal Barbur |
| Kinosusuon | 12 Ngiop 1980 Beirut, Lebanon |
| Genre | Pop, jazz |
| Kalaja | Susuminding om monunupu sinding |
| Toun mimparagat | 2004–dinondo |
| Label | Ada Müzik (2009–dinondo) |
Jehan İstiklal Barbur[3] (nosusu ontok 12 Ngiop 1980) nopo nga songulun susuminding om monunupu sinding Turki i kipusakag Arab Kristian.[3][4][5] Ontok toun 2002, minundaliu isido mantad Ankara kumaa Istanbul montok momodimpot pakalajaan muzik profesional om i nopo timpuunon nga kumalaja sabaagi vokalis id suang tinimungan pop om jazz di misuai-suai. Maya kouhupan di Bülent Ortaçgil[6] minanain isido kontrak miampai syarikat produksi Ada Müzik. Ontok toun 2009, nakalabus o album studio koiso dau, Uyan.[7] Pinotilombus disido karaja muzik miampai minapalabus album studio koduo, Hayat, ontok 2010.[8] Album suai nopo di pinalabus dau nga Sarı, Sizler Hiç Yokken om Evim Neresi ii no ontok 2012, 2014, om 2017.[9]
Koposion Pogulu
[simbanai | simbanai toud]Barbur, id nombo poingion paganakan dau hili İskenderun, nosusu id Beirut tu otumbayaan tama dau do lobi osonong o pongusapan hilo kota Lebanon.[5] Ginumayo isido id İskenderun, pogulu minundaliu kumaa Ankara montok mongoput sinikulan id universiti.[5] Mantad nopo di tokoro po, okito no o rahi disido kumaa muzik. Gama do au o tapa disido papasaga sumuang konservatori muzik,[4] sinumuang isido id Universiti Bilkent, Fakulti Koulunan om Sastera, Jabatan Budaya om Kesusasteraan Amerika.[3] Kirahi nogi i Barbur id suang teater om muzik miampai amatur maso id universiti.[2] Nakaawi isido ponginabasan ontok toun 2002.[6]
Karier muzik
[simbanai | simbanai toud]
Kalapas nakaawi ponginabasan id universiti, minundaliu i Barbur kumaa Istanbul montok mongimpuun karaja profesional. Soira do mogion-gion isido id kota dii, aiso lundu ointutunan id industri mzik di otutunan dau. Mumbal isido mintutun miampai puru muzik maya tumindapou id kinoyonon hinombo papaharo yolo kosolimbahan potilombus. Kalapas duo toun minogihum, mimpuun i Barbur momonsoi muzik miampai iso tinimungan. Momonsoi isido kosolimbahan id kinoyonon di miagal solinaid apat toun. Solinaid timpu dii, nakalantoi isido nakaanu tutumanud. Suai ko ii, mimpuun no i Barbur do monuat roroiton om monupu sinding id walai dau id suang iso studio amatur.[6] Nokoruba isido di Bülent Ortaçgil wmiampai kouhupan tambalut.[10]
Kalapas nokorongou demo-demo dii, orohian i Bülent Ortaçgil do lirik om komposisi i pinaasil di Barbur om minimboros do nuru daa isido momonsoi album.[6] Sundung do ingkaa, au i Barbur kipomusarahan papaasil album di timpuunon i. Miampai kouhupan di Ortaçgil om sokodung koombolutan pemuzik dau, nosiliu lobi positif o pomusarahan dau kokomoi momonsoi album.[10] Kalapas piipiro timpu, maya sogu di Ortaçgil, minanain i Barbur do kontrak miampai syarikat produksi Ada Muzik. Kalapas kumalaja id studio di solinaid onon tulan, nakalabus o duo ribu kodolinan album koiso dau, Uyan.[6] Kalapas nakalabus ii, nosiliu o piipiro sinding dau, kohompit no "Gidersen", "Leyla" om "Neden", do Top 10 hits id piipiro saluran muzik.[8]
