Pergi ke kandungan

Kedah

Coordinates: 6°07′42″N 100°21′46″E / 6.12833°N 100.36278°E / 6.12833; 100.36278
Mantad Wikipedia
Kedah
Negeri
Flag of Kedah قدح
Flag
Coat of arms of Kedah قدح
Coat of arms
Motto(s): 
"Kedah Sejahtera, Nikmat Untuk Semua"
Anthem: Allah Selamatkan Sultan Mahkota
( الله سلامتکن سلطان مهكوتا)
   Kedah di    Malaysia
Coordinates: 6°07′42″N 100°21′46″E / 6.12833°N 100.36278°E / 6.12833; 100.36278
Ibu negeriAlor Setar
Bandar dirajaAnak Bukit
Government
 • KawoSistem berparlimen Raja berperlembagaan
 • SultanSultan Sallehuddin ibni Almarhum Sultan Badlishah
 • Menteri BesarMuhammad Sanusi Md Nor (PN-PAS)
Area
[1]
 • Total9,425 km2 (3,639 sq mi)
Highest elevation
(Gunung Bintang)
1,862 m (6,109 ft)
Population
 (2020)[2]
 • Total2,131,427
 • Ketumpatan230/km2 (590/sq mi)
Indeks Pembangunan Manusia
)
 • IPM (2019)0.808 (sangat tinggi) (ke-8)
Poskod
05xxx sehingga 09xxx
Kod panggilan04
08 (Kulim dan Langkawi )
ISO 3166 codeMY-02
Vehicle registrationK (Tanah Besar Kedah)
KV (Pulau Langkawi)
Penjajahan British1909
Pendudukan Jepun1942
Persekutuan Tanah Melayu1948
Merdeka sebagai ahli Persekutuan Tanah Melayu31 Ogos 1957
Websitekedah.gov.my

Kedah (Malay pronunciation: [kəˈdah]),[3] ii ointutunan nogi sabaagi do Darul Aman (دار الأمان; Pogun Otingolig ka komoyon di Boros Arab) om id Sajara nopo sabaagi Queda,[4] nga iso negeri id Malaysia, ii poingiliu id boogian barat laut Semenanjung Malaysia. Ginayo negeri nopo diti nga kilinaab do 9,000 km2, om kiwaa boogian tana tagayo om pulau-pulau Langkawi. Tana tagayo nopo nga kibontuk turos pomogunan di arata, gunoon montok mananom do parai, om kogumuan do Langkawi nopo nga kipulou di aiso mogiigiyon.

Kedah nogi nga ointutunan di gulu sabaagi do Kadaram mantad do tulun Tamil Purba om zaman pintangaan, Kataha toi ko' Kalahbar mantad tulun Arab, om Syburi mantad tulun Siam ontok dii kirahung po iyolo.[5][6].

Kedah nopo nga mirontob miampai do negeri Perlis id utara om milang rontob sompomogunan miampai wilayah Songkhla om Yala id Thailand. Mirontob iti miampai negeri Perak id selatan om Pulau Pinang id barat daya.

Ibu negeri nopo nga Alor Setar om tiyonon diraja nopo nga poingiliu id pinggir bandar Anak Bukit. Pekan gulu suai nopo nga kohompit do Sungai Petani (koiyonon bandar di totos tagayo tumanud populasi) om Kulim id tana tagayo om Kuah id Langkawi.

Sajara

[simbanai | simbanai toud]

Sajara gulu

[simbanai | simbanai toud]

Kiikiro 788 SM, iso koiyonon tagayo nopo nga noiyanan id tebing utara Baang Merbok. Koiyonon dii nopo nga kiwaa koiyonon Lembah Bujang ii alaab ii kohompit do cawangan Baang Merbok om Muda ii kilinaab do kiikiro 1,000 watu pasagi. Nowonsoi ii id muara raan Baang Merbok ii baino nopo nga ointutunan sabaagi Baang Watu.[7] Nokito o hinta arkeologi id Lembah Bujang ii pinopokito koiyonon dii sabaagi iso tiyonon animisme id Kedah purba di noondos ontok di 110 Masihi po. Pinopokito iti miampai kinorubaan do iso kuil, jeti, tapak pomoyomion bosi om monumen bata lagit ii haro no mantad do 110 Masihi sabaagi wayaan dudumagang maritim miampai karajaan Tamil India Selatan ontok dii.[8] Kinorubaan Lembah Bujang dii nopo nga pinoposiliu do Kedah purba sabaagi tiyonon di totos kuno id Asia Tenggara.[9]

Era Hindu-Buddha

[simbanai | simbanai toud]

