Kolibobog

Rama-rama
	Opodiphthera eucalypti
Scientific classification
Kingdom:	Animalia
Phylum:	Artropoda
Class:	Insecta
Order:	Lepidoptera

Kolibobog (Malay: رام٢, bahasa Inggeris: moth) nopo nga iso kawo songongi id suang do tinimungan Lepidoptera, miagal do kolibambang. Pomboogian nuludan Lepidoptera kumaa kolibobog om kolibambang nopo nga pomboogian di otutunan kopio, nga okon ko pomboogian do taksonomi saintifik.

Pisuayan miampai kolibambang

Kolibambang om kolibobog nopo nga ahaur-haur kopiagalan sokiro intangan mantad sodu gisom kaanu momoborulong om milapau pokomoyon. Pisuayan fizikal tapangkal dii nopo nga okito id sesungut: kogumuan do kolibambang nopo ngaharo sesungut kifilamen agahui om kibontuk belantan id dompok, om sesungut do kolibobog nopo nga kihulu. Pisuayan suai di okito nopo nga kolibobog mamalanat do talad dau soira mundorong om kolibambang nopo nga poinlopi miampai poinrindog id sakai do tinan maamaso mundorong. Talad do kolibobog nogi nga kiwotik do atalup moi do popouhan do lumisok id posorili, kopiadang do kolibambang di mogikaakawo wotik om okito.

Kogumuan do kolibambang nopo nga oporogot id timpu dangadau om kolibobog nopo nga oporogot id timpu totuong.

Kowoowoyoo

Kagayatan kumaa binabang

Okito o kolibobog tumulud sumorili do binabang winonsoi do tulun miagal do lampung. Iso hipotesis i milo uhoton montok popotolinahas do fenomena diti nopo nga gama do kowoowoyoo pongomudian orientasi linaab (transverse orientation) i tumanud do jasad-jasad samawi miagal do rombituon om tulan papatantu do pisuk kakal montok monguhup do kolibobog tumulud id garis di otulid.

Jasad-jasad nopo diti nga osodu kopio mantad pomogunan gisom do aiso pisuayan do pisuk di oroso do kolibobog. Sundung po tu' miagal di, sinodu binabang winonsoi tulun nopo nga osomok miampai posorili minononsog do kolibobog montok kumilong moi do kopitindu miampai pisuk di kaanu popouhan do tumulud. Ahal diti papasabap do wayaan tumulud do kolibobog nopo nga' mongiririlit soira minsomok kumaa toud binabang.^[1]