Sumusuhut, suminding i Barbur do soundtracks montok siri TV Asi om Sır Gibi. Duet nogi isido miampai Özgür Çevik id sinding di winonsoi montok siri TV Gece Sesleri.[6] Minonupu nogi i Barbur do sinding "Şermin" montk album di Zuhal Olcay, Aşk'ın Halleri.[10]
Diskografi
[simbanai | simbanai toud]- Album
- Uyan (2009)
- Hayat (2010)
- Sarı (2012)
- Sizler Hiç Yokken (2014)
- Evim Neresi (2017)
- Ürkerek Söylerim (2019)
- Şehirlerden Uzak (2024)
- EPs
- Kuzgun'u Uçmak (2018)
- Singles
- "Kendine Zaman Ver" (2014)
- "İki Keklik" (2019)
- "Kusura Bakmasınlar" (2019)
- "Yok / Yetinemedim" (2020)
- "Ayin" (miampai di Korhan Futacı) (2020)
- "Suç" (2021)
- "Olanlar Oldu" (2021)
- "Güzel Şeyler Var" (2022)
- "Sabır Ver" (mantad album Saygı Albümü: Bergen) (2022)
- "Güneşli Bahçe" (miampai di Mehmet Güreli) (2022)
- "Yabancı" (miampai di Erkan Oğur om Alp Ersönmez) (2022)
- "Sonbahar Rüzgarları" (miampai di Ceylan Ertem) (mantad album Duyuyor Musun?) (2022)
- "Kafamda Deliler Var" (2023)
- "Hasret" (2023)
- "Zor da Değil" (2023)
- "Benim Adım Dertli Dolap" (miampai di Cem Erdost İleri) (mantad album PortakalAltı Kayıtları) (2023)
- "Duy Diye" (2024)
Sukuon
[simbanai | simbanai toud]- ↑ Tokay, Murat (15 Gomot 2009). "Caz da dinliyorum Türkü de". Zaman. Pinoopi mantad sand̠ad ontok 18 Ngiop 2013. Linoyog ontok 17 Momuhau 2010.
- ↑ 2.0 2.1 Dokuyucu, Gonca (1 Ngiop 2009). "Röportaj – Jehan Barbur – Röportaj: Gonca Dokuyucu". Female. dijimecmua.com. pp. 124–125. Pinoopi mantad sand̠ad ontok 28 Gumas 2012. Linoyog ontok 17 Momuhau 2010.
- ↑ 3.0 3.1 3.2 Ay, Savaş (7 Mansak 2009). "Jehan Barbur diye bir kız". Takvim. Pinoopi mantad sand̠ad ontok 22 Madas 2015. Linoyog ontok 17 Momuhau 2010.
- ↑ 4.0 4.1 Ay, Savaş (7 Mansak 2009). "Arap kızı camdan bakıyor". Sabah. Pinoopi mantad sanḏad ontok 31 Milatok 2015. Linoyog ontok 17 Momuhau 2010.
- ↑ 5.0 5.1 5.2 "Jehan Barbur Aykırı Sorular'daydı – (Aykırı Sorular 09.08.2013)". CNN Türk. 9 Magus 2013. Pinoopi mantad sand̠ad ontok 21 Madas 2015. Linoyog ontok 12 Manom 2013.
- ↑ 6.0 6.1 6.2 6.3 6.4 6.5 Tokay, Murat (15 Gomot 2009). "Söz ve müzik Jehan Barbur". Zaman. Linoyog ontok 17 Momuhau 2010.
- ↑ "Jehan Barbur 'Uyan' diyor". Radikal. 16 Momuhau 2009. Linoyog ontok 17 Momuhau 2010.
- ↑ 8.0 8.1 "Jehan Barbur ile 'Hayat' devam ediyor". Ntvmsnbc.com. 8 Milau 2010. Linoyog ontok 17 Momuhau 2010.
- ↑ "Jehan Barbur: İçimdeki evi arıyorum". Evrensel. 16 Madas 2017. Linoyog ontok 30 Gumas 2017.
- ↑ 10.0 10.1 10.2 Yaşa, Aysel (28 Gomot 2009). "İfadesizlik şarkılarımı besliyor". Yeni Şafak. Pinoopi mantad sand̠ad ontok 4 Ngiop 2009. Linoyog ontok 17 Momuhau 2010.