Narait do Kedah Purba di koinsan nogi id suang lilihis do Tamil Paṭṭiṉappālai i sinurat ontok pompod abad koduo Masihi. Popokito ii do kakamot mantad Kadaram "mogitiitimung id wawayaan di alaab" id ibu kota Chola. Suai ko' Kadaram, ointutunan nogi oKedah miampai mogikaakawo ngaran id timpu di misuai id kosusasteraan India: Kataha-Nagara (id suang drama Kaumudi Mahotsava), Anda-Kataha (id suang Agni Purana), Kataha-Dvipa (id Samarāiccakahā), om Kataha (id suang Kathasaritsagara).[10] Id suang kosusasteraan Timur Tanga, lohowon o Kedah kuno sabaagi Qilah mantad di Ibn Khordadbeh id suang Kitab Jalan om Karajaan, Kalah-Bar mantad di Soleiman Siraf & Abu Zaid al Hassan id Silsilat-al-Tawarikh (sumorili id Asia), om Kalah mantad di Abu-Dulaf Misa'r Ibn Muhalhil id Al-Risalah al-thaniyah.[11] Sami Buddha dinasti Tang, Yijing ii tuminombului do Kopulauan Melayu id pialatan 688 om 695, nogi nga momolohou karajaan dii sabaagi do Ka-Cha id boogian utara Semenanjung Tanah Melayu, solinaid do tolu nohopod tadau dau do belayar mantad Bogha (Palembang), ibu kota Sribogha (Srivijaya).[12]

Ontok abad do koturu om kawalu, Kedah nopo nga id siriba ninduranan toluhoi di Srivijaya.[13] Towud India om Arab nopo nga mongondos Kedah sabaagi iso mantad duo koiyonon di toponsol ontok zaman Srivijaya, ii asaru mongolohou do raja selat "pomorinta Srivijaya om Kataha".[14] Ontok 1025, Rajendra I, raja Chola mantad Pantai Coromandel id India Selatan, minaganu Kedah id iso serangan Chola kumaa Srivijaya om alaid do minogiigiyon do hilo.[15] Pencerobohan koduo nopo nga binuruan di Virarajendra mantad dinasti Chola ii minaganu do Kedah ontok tohuri abad kumo-11.[16] Ontok pomorintaan di Kulottunga I Chola ketuanan nopo nga minoonodo do wilayah Srivijayan Kedah ontok tohuri abad kumo-11.[17]

Kesultanan Kedah

[simbanai | simbanai toud]

Tumanud Hikayat Merong Mahawangsa toi ko' Sajara Kedah, noworun o Kedah mantad songulun raja Hindu kingaran do Merong Mahawangsa. Tumanud teks kaagu, nokoimpuun o Kesultanan Kedah ontok toun 1136 soira minongigit do ugama Islam ii Raja Phra Ong om momoguno do ngaran Sultan Mudzafar Shah. Sundung do ingkaa, iso akaun Aceh nopo nga noonuan do tadauwulan 1474 ontok toun pomorintaan Kedah do mongigit do Islam. Pinosudong o tadauwulan di do kawagu miampai pinosuat id Sajara Malayu hinombo, tuminombului o songulun raja Kedah ontok pomorintaan sultan gisom do nakaanu pamantangan do tinimungan diraja sabaagi tanda do kedaulatan songulun pomorinta Silam.[18] Sundung do ingkaa, id suang kronik Thai, sinusui do Kedah nopo nga iso bandar Thai miagal ko' Nakhon Si Thammarat om somboogian mantad karajaan Siam nga nalanan sumiliu do negeri Malayu kopongo pencerobohan karajaan-karajaan Silam.[19]

Kopongo dii, poingigit ii do Siam gisom naanu do kosultanan Malayu ontok abad kumo-15. Ontok abad kumo-17, sinaap do Portugis o Kedah kopongo nakaanu do Melaka om mantad do Aceh. Miampai lansan do Great Britain nopo nga kaanu mongumolig do topod Kedah mantad Siam, pinatahak do sultan o Pulau Pinang om tinilombus do Province Wellesly kumaa British ontok tohuri abad kumo-18. Sundung do ingkaa nga sinarang kasari o Siam o Kedah ontok toun 1821,[20] om notindohoi id siriba kawalan Siam miampai ngaran Syburi. Ontok toun 1896, Perlis om Kedah om nogi Setul piniamung sumiliu do wilayah Siam Monthon Syburi gisom do pinoundaliu kumaa British maya pibatasan Inggilis-Siam 1909.

