Kinaantakan Induo Onom
Sauk Induo Onom toi Kinaantakan Induo Onom (Boros Inggilis: Double Six Tragedy) nopo nga' iso kaantakan nokohompit do iso gontulud GAF N22-B Nomad don Sabah Air di songian Koinggonom Kosilau do Mahas toun 1976 (6 Mahas 1976) id Dondoung, Sabah. Nopujulan do kiniopon piipiro huguan tagayo ugu i Huguan Siou Tapantang Koiso Donald Stephens, om i Datuk Peter Mojuntin.
Nangalaha[simbanai | simbanai toud]
Gontulud dii sakayon di 11 tulun nangapatai. Id siriba ngaran di nangalaha:[1]
- Huguan Siou Tapantang Koiso Donald Stephens, Boyoon Panalad Sabah
- Datuk Peter Mojuntin, Panalad Kolunduan Pasok om Pamalayan Sabah
- Datuk Chong Thien Vun, Panalad Pituubungan om Kagamaan Ginumuan Sabah
- Datuk Salleh Sulong, Panalad Kasalangan (Kousinan) Sabah
- Datuk Darius Binion, Ponguhup di Wanan Boyoon Panalad
- Datuk Wahid Peter Andu, Golingob Poingkakal (Permanent Secretary) di Panalad Kasalangan Sabah
- Dr Syed Hussein Wafa, Monikoon Puru Pangakasan Kodopuan Sabah (Director of Sabah Economic Planning Unit)
- Ishak Atan, Golingob Poingolus (Private Secretary) di Panalad Kasalangan Molisia
- Monulu (Corporal) Said Mohammad, Panamong di Huguan Siou Tapantang Koiso
- Johari Fuad Stephens, Haing di Huguan Siou Tapantang Koiso
- Gandhi J. Nathan, Ponguhin (Pilot)
Komilaan tinomod[simbanai | simbanai toud]
Katalib sauk dii ogumu tulun Sabah monguhot poingkuro nakaantak dii, tu' pogulu dii ogumu ninsakan mantad Kolunduan Pisompuuvan do mononsog tongo huguan Sabah do popologos kotunudan pogun lobi po i kotunudan don tumauwatu om tiob (petroleum and gas).
Id iso gakom gugua' (video recording) kiuhu do "Oil for Who?" (Tumau montok Disai?) di toun 2010 id Hongkod Koisaan, i Monikoon Pogulu PETRONAS, Tengku Razaleigh Hamzah minoboros kasasakai no yau i gontulud dii do poinrikau yau id likud di Huguan Siou Tapantang Koiso, om id wanan di Monikoon PETRONAS dii i Boyoon Panalad Sarawak, Tun Abdul Rahman Ya'kub. Ka di Razaleigh, sikog i Harris Salleh do minagangat dau lumabus mantad gontulud dii om moi tanud dau sumakai gontulud suai do tumulud kumaa Pulou Banggi do mongintong kokotopon do sapi.[2]