Kolej Vokasional Keningau
Sekolah Menengah Teknik Keningau toi ko' noilaan sabaagi do Kolej Vokasional Keningau Sabah timpu babaino nopo nga iso sikul institusi ponginabasan id siriba do Kementerian Pendidikan Malaysia i pointuridong id Beg Berkunci No.4, 89009 Keningau Sabah.
Ontok toun 2013, Sekolah Menengah Teknik Keningau nopo nga noinsanangan om nosili kumaa Kolej Vokasional Keningau, Kolej Vokasional Keningau nopo dii nga iso institusi kitauliah i poposili do ogumu tinungkusan nakalantoi om kirahi' miala.
Sajara
[simbanai | simbanai toud]Kolej Vokasional Keningau di pogulu i nointutunan sabaagi Sikul Takawas Vokasional Keningau (2010 - 2013), SMK Teknik Keningau (1998 - 2010) om SM Vokasional Keningau (1980 - 1998) poingion id kinoyonon solinuas 18.09 ekar toi ko' 7.32 hektar id nombo do pointoning Pekan Keningau. Kapamansayan nopo nga minimpuun id kotimpuunon 1976 om nopongo id kotohurionon 1979. Minimpuun do mioperasi ontok wulan Ngiop 1980 miampai soginumu 11 tulun mongingia', 95 tulun tangaanak sikul om 7 gana kurusus. Ontok di toun 1998, aliran sikul diti sinimbanan kumaa teknik nga sinimbanan nodii kawagu kumaa doid poinggonopo Vokasional ontok toun 2010. Ontok toun 2013, Sikul Takawas Vokasional Keningau pinakawas taang kumaa Kolej Vokasional Keningau om papatawar do kurusus Diploma doid 5 gana i noilaan sabaagi Bidang Teknologi Mekanikal (3 Kurusus), Bidang Teknologi Pembinaan (1 Kurusus), Bidang Perniagaan (1 Kurusus), Bidang Teknologi Elektrik & Elektronik (2 Kurusus), om Bidang Hospitaliti (5 Kurusus). Ontok di toun 2014, Kolej Vokasional Keningau pinapatawar do kurusus-kurusus Diploma doid 5 gana i noilaan sabaagi Bidang Teknologi Mekanikal(2 Kurusus), Bidang Teknologi Pembinaan (1 Kurusus), Bidang Perniagaan (1 Kurusus), Bidang Teknologi Elektrik & Elektronik (1 Kurusus), om Bidang Hospitaliti (4 Kurusus). Ontok di toun 2015, kopongonuan tangaanak sikul nopo nga montok no do 3 gana id nombo do noilaan iti sabaagi Bidang Teknologi Mekanikal (2 Kurusus), Bidang Teknologi Pembinaan (1 Kurusus) om Bidang Teknologi Elektrik & Elektronik (1 Kurusus).
Ginumu tangaanak sikul nogi nga pinoingkuri id nombo do soginumu 15 no o tulun montok kurusus dilo. Ontok di toun 2016, haro kawagu transformasi kolej soira do 3 kurusus pinapatawar gana kabaalan (SKM) noo i noilaan sabaagi Kurusus Kosmetologi, Kurusus Pengurusan perniagaan om Kurusus Seni Kulinari. Doid gana panarampasan, piipiro tulun huguan sikul i koumbal manarampas diti i poinsuang i Gundohing Thomas Wong Kon Tai ( 1981-1994 ), Gundohing Ali bin Ariffin ( 1994-1995 ), Zandi Siti Aisa Hj. Maidin ( 1995-2015 ), Gundohing Johari @ Jaibet Sabin ( 2015 – 2022 ) Zandi Christine Stanislaus Kinsik ( 2023 - 2023 ) Gundohing Nordin Bin Akup (2023 - kini).
Kolontoyon Tangaanak Sikul
[simbanai | simbanai toud]Ontok di toun 2022, songulun tangaanak sikul mantad Kolej Vokasional Keningau mantad Program Teknologi Pembinaan i nointutunan sabaagi Alesyah Asa nakaanu kosiwatan do mampayat doid top 50 finalists for the Global Student Prize 2022 mantad koinsanai mampayat id piipiro pogun. Kinolontoyon nopo disido diti nga karayou kopio tulun pogun Malaysia tu okon nopo ko popoingkawas ngaran Kolej Vokasional id taang sompomogunan nga doid montok nogi ngaran Malaysia sondii. Maya ahal diti, nakaanu dii isido do tutungkap kapamagatangan poimbida mantad di Tuan Yang Terutama Yang Dipertua Negeri Sabah. Tutungkap nopo di naanu di Alesyah nga Sijil miampai tusin soginumu RM5,000 (Limo Ribu Ringgit Malaysia),. Okon ko' ilo' no', nokotorimo nogi isido do Anugerah Emas Menteri Pendidikan ontok 11 Gomot 2023 maamaso Majlis Konvokesyen Kolej Vokasional Kementerian Pendidikan Malaysia montok graduan-graduan toun 2022.
Carta Organisasi Kolej
[simbanai | simbanai toud]Huguan SIkul:
En. Nordin bin Akup
Timbalan Huguan Akademik:
Pn. Noorhayati Hashim
Timbalan Huguan Sokongan Akademik:
En. Pounsin Kining
Boyoon Jaminan Kualiti:
En. Amirul Ahuar Abdullah