Piomungan do Tana Malayu

[simbanai | simbanai toud]

Id Pisangadan Pomogunan Koduo, Kedah (miampai Kelantan) nopo nga boogian koiso Tana Malayu ii sinangod do Jipun. Pinoguli do Jipun o Kedah kumaa sekutu Thai diolo ii minomungaran do Syburi nga pinatahak kawagu kumaa pomorintaan British nolimpupusan o pisangadan. Nosiliu o Kedah sabaagi negeri Persekutuan Tana Malayu ontok toun 1948 om nokotilombus nakagampot do kagabasan ontok toun 1957. Pinagayo o Tana Malayu sumiliu Malaysia ontok toun 1963 ii naampayat do Sabah, Sarawak om Singapura (nakagabas ontok toun 1965). [21]

Bondira Kedah (1821–1912)

Geografi

[simbanai | simbanai toud]

Kedah nopo nga negeri kuma-8 totos tagayo tumanud linaab tana om negeri kuma-8 totos ogumu mogiigiyon id Mlaaysia miampai ginayo linaab tana 9,500 km2 (3,700 bt).[22] Bontuk turos pomogunan nopo nga kogumuan rata tu' Dataran Kedah-Perlis nopo nga poinghanggum somboogian tagayo koiyonon tana negeri mantad watas Kuala Muda id selatan kumaa negeri Perlis id utara. Gama do ula aluvium dau, kogumuan dataran nopo nga montok pomutanaman do parai solinaid do abad. Daamot dii, boogian timur laut kumaa do boogian tenggara negeri diti nopo nga poimbida kinuluhon loolobi no id watas Padang Terap, Sik, Baling, Kulim om Bandar Baharu. Banjaran Kedah-Songkhla om Bintang nopo nga mombontuk rontob negeri id pialatan do wilayah Thai Songkhla om Yala id timur laut om negeri Pulau Pinang id barat daya om Perak id tenggara. Banjaran Bintang nopo nga walai kumaa Nulu Bintang, titik takawas id negeri diti id rontob miampai Perak. Piipiro boogian id Kedah nogi nga karstik miampai do koiyonon miampai do nulu batu kapur ii lohowon do mogot.

Baang tagayo nopo id Kedah nga kohompit do Kedah, Merbok, Muda om Kerian. Sungai Muda nopo nga kiguno montok do rontob barat daya miampai Pulau Pinang om Baang Kerian nopo nga montok mamaagi rontob tenggara miampai Pulau Pinang om Perak.

Karajaan

[simbanai | simbanai toud]
Sultan Kedah dipogulu po.

Porlombagaan Kedah nopo nga noisytihar di Sultan Badlishah ontok Madas 1950. Mogikaakawo poruntukan do pinatahak id suang porlombagaan kohompit no poranan om kuasa raja, Diwan Undangan Negeri Kedah om perkhidmatan Awam Negeri.

Sultan Kedah nopo nga pomorinta kiporlombagaan negeri. Jawatan dau nopo nga tumungkus om mongigit jawatan dau solinaid poimpasi. Sultan nopo nga luguan ugama Islam id negeri diti om kuasa eksekutif karajaan negeri nga id tonggungan dau. Sultan maamaso diti nopo nga Sallehuddin, ii minomorinta mantad 12 Manom 2017 kahapas kinapatayon do tabangon dau ii Sultan Abdul Halim ontok 11 Manom 2017.

Majlis Mosyuarat Karaaan Negeri, miampai do Sultan nopo nga cabang eksekutif karajaan Kedah. Ii nopo nga kiwaa do Montiri Tagayo sabaagi ponorikohon om luguan karajaan Kedah om hopod puru do suai. Montiri Tagayo om puru-puru majlis suai nopo nga siniliu do Sultan Kedah mantad puru-puru Diwan Undangan Negeri Kedah.

Demografi

[simbanai | simbanai toud]

Kedah nopo nga iso negeri heterogen miampai tulun Malayu Kedah momoguno sabaagi majoriti miampai do minoriti Sina, India, Siam om Semang dii okito. Kiwaa nogi tinimungan etnik di au kopio otutunan miagal ko tulun Sam Sam, tulun kikoubasanan Malayu Silam nga milo mimboros Siam. Kogumuan koulunan diti nopo nga nokoasimilasi miampai koulunan Malayu Kedah nga okuri no ii nokotindohoi do mimboros Siam om komuniti diti nopo nga orubaan id Changlun, Kodiang, Jitra, Wang Tepus, Guar Napai, Malau, Ason om Napoh. Tulun momogun id Kedah nopo nga miagal ko' tulun Kensiu om Kintaq om kogumuan nopo nga okito id watas Baling tu komuniti diolo nopo nga suminoborong mantad negeri sombol do Perak.[23]

Boros

[simbanai | simbanai toud]

