Kinosaki, Hyōgo

Kinosaki (城崎町, Kinosaki-chō) nopo nga iso bandar id watas Kinosaki, Wilayah Hyōgo, Jepun.

Piisa'an

Id 1 Ngiop 2005, bandar Kinosaki miampai bandar Hidaka, Takeno, Izushi om Tantō, minaan piiso'o sumiliu do iso bandar ii ointutunan sabaagi Toyooka. Mantad di, au no di yolo koingkakat sabaagi iso bandar di iso-iso. Watas Kinosaki kiwaa soginumu 3, 778 mogigion^[1].

Totombuluyon

Kinosaki nopo nga kinoyonon tumombului montok rumikot id towud waig talasu toi ko roitan sabaagi onsen. Haro nogi iso pakan di nokoingkakat mantad do ngaran dilo, iri no tu pakan onsen, i kiwaa sajara solinaid 1,300 toun^[2]. Id toun 1913, monunuat Shiga Naoya rinumikot id Kinosaki om minion hilo solinaid tolu minggu. Mantad kopogianan di, nakaanu yau do inspirasi id suang ponuatan susuyan toniba dau ii kiuhu do "Kinosaki ni te" toi ko "id Kinosaki"^[3].

Kinoyonon do totombuluyon id Onsen

Kiwaa 7 walai popodsuan waig talasu montok tulun ginumuan id Kinosaki Onsen, ii no tu:

Kouno-yu
Mandara-yu
Goshono-yu
Ichino-yu
Yanagi-yu
Jizou-yu
Satono-yu

Tutumombului ii modop id kogumuan todopon tradisi jipun (Ryokan) kaanu do pas free montok rumikot id toinsanai popodsuon dilo. Nosili no koubasanan do tutumombului it modop id Kinosaki Onsen do mimpanau momoguno do yukata montok au papataam timpu soira momoguna do onsen tu nuru po mongolon do rasuk^[4]. Wayaan tali gantung id kolimpupuson ralan nopo nga sasakayon do tutumombului montok rumikot id tuntu do nulu Taishi. Nulu Taishi nopo nga bobos kagayat do ginawo tu kiwaa kopokitanan do bandar, pantai om kuil^[5].

Muzium

Suai mantad onsen, tutumombului nogi nga milo tumombului id Muzium Kraf Jerami Kinosaki, id muzium dilo, kaanu oo tutumombului do kosiwatan momonsoi do kraf jerami. Suai mantad di haro nogi Muzium Sastera Kinosaki montok mongintutun do monunuat mantad id Kinosaki Onsen, om ogumu po kakadayan om kafe. Haro nogi piipiro ahal di kagayat ginawo id kinoyonon diti, lobi lobi po id kadai om id restoran, miagal ko tongkuyu salji, daging lembu tajim om tinanok tontolu onsen^[6].

Sasakayon

Korita tapui

Sanin Main Line kiwaa wayaan korita tapui JR mooi id Tokyo, om tumilombus mooi id Osaka kowoyo do wayaan id Fukuchiyama. Korita tapui Direct Express maganu maso 2.5 jaam mantad Osaka mooi Toyooka.

Ralan tagayo

Wayaan Kabansaan Jepun 178
Wayaan Kabansaan Jepun 312
Wayaan Kabansaan Jepun 426
Wayaan Kabansaan Jepun 482
Wayaan Kabansaan Jepun 483

Tusak sakura Kinosaki Onsen
Suang do Goshono-yu Kinosaki Onsen
Kinosaki Onsen

Sukuon

↑ Toyooka City Hall statistics 2015 Archived 2015-06-13 at the Wayback Machine Dicapai pada 17 Jun 2015
↑ "About Kinosaki Onsen - Hyogo Travel Guide | Planetyze". Planetyze (id boros Inggilis). Linoyog ontok 2017-11-16.
↑ "Kinosaki International Arts Center". Visit Kinosaki (id boros Inggilis). 26 Mac 2018. Linoyog ontok 23 Oktober 2018.
↑ "How to Wear a Yukata". Visit Kinosaki (id boros Inggilis). 22 Mac 2018. Linoyog ontok 23 Oktober 2018.
↑ "Ropeway". Visit Kinosaki (id boros Inggilis). 26 Mac 2018. Linoyog ontok 23 Oktober 2018.
↑ "Kinosaki Onsen". Visit Kinosaki (id boros Inggilis). 19 Mac 2018. Linoyog ontok 23 Oktober 2018.

Link labus

Toyooka and Kinosaki Onsen official website
Kinosaki Onsen Ropeway

[1] Toyooka City Hall statistics 2015 Archived 2015-06-13 at the Wayback Machine Dicapai pada 17 Jun 2015

[2] "About Kinosaki Onsen - Hyogo Travel Guide | Planetyze". Planetyze (id boros Inggilis). Linoyog ontok 2017-11-16.

[3] "Kinosaki International Arts Center". Visit Kinosaki (id boros Inggilis). 26 Mac 2018. Linoyog ontok 23 Oktober 2018.

[4] "How to Wear a Yukata". Visit Kinosaki (id boros Inggilis). 22 Mac 2018. Linoyog ontok 23 Oktober 2018.

[5] "Ropeway". Visit Kinosaki (id boros Inggilis). 26 Mac 2018. Linoyog ontok 23 Oktober 2018.

[6] "Kinosaki Onsen". Visit Kinosaki (id boros Inggilis). 19 Mac 2018. Linoyog ontok 23 Oktober 2018.

[1]

[2]

[3]

[4]

[5]

[6]