Miagal do kogumuan id boogian Malaysia, kiwaa mogikaakawo boros om dialek id Kedah. Boros majoriti Kedah nopo nga boros Malayu Kedah ii nointutunan do mogiigiyon do hilo sabaagi Pelat Utagha (dialek Utara), ii nopo nga ragam boros Malayu sondii om kiguno sabaagi lingua franca koiso id negeri dii i osomok no toinsanan tulun Kedah di momoguno au mintong do tinaru. Boros Malayu Kedah nga kiwaa nogi sub-dialek mogisuusuai mantad iso watas kumaa watas suai om gugunoon id labus Kedah miagal ko' id Pulau Pinang, Perlis, utara Perak om nogi kumaa id Satun id Thailand om Tanintharyi id Myanmar. Suai ko boros Malayu kedah, iso po kawagu ragam boros di ointutunan nopo nga Malayu Baling (Cakak Baling) ii kogumuan gunoon id watas Baling om piipiro boogian id watas Sik om Yan. Baling miampai do Malayu Grik nopo nga somboogian mantad do Malayu Reman, cabang Malayu Kelantan-Pattani ii nintodonon nopo nga mantad koulunan Karajaan Reman ii pinorinta do wilayah Baling om Grik pogulu do rinumbak om nosiliu somboogian mantad tolu entiti politik di misuai ii nopo nga Kedah, Perak om Yala (Thailand).

Sukuon

[simbanai | simbanai toud]
  1. ↑ "Kajian Semula Persempadanan" (PDF). Suruhanjaya Pilihanraya Malaysia. p. 96. Linoyog ontok 15 Januari 2022.
  2. ↑ Ralat maganu:Tag <ref> tidak sah; tiada teks disediakan bagi rujukan yang bernama :1
  3. ↑ "Kedah pronunciation". Forvo.
  4. ↑ "Enakmen Pentadbiran Undang-Undang Islam (Kedah Darul Aman) 2008 - Enakmen 5 Tahun 2008". www2.esyariah.gov.my. Linoyog ontok 2020-04-29.[noputan di napatai sogigisom]
  5. ↑ Miksic, John Norman; Yian, Goh Geok (2000). Ancient Southeast Asia. Routledge. ISBN 978-0-415-73554-4.
  6. ↑ Cyril Skinner, The Civil War in Kelantan in 1839, Kuala Lumpur: Monographs of the Malaysian Branch, Royal Asiatic Society, 1965.
  7. ↑ "Sg Batu to be developed into archaeological hub". The Star. 3 October 2020. Linoyog ontok 8 November 2020.
  8. ↑ "New interest in an older Lembah Bujang, 2010/07/25". Pinoopi mantad sand̠ad ontok 29 June 2011.
  9. ↑ "Asia Research News – USM discovers earliest civilisation in Southeast Asia". Asiaresearchnews.com. 10 March 2010. Pinoopi mantad sand̠ad ontok 29 June 2017. Linoyog ontok 2 February 2014.
  10. ↑ "Kadaram and Kataha". Sabrizain. Linoyog ontok 2 February 2014.
  11. ↑ "R.O Winstedt – History of Kedah – Extracted from No. 81 Straits Branch of the Royal Asiatic Society (SBRAS), March 1920" (PDF). Linoyog ontok 2 February 2014.
  12. ↑ I-Tsing (2005). A Record of the Buddhist Religion As Practised in India and the Malay Archipelago (A.D. 671–695). Asian Educational Services. pp. xl–xli. ISBN 978-81-206-1622-6.
  13. ↑ "Early Malay kingdoms". Sabrizain.org. Linoyog ontok 21 June 2010.
  14. ↑ John Norman Miksic; Goh Geok Yian (14 October 2016). Ancient Southeast Asia. Taylor & Francis. p. 288. ISBN 978-1-317-27904-4.
  15. ↑ A history of Malaya, Richard Winstedt, Marican, 1962, p. 36
  16. ↑ History of Asia by B.V. Rao p.211
  17. ↑ Singapore in Global History by Derek Thiam Soon Heng, Syed Muhd Khairudin Aljunied p.40
  18. ↑ Winstedt, Richard (December 1936). "Notes on the History of Kedah". Journal of the Malayan Branch of the Royal Asiatic Society. 14 (3 (126)): 155–189. JSTOR 41559857.
  19. ↑ Rajanubhab, Damrong. "The royal chronicle in Rama II of Rattanakosin era". Vajirayana Digital Library (id boros Thai).
  20. ↑ R. Bonney, Kedah 1771–1821: The Search for Security and Independence (1971), Ch. VII.
  21. ↑ Malay Kingship in Kedah: Religion, Trade, and Society by Maziar Mozaffari Falarti p.25
  22. ↑ "Laporan Kiraan Permulaan 2010" (PDF). Jabatan Perangkaan Malaysia. p. iv. Pinoopi mantad sand̠ad (PDF) ontok 27 January 2018. Linoyog ontok 24 January 2011.
  23. ↑ Bishop, Nancy (1996). "A Preliminary Description of Kensiu (Maniq) Phonology" (PDF). Mon-Khmer Studies. 25: 227–253.
Naanu mantad "https://dtp.wikipedia.org/w/index.php?title=Kedah&oldid